البنات اللي يعانون من الأجسام المضاده يدخلون

السلام عليكم بنات

انا اجهضت 5 مراااااات سويت تحاليل وكانت النتيجة وجود الاجسام المضادة وحسب ماعرفت ان الاجسام المضادة نوعين
1.نوع بالرحم تعمل على منع الحمل اصلا .
2.النوع الثاني بعد حدوث الحمل تعمل على ايقاف نمو الجنين مما يسبب الاجهاض .
انا من النوع الثاني من أحمل يتم حملي خمس أسابيع ويطيح كامل، نفسيتي اتعبت وجسمي تعب وصار فيني فقر دم بس الواحد مايقول غير الحمدالله على كل حال.
عالجت بالخاص وكل من يقولي شي لين فتحت ملف بالولاده وعالجت عند استشاري وماخذ الدكتوراه بالاجهاض المتكرر الله يكثر من أمثاله ، اكتشف مشكلتي وعلاجي حبوب بيبي أسبرين وأبر يوميه اكلاكسين وحبوب كرتزون.
وانا الحين موحامل وعلى الشهر الياي انشالله احمل ، عطاني الدكتور حاليا حبوب بيبي أسبرين أكلهم لمدة شهر ومن أحلل وأطلع حامل ياااااارب راح يبدي معاي الكرتزون وابر الكلاكسين.
اللي عندها حاله مشابهه اتفيدنا ، واللي حابه تستفسر وانا اجاوبها[/b][/b][/b]

انا فيني تخثر بالدم
والحين اخذحبتين بيبي اسبرين خذيت ابر كورتيزون لي مدة 3 اسابيع
وعندي موعد بعد اسبوعين الدكتوة قالت اذا ماتحسنت
راح تعطيني ابر هيبارين اهيا تستخدم حق الاجسام المضادة
واللي عندهم تخثر وماعندهم سيوله بالدم نفسي
الله يعوضج يارب
ونصيحة رووحي حق دكتورة خالدة المجيبل برويال حياة اهيا
اللي عرفتلي بعد ما ااجهضت مرة

حبيبتي انا الحمدلله ما فيني بس حماتي فيها
اجهضت مرتين بداية زواجها .. كان نبض الياهل يوقف وينزل عليها دم من الأسبوع السادس

راجعت الصباح وطلع فيها اجسام مضاده وعلاجها بيبي اسبرين يوميا لحد الشهر التاسع توقفه عشان ما يصير معاها نزيف عقب الولادة لأنه يسوي سيوله بالدم

وابره يوميا ( بس ما ادري شسمها ) تاخذها يوميا في نفس الوقت طول مدة الحمل

وماشاء الله الحين عندها الحين بنتين 4 سنوات و سنتين الله يحفظهم

والفال لج يارب ولا تحاتين ان شاء الله مع الحبوب والابر راح يكون حملج طبيعي مثلج مثل غيرج

[QUOTE=laly-82;15050703]السلام عليكم بنات

انا حملت ثمان مرات واحدة فقط هي اللي استمرت بس انجبت في الثامن بعد وجود ضغط الدم وتوفي الطفل بعد ثلاثة ايام ولدي أجسام مضادة استعملت حقن هيبارين واجهضت. بعد الولادة حصل الحمل الثامن استخدمت حقن اينو هب واجهضت واستخدمت الاسبيرين. ماذ افعل ليستمر الحمل والولادة بدون مشاكل

دائماً ندعو الله السلامة. هي في نظري أصعب شئ على المرأة أن لا تكون أم. وأنا واحدة من هؤلاء النساء يتم الحمل بعد 40-45 يوم يتم الاجهاض استخدمت الهيبارين والاسبيرين وحقن اينوهب وأيضاً لا جدوى أسأل الله الانجاب.

حبيبتي حماتي فيها الاجسام المضاده وطول فترت حملها كانت تراجع عند الصباح والحمدالله الان عندها 3 اطفال الله يخليهم لها ويشفيك ان شاالله ويشفي كل المسلمين يارب

انا نفس حالتلك اجهضت مره ومره توفى الجنين
وعرفت ان فيني اجسام مضاده
والحين استخدم ابر كللكسان يوميا وبيبي اسبرين مرتين باليوم

تو حللت وطلع فيني تخثر بدم واشتباه اجسام مضادة

يالله العافية

منو تقولي شلون شفت وتم الحمل السليم

أنا بعد أجهضت مرتين مرة بالأسبوع العاشر وقف النبض ومرة بالأسبوع الثامن وعطتني الدكتورة بيبي أسبرين وميدارول اذا عرفت أني حامل سيدا استخدمه بس ماقالت لي عن الإبر انتي اي دكتور وصف لج الإبر ؟

انا بعد اجهضت مرتين عطتني الدكتوره بيبي اسبرين وفولك اسد وابر آخذها بالفخذ كل يوم والحمد الله حملت يبت ولد

انا اجهضت 3 مرات
وعقب عطوني بيبي اسبرين + ابر كلاكسين يوميا
والحمد الله يبت بنتي
والحين توني حامل … فطلب مني الدكتور اني اعيد تحليل الاجسام المضاده وسويته
انا اراجع بالصباح … والله يسهل انشالله

يا رحيم يرزقني ويرزق كل محرومه

انا بعد بديت استخدم ابر الكلكسان و البيبي اسبرين
لانه توفى البيبي بطني بالاسبوع 14 و بعدها الصباح قولولي معاج اجسام مضاده
بس لمن سويت بالخاص قالولي مافيج اجسام مضاده
الله يسهل هالحمل يارب و يرزقني بالطفل المعافى و السليم
و يرزق كل محرومه يارب العالمين

وأنا بعد حملت مرتين واجهضت واحد بالاسبوع 15 والتاني بالاسبوع 16
وطلع عندي نقص بروتين s تخثر بالدم يعني اجسام مضادة
والحين حامل ولله الحمد والشكر واليوم بديت بالأبر الله يعين ويثبته يااااارب
ويرزقني ويرزقك وكل محرومه

انا حملت سبع مرات ويطيح باول الحمل ومرة توفى بالخامس..وطبع فيني اجسام مضادة,,بس تونى ادرى ان في نوعين؟؟انتى متاكدة؟؟