الاوراق الصفره ،، لها تأثير

يجينه سعودنا بعد نص ساعه تعبان ،، و من يشوفنه تضحك عيونه

يجينه سعود يضحك و يعرف ان غلطان ،، و تظل تلوم بيه اخته الحنونه

تعبك هذا يابو تعبك لا يا بو عزوز ،، محد باقي بالكليه غير انا و (( وبشور )) << هذي انا

ننتظرك اليوم الساعه ثنتين (( 00 : 2 )) ،، ولخاطر الله لا تتأخر علينه

والله بنات الساعه 1:59 دق علينه يقول يالله طلعوا انا برى ،،

نجحت الخطه و من بعدها صار ما يتأخر علينه

**********************************************

الموقف الثاني ،، سعووود سيارته عفسه عبالكم غرفه نوم مو سياره و دايما نطلع اشياء غريبه و نطنز عليه

عاد قلت يالله بكتبله ورقة صفره <<< استانت على السالفه ،،

كتبتله (( لو سمحت لا تمر تاخذنه اليوم اذا مو منظف سيارتك ابي الاقي مكان اقعد فيه ))

و لمن طلعنه و ركبت السياره الا السيارة نظيفه ،، و اول ماشافني قعد يضحك يقولي والله شفت الورقه و مت ضحك قلت وخليت صبينه ينظفها علشان تاخذين راحتج انسه بشاير ،،

*********************************************

عاد المهم بالموضوع ،،

بعدها صرت اركب السياره الاقي اوراق صفره ملزقه بكل مكان قتله شنو هذا ،، جان يقول عجبتني الفكره و صرت الزق

اوراق صفره علشان اتذكر

********************************************
الموضوع الحين :

غيري طريقة تذكيرج حق ريلج بألتزامته و بمواعيدكم و و خذيها من باب الغشمره و الاوراق الصفره ،، حمرا خضره كيفج

اختاري اللون اللي يعجبج و لزقيها بمكان اهوا دايما يشوفه ،،

و لا تتلحطمين وايد لان نسااي ولا تتذمرين عنده لان نساي ولا تتنرفزين لان نساي ،،

خليه يتذكر بس من غير ما ينغث علشان يسوي هالشي من قلبه و من غير لا يغثج ،،

ان شاء الله تنفع معاكم الاوراق الصفره مثل ما نفعت مع ولد عمتي

*******************************************

صار معاج موقف مثل جذي ؟؟

ذكرتي ريلج بطريقه ثانيه و بعدها قام ما ينسى ؟؟

استعملتي الاوراق الصفره من قبل ؟؟ و بشنو استعمليتها ؟؟