|
|
السلام عليكم ابلات
شلونكم
مادري شفيني هاليومين عالقسم ههههه بس خلاص قررت اصير ابله من سوالفكم الحلوه لوول
انا عندي مشكله وقلت محد يحلها الا ابلات المنتدى فديتهم
انا مشكلتي كبيره حيل وخطيره بعد >> لوول
انا مشكلتي اني ضعيفه حيل بالانجليزي وما اعرف احفظ الست بوووك وحتى الكلمات ودايما ادخل الامتحان بس اكون دارسه القواعد اما الست بوك والكلمات لاااا وانا ما عندي حصيله للكلمات ومستواي حيل نازل بالانجليزي حتى برزنتيشن ما اعرف اقدمه لووول
وانا الي يرفعني بالانجليزي اني احضر ما احفظ يعني ارد البيت احل التمارين وكل شي بس ما احفظ الكلمات
فابي مساعدتكم ولكم دعوه حلوه والله بظهر الغيب وخصوصا انا خريجه وخايفه حيل ولازم ايمع درجات فابي من اول شي
اذا تعرفون ابله شاطره وتدرسني بنظام كورس او اي شي قولولي
او معهد او اي شي حتى لو ترفعون الموضوع
لبى روحكم واتمنى القى ردود
اكيد انتي عارفه الامتحان اربع اقسام الاول الفوكابلري الي اهوا الكلمات الجزء الثاني القواعد بعدين الفنكشن بعدين الست بوك
الكلمات مالج حل الا انج تنسخين الكلمات بعد كل يونت نسخي الكلمات بينج وبين نفسج وقبل الامتحان النصفي وبجذي تسهلين الفاينل على نفسج
وضروري تكونين عارفه المعني
دام ماعندج مشكله مع القواعد الحمدلله
الفنكشن تدرسين من اللي تعطيكم الابله لان ماكو شي من برا المنهج
الست بوك سهل ترا غالبا يكون سهل بس لانه بالانجليزي انتي تستصعبينه فحلج انج تترجمين كل الكلمات الي ماتعرفينه عشان تفهمين السؤال اول وبعدين الاجابه وبعدين نسخي
حلج انج تترجمين وتنسخين 
ترا الانجليزي سهل وحلو
واثناء التصحيح يطوفون ويتساهلون
ونصيحه لج اذا بتسهلين على نفسج اكثر واكثر حاولي تحضرين مع الابله وتتابعين معاها وين وصلتو وتترجمين الدرس والكلمات قبل الحصه
نسيت اضيف لا تعتمدين على مدرسه خصوصيه او معهد
الدراسه اجتهاد منج انتي ماكو شي بالساهل
عاد انا اموت من القهر ان البنات يضيعون اعلى الدرجات
الفوكابلري والست بوك عليها اكثر من نص درجة الامتحان
حرام تضيعونها
هالكلام بتفيدج بحياتج بعدين
صدقيني لو تحفظينها بنفس اليوم اللي تاخذونها فيها احسن لج وماراح تنسينها كللش
ولو تحضرينها قبل ماتاخذونها يكون احسن
صدقيني سهلة لو تعتمدين هالطريقة
وانتوا بعد مو كل يوم عندكم كلمات
يمكن مرتين بالاسبوع بس
شدي حييلج حبيبتي