التعامل مع الزوج في بداية الزواج

من فترة قصيرة تزوجت و بعد الزواج و شهر العسل … ما اعرف شنو اسوي

شلون اتعامل مع زوجي من الناحية المادية و الاجتماعية و شلون اتعامل مع اهلة و اصدقاءة ….

اتمنى ما تبخلون علي و على بنات المنتدى بخبراتكم

الاحترام الحب والطيبة والشخصية القوية اهم شي لانة من البداية ولدج على ما تربينة وريلج على ما تعودينة
والله يوفقج حبيبتي

ونسيت اقولج اهم شي اذا تبين تكسبين ريلج من هلة مهما سوى سايسيهم كثر ما حبوج هلة راح يحطج فوق راسة لا تحاولين تشيشنه عليهم مهما عملوا لانة بالنهاية بيتركج وبيرد لهم واهم شي امة امة امة حطي هالشي بالج وخليج بشوشة مع هلة
وربعة اذا كانوا زينين خليج عادي واذا كانوا حاولي تبعدينة مو بالنجرة لا بالمسايس والريج الحلو لانة الريال بيعاند اذا شاف من المرة اوامر
ومن ناحية المادية خليج مقتصدة يعني لا تبذرين وطلبين منة وايد فوق المعقول ولا تعودينة على اليد المغلولة ويعلمج على كلمة ما عندي وما عندي خو هذي كل الرياييل يقولونها
وانشالله البنات يفيدونج بعد

صحيح كلام اختي واحب اضيف شي لازم تقعدون مع بعض وتحطون النقط على الحروف يعني ناديه واساليه شنو يبي وشنو يحب وعلميه نفس الشي عن نفسش وانه ماحد يتعدى على الثاني انا سويت شذي وارتحت الحمد الله

الصراحة انا بعد اعاني من نفس المشكلة ساعات احس نفس متضايقة ومحبوسة مع انه مو حارمني من شئ وكثير احس نفسي مالي خلقه ومابي اسويله شئ والكل يقولي مو شكلك عروسة مع اني كنت احبه وايد وحاربت علشانه
مادري احس ابي شئ ثاني
الله يهدينا
حدي مستحية اول مرة اتكلم عن شئ شخصي لهالدرجة ومو قادرة اقول هالكلام حق احد من الاهل وما عندي اصدقاء قلت نفضفض سوا

والله بيقولون اول سنة هي اصعب سنة كل واحد له طبيعته واسلوبه وبعد السنة الاولى التفاهم يزيد والعشرة ولازم كل واحد يتحمل التاني

الصراحة انا بعد اعاني من نفس المشكلة ساعات احس نفس متضايقة ومحبوسة مع انه مو حارمني من شئ وكثير احس نفسي مالي خلقه ومابي اسويله شئ والكل يقولي مو شكلك عروسة مع اني كنت احبه وايد وحاربت علشانه
مادري احس ابي شئ ثاني
الله يهدينا
حدي مستحية اول مرة اتكلم عن شئ شخصي لهالدرجة ومو قادرة اقول هالكلام حق احد من الاهل وما عندي اصدقاء قلت نفضفض سوا

مشكورين على الرد … كل البنات المتزوجات مرو بنفس الحالة و حلو ان احنا نتبادل الخبرات … علشان الكل يستفيد لان الموضوع مهم وايد …