|
|
بسم الله الرحمن الرحيم
السلام عليكم ورحمة الله وبركاته
وبعد التحيه…
خواتي العزيزات..
انا لاحظت شغله واااااايد ضايقتني!!
بنات ليش قاعدين ترفضون قبولكم بالديوان بأي وظيفه؟؟
قاعده اشوف بنات يرفضون على 4 و 5 مرات!!
بنات ترا الوظايف مو بسهوله تحصلينها مثل قبل!!
تدرون انكم لما قاعدين ترفضون شنو قاعد يصير!!
أولا: قاعده تضيعين عل عمرج الفرصه وانتي مو حاسه !!
انا اقولج شلون..
تقدرين تقبلين بالمكان حتى لو ما عجبج وبعدها تطلبين نقل او تحطين واسطه وتروحين المكان الي تبينه!!
اما انج بتقعدين ترفضين راح تنطرين لحد ما يطلع قبولج مره ثانيه ويا ترا المكان يعجبج ولا لأ والسالفه مطوووله!!
ثانيا: قاعده تضيعين فرص على غيرج وهذاااا حرااااااااام (وانا وحده من الي قاعده تضعين عليهم)!!!
بتقولين شلون بعد هم اقولج..
انت ترفضين 5 و4 مرات بكل مره ينزل اسمج بمكان وهم ترفضين
يعني بدال هالخمس او 4 مرات رفضتي فيهم جان 4 او 5 بنات توضفوا!!
ما تحسن انه هذااا انانيه ياختي؟؟؟؟؟
حرام الي قاعدين تسوونه والله انكم قاعدين تضيعوون الفرص على دلعكم احنا شذنبنا؟؟
اختي جزاج الله خير ارضى بأي شي ونقلي وين ما تبين !!
اتمنى انه محد يزعل مني بس والله من القهر كتبت هالموضووووع!!
تحياتي
اختكم
Bnboona
الرافضين بدفعتي 20 وحدة
اللة يسهل امورنا
والله يرزقكم إن شاء الله بالوظيفه والمكان الزين واللي تتمنونه 
الزينه شفتي شلون حتى انا رقمي واقف والرافضين 22
الله يهديهم انشالله
المهم انا رفضت لانه اهمه يحطوني بأردى الوزارات وانا ماكون حاطتهم برغباتي.. ورفضي الثالث كان بسبب مكان الوظيفة
فـ مو كل البنات اللي يرفضون يكونون سبب بتأخير توظيفكم احيانا تكون البنيه مضطرة ترفض مثل حالتي
وآخر شي .. ان شاءالله بأذن الله تنزل اساميكم بالدفعه الجاية وتتوظفون بمكان زين ومريح لكم وتحبونه
|
المشاركة الأصلية كتبت بواسطة N a j M a
 آنا رفضت 3 مرات قبل لا يحطوني بالتربية الحمدلله .. بس ليلحين ماداومت ماختارولي مكان على قولتهم " دعواتكم بالمكان الزين القريب " .
المهم انا رفضت لانه اهمه يحطوني بأردى الوزارات وانا ماكون حاطتهم برغباتي.. ورفضي الثالث كان بسبب مكان الوظيفة فـ مو كل البنات اللي يرفضون يكونون سبب بتأخير توظيفكم احيانا تكون البنيه مضطرة ترفض مثل حالتي وآخر شي .. ان شاءالله بأذن الله تنزل اساميكم بالدفعه الجاية وتتوظفون بمكان زين ومريح لكم وتحبونه |
الله يسمع منج حبيبتي
بس انتي ما تدرين البعض يرفض بسبب وبدون سبب !!
وبعدين حتى لو ارفضت 4 او 5 اماكن في كل مره ينزل اسمها ترفض كان بأمكان 5 يتوظفون واهيه ترفض!!
هذا الي اقصده في كلامي
ليش البنات يحطون اساميهم بديوان دام مايبون يشتغلون هالفترة .. صج الديوان ايطول بس مو سالفه بعد
تدرين ؟ آنا سمعت انه اللي ترفض هالمرة " المرة الاخيرة اللي انزلت فيها اسامي " يتسكر ملفها !
طبعا يتسكر ماظنتي بس صج اهمه يطنشونها بعد ماترفض الوزارات ويخلونها لييين الوزارة اللي تحتاج تخصصها تحتاج موظفين ..
وتصدقين حبيبتي اكثرهم بعد يقولج انا مسجله بالديوان بس جذي ولا انا مابي
يعني ليش ترا اذا انتي ما تبين آلاف غيرج تبي ليش تاخذين فرصة غيرج
وهذا قمة القهر!!!
الديوان الي يسوونه ان يقطون الخريج باردى وزاره مافيها لاكوادر ولا شي ومكان اييب الهم عشان شي واحد تدرين شنو
يرفض او يتوظف
لان اذا رفض ماياخذ بدل بطاله
مايبون يصرفون بدل بطاله
وانا جامعيه وتعبت ودرست وذقت الويل بحوث سهر دكاتره عسرين وبلاوي موعشان ننقط مكان لاكوادر ولاشي
يمكن لوشهادتي دبلوم يعطوني مكان احسن
ولاتقولين ننقل بعدين لان ان اذا ماعندج واسطه انسي تنتقلين ووقتها قعدي تحسفي طول عمرج
الواحد يخطط لحياته ويتانى باالختيار
بس ماوصلت معاي ل5 و6
انا مرتين
وان ماقبلوني مكان سنع بروح الخاص
بس الحين بعد ال120 ممكن نشوف من الخيارات السيئه ونتحمل عشان المعاش اما قبل 470 نو وي
أختي توهقت وافقت على وزارة ماني قايله شنهي
و الحين متحسفه قد شعر راسها لأن حاولت تنقل ما قدرت
ووااااااااااااااايد بنات وشباب مبتلشين بوظيفتهم لأنهم أستعيلوا بقرارهم
هذا مستقبلي بدوام فيه كللللللللللللل يوم لازم أكون مرتاحه فيه
السالفة مو دلع والله
وأنا إنقبلت هالمرة الحمد لله يارب
كنت برفض ومارفضت للحين مو عارفه شسوي
لا تيأسون إن شاالله سهالات
|
المشاركة الأصلية كتبت بواسطة الاسطورية
كل واحد له هدف بالحياه يسعى يحققه مو خذوه فغلوه
الديوان الي يسوونه ان يقطون الخريج باردى وزاره مافيها لاكوادر ولا شي ومكان اييب الهم عشان شي واحد تدرين شنو يرفض او يتوظف لان اذا رفض ماياخذ بدل بطاله وانا جامعيه وتعبت ودرست وذقت الويل بحوث سهر دكاتره عسرين وبلاوي موعشان ننقط مكان لاكوادر ولاشي ولاتقولين ننقل بعدين لان ان اذا ماعندج واسطه انسي تنتقلين ووقتها قعدي تحسفي طول عمرج الواحد يخطط لحياته ويتانى باالختيار بس ماوصلت معاي ل5 و6 وان ماقبلوني مكان سنع بروح الخاص بس الحين بعد ال120 ممكن نشوف من الخيارات السيئه ونتحمل عشان المعاش اما قبل 470 نو وي |
اختي انا معاج كل واحد له هدف بالحياة!!
انتي تبين قطاع خاص ليش قدمتي على الديوان من الاساس!!
ليش انتي ما تعرفين رواتب الحكومه جم من الاول؟؟
ولعلمج حبيبتي ترا مو بس الديوان واسطات حتى القطاع الخاص الحين صار فيه واسطه!!
انا مستغربه من كلامج والله ..جامعيه على عيني وراسي ..وترا الكل درس وتعب مو بس الجامعين!!
وترا حتى الدبلووووم الي اهيه شهادتي ترا درست وتعبت وذقت الويل !!
وعلى فكره ترا الجامعه واايد اشياء مسهلينها عليكم اكثر من الي بالمعاهد!!
وشي ثاني انتي تتكلمين عن الكوادر وهذا موضوع ثاني ماله شغل بالي انا طرحته!!
لأنه هاذي مو مشكله بالديوان هاذي مشكله بالحكومه نفسها!!
انا قاعده اقول رايي
وانا ماقلت ابي خاص لا انا ابي حكومه ماقلت خاص
ولا ادري جم المعاشات لان مادري وين كنت بنقبل لان في اماكن معاشها قوي واماكن لا
رفيجاتي شوف عيني تخرجو معاي وحده انقبلت مكان معاشها 700 الله يهنيها ومكاني انا 470؟
وحده انقبلت مكان ماتحبه رضت لانها تبي تشتغل الحين ساليها شلونج شوفي النفسيه بتنفجر ومتوهقه
سواء ديوان ولاحكومه اهي الوظيفه الي بدشها المعاش يشمل الاثنين انا اتكلم عالوظيفه نفسها يعني اذا فيها كادر بقبلها اذا مافيها لا وهالشي صج كان مستحيل عشان جذي اهمه الحين زادو المعاشات لا معاش قبل مايسوي شي
والجامعه منوقالج مسهليلنه لا ابددددددد مافيها شي سهل كل شي عسر هذا وانا تخصصي موجايد
بالنهايه الي ابي اوصله لج:
ان الي درس وتعب سواء شنو كانت شهادته في هدف في باله موبس بيتخرج ويتوظف اي مكان يمكن انتي عادي عندج تتوظفين بالي يختارونه لج بس في طالبات وطلبه خريجين يبون مكان معين من حقهم اهمه درسو سنين موعشان اخر شي انقبل بالي يقطوني فيه لا انقبل باللي انا ابيه
اما الخاص اقولج حل اخيييييييير اذا ظلو يحكرونا بوزارات فاشله
اصلا اكبر مشكله بالكويت ان الكل قاعد يقبل وبس عشان اسمه توظف وشنو النتيجه روحي شوفي لما تسوين معامله ولا شي شوفي النفسيات الي تسد النفس كل واحد قاعد بمكتبه غصبن عنه ويعاملونا اسوا معامله ليش لانها قبلت مكان ماتبيه وتوهقت ماتقدر تطلع
واحنا كنا نتناقش بموضوهعج هذاك الحين صار هني وهني انا ضعت لوووووووووووووول
ورترى النهايه انا قاعده اسولف واقول رايي اتمنى ماتتضايقين لان حسيتي تضايقتي من ردي وانا ما اقصد اضايق احد ولا قلت شي يضايق!! بس انتي تضايقتي لاني خصيت الجامعيه هذا لاني اتكلم عن نفسي كلكم تعبتو دبلوم ولا جامعه عشان جذي اقولكم تعبتو لاتقطون نفسكم باي مكان
انا تعبت عشان يصير مستقبلي حلو
انتي رايج ان انقبلت بمكان لازم تتوظف فيه حتى لوماتحبه؟؟ مايصير بعد هذي حياه شخص واهو يخططلها
|
المشاركة الأصلية كتبت بواسطة الاسطورية
اول شي انا قاعده اسولف عادي انتي مادري شفيج شاده اعصابج
انا قاعده اقول رايي وانا ماقلت ابي خاص لا انا ابي حكومه ماقلت خاص سواء ديوان ولاحكومه اهي الوظيفه الي بدشها المعاش يشمل الاثنين انا اتكلم عالوظيفه نفسها يعني اذا فيها كادر بقبلها اذا مافيها لا وهالشي صج كان مستحيل عشان جذي اهمه الحين زادو المعاشات لا معاش قبل مايسوي شي والجامعه منوقالج مسهليلنه لا ابددددددد مافيها شي سهل كل شي عسر هذا وانا تخصصي موجايد بالنهايه الي ابي اوصله لج: اما الخاص اقولج حل اخيييييييير اذا ظلو يحكرونا بوزارات فاشله واحنا كنا نتناقش بموضوهعج هذاك الحين صار هني وهني انا ضعت لوووووووووووووول ورتى بالنهايه انا قاعده اسولف واقول رايي اتمنى ماتتضايقين لان حسيتي تضايقتي من ردي وانا ما اقصد اضايق احد |
لا حبيبتي عادي ما عصبت 
انا جذي طبعي لما اسووولف لووووول
واذا تبين الزبده ومن الآخر عندج واسطه تشتغلين بمكااااان حلووو ما عندج على الدنيا السلام!!
الحين ماكو واسطه بالديوان تدرين لأن الحكومه صارت الكترونيه يعني رقمج لا يصعد ولا ينزل!!
انا سويت كتابين من الطيران المدني انهم يبوني ولاكن ما صار لأنه لازم يطع اسمي أول!!
لا بالعكس انا مابي اي مكان والله !!
بس تدرين شلي صاير لازم يطلع اسمج وتشتغل والواسطه بعدها …يعني اي مكان يطلع ماكو مشكله
بس المهم يطلع وبعدين سوي كتاب وروحي وين ما تبين هذا النظام اليديد الحين .gif "Eh S(1)")