البريطانية ولا الانجليزية الحديثة

بنات ابي رايكم اي مدرسة تنصحوني اخلي بناتي فيها البريطانية اللي بسلوى ولا الانجليزية الحديثة اللي بالجابرية ؟؟ واي وحدة مستواها اقوة بالتدريس ,,,تدرون بعد هذول اول فرحتي وماعندي فكرة بهلامور

الثنتين يعتبرون من اقوى المدارس البريطانية في الكويت
فانتي روحي الثنتين و اللي ترتاحين لها انتي و بناتج توكلي على الله سجليهم فيها.

مشكورة حبيبتي طيبة , المهم انا رحت حق المدرستين وثنتينهم عاجبيني واييد لي درجة اني محتارة واخذت لهم مواعيد حق الانتر فيو بس انا سامعة انة وحدة منهم برعاية السفارة البريطانية بس مادري اي وحدة واعتقد تكون اقوة صح؟

ياريت اللي عندها خبرة او معلومة تفيدني بلييييييييييييييييييييز

شدعوة بنات ولا وحدة تعرف عن هلمدرستين ولا موضوعي مطنشينة ومالة معنة عندكم ترة ضروري بالنسبة لي ؟؟؟

انا مياله للحديثه يمكن لأنه صديقاتي ايام الجامعه متخرجين منها ماشاءالله
و الحين وحده تحضر الدكتوراه في استراليا و الثانيه في امريكا.
و بعدين نطري نتيجه المقابله في الثنتين و الله يوفق بناتج يارب و يهديج للي فيه الخير لهم يارب

بريطانيه الي معتمده من السفاره حبوبه بس متى تسجيل و عندهم حضانه ؟

مشكورة طيبة على دعوتج الحلوة والله يرزقج باحسن منها يارب ,,, ام يويو كويت ابرتش اسكول اللي بسلوى عندهم حضانة بنفس مبنى الكي جي1 بس الحضانة تحت والكي جي فوق .

اناا اتصسلت عليهم قالولي الحضانه التسجيل مفتوح 1680 السنه دفعتين شهر 9 و شهر 1

و سويت استخاره و الحمدلله اطلعت زينه و قلت باخذ موعد معاهم علشان اشوف المدرس و مقابله بسيطه مع وليدي و الله يكتب الي فيه الخير

انا افضل الانقليزيه الحديثه

انا اقول الثنتين تمام ** وأشتري القرب حبيبتي ** والله يوفق بناتج يارب

شوفي حبوبه
انا خرجت عيالي من الاكاديميه الانجليزيه وعندي الحين بنت وحده وهذي اخر سنه لها … وهالعام بغيت انقل بنتي واوديها الحديثه
ولما سالت عدل قالوا صحيح اهي قويه بالتدريس ومتشددين حييييييييييييل مع الطلبه بس سمعتها مو شي من الناحيه الاخلاقيه
وبعدين مدخل المدرسه ومخرجها صعب حيل وزحمه …. واعرف وحده حيييييييل كانوا عيالها بالحديثه والسنه اللي طافت نقلتهم عندنا
وقالت لي نقلتهم لانها متضايقه من الزحمه للعلم انه بيوتنا بالجابريه ونشتكي من هالزحمه
بس سالت لج بنتي اللي تخرجت وقالت انها اقوي مدرسه

شكرا على الموضوع الحلو انا ودي انقل بناتي للي بسلوى بس ما ادري كم الرسوم وتتوقعون يقبلونهم وحدة gr3 ,gr1

وين مكانها الاكادمية الانجليزية وشلون اسعار الكي جي 1 عندهم,,

اهم هلحين بي مدرسة ؟ واعتقد يبلون بس لا زم الانتر فيو , وعلى فكرة التسجيل بادي عندهم من شهر يناير اعتقد يدوب تلحقين