التبول اللاإرادي ابي حل تعبت؟؟!!

اي والله حبيبتي تعبت وياه مادري شفيه مادري لاني انا وابوه اول زواجنا كله هواش ؟؟ الله اعلم

بس بعدها كل شي تغير واهو مايطلب شي الا وياه مو مقصره عليه بشي كنت عصبية قبل بس وايد تغيرت

الله يحميهم يارب و يشافيهم من هالمرض

طبعاً هذي مشكلة اغلب الأمهات خل أقولج تجربيتي

وديت بني حق عيادة التبول اللائرادي وعطوني دواء إسمه منيريين بس شنو كان غالي ما أذكر على 18 أو 27 دينار ماني ذاكره المهم إستعملته فتره بس كنت خايفه منه أخاف له مضاعفات فوقفته على طول ورحت مره ثانيه

بعدين وديتها حق دكتور مسالك بولية وسوى تحاليل والحمد لله كل شي تمام ، جان يقولي إهي كانت تبول يوم إصغيره يعني طول عمرها بحفاظه قلتله لا الحمد لله ما كانت جذيه بس توها جان يقولي عيل هذا نفسي البنيه مافيها شي المهم شوفي الحل إن شاء الله بسيط أول شي قبل النوم بفتره إمنتعي عنها السوائل الجاي والبيبسي والعصائر وبعدين تكرمين خل تبول وتنام على طول وعقب ما تنام بساعه قعديها ووديها الحمام مره ثانيه وبعد قبل الفجر هم قعديها علشان تبول .

سوي جدول بأيام الإسبوع وكل يوم كافئيه حطيله ستكرز على اليوم إلي ما يبول فيه ( ستكرز على نجمه ) أو كافئيه بشي يحبه .

الحمد لله ياب نتيجه من أول يوم بس ساعات أتعيز اقعدها والي خلق فتكرمين تبول وساعات تشرب سوائل وايد قبل النوم فشي طبيعي تبول والجدول ياب نتيجه وايد حلوه وإستانست منه .

أهم شي تتأكديين ما يعاني ولد من مشكله بالمسالك البوليه ودييه حق دكتور مسالك بوليه وأهو بسويله التحالليل اللازمه .

والله من ناحية النوم الثقيل ولدي يشلع قلبي يالله يقوم يمصعني تمصع وانا اسحب فيه

ولا اكو فايده يقعد يومين زين وتالي يرد على شغله

مذهله شفتي إشلون كاهو ولدج يشرب ماي وايد قبل لا ينام هذا السبب صدقيني جربي الكلام إلي قلته وبتشوفين النتيجه طبعاً نصيحة الدكاتره لي والحمد لله يابت نتيجه وبالنسبه للحبوب لا أقولج وقفتهم على طول اخاف

انا والله امنعه بس اهو يروح من وراي يشرب, لا ومع ويهه لو اقعده ابيه يروح الحمام مايرد ولا يقوم وبصراحه اتعب وانا اسحبه فاسكت واخليه بس لاعت جبدي كل فترة وانا اشتري بهالكفرات والدواشق ولا يرضى ينام على نايلون الله يعيني ويعينه ويخليلج بنتج يارب ولا يردها لهالعاده الشينه

إي والله هذي مشكلتنا راسهم يابس أقولج أنا اخذت من Ace أيس شرشف نايلون مبطن بقطن والله إنه كل من شافه عندي شرى حق عياله لأانه مو حار نايلون لالا اقولج مبطن بطبقه زينه من القطن والنايلون ما يحسون فيه وبعدين غطيه بسرشف العادي وينغسل روحي إخذي حق ولدج يمكن يستانس منه وما يحرق يلدة لأنه العادي بصراحه حار لا تلومينه إذا ما حبه

خوش جزاج الله خير دام اني هالاسبوع اجازة بروح الضحى اشتريه ياوخيتي الغساله اشتكت مسكينه زين ماتطق وتنفجر من الشراشف والكفرات

الحل بصيط وبدون اي تكلفه قبل لاينمي الطفل بس خليه يروح الحمام وانتي كوني معاه وخلية عزكم الله يبول واشالله انه راح يصحى منالنوم واهو نظيف وفراشه نظيف وتستانس الخدامه واهو شجعيه وعطيه هديه علشان يتعود يروح الحمام قبل النوووم

والله اهو كبير مو صغير ماقدر عليه ويروح الحمام قبل ينام بس هم القى الصبح تحته بحر تعبت وايد معاه جم يوم يصير زين ويرد تالي على شغله

تعالي مذهله إسم الله عليه ولدج جم عمره لأنه إذا كبير لازم تراجعين الدكتور احسن