|
|
انا محتاره وعندي ببالي فكره بس ابي اعرف شرايكم بفكرتي
انا رشحتني الديوان لوزاره من الوزارات وسويت اوراقي وخلصت وسويت الفحص وخلصت
وبنفس الوقت نزل اعلان شركات النفط وقدمت عليها وسويت اختبار ومقابله وخلصت
الحين بالنسبه للوزاره باقي بس اعطيهم الفحص واباشر بالشغل
وشركه النفط باقي بس ينادوني
مشكلتي الحين صراحه انا بخاطري قطاع النفط بس هم بنفس الوقت اهلي يبون امشي شغلي بالوزاره ومحد فاهمني مايبوني
اوقف شغلي بالوزاره عشان انطر النفط ويخافون يروح علي الوزاره اذا ماخذوني النفط واظل من غير شغل
لاني ناطره صارلي تقريبا سنتين وابوي يبيني اشتغل وبس 
وكله يقولي شي احسن من ولاشي
بس والله بنات انا ابي قطاع النفط شسوي اذا قبلت بالوزاره وياني قبول بالنفط اخاف يروح علي النفط والوزاره اعتقد عادي ينطروني شهر شهرين ماتروح وظيفتي دامي مو رافضه ولا موقعه ورقة مباشره عمل ليلحين
مادري حدي محتاره
اخر شي فكرت قلت بتوظف بالوزاره ولم يطلع قبولي بالنفط استقيل من الوزاره << هذا تفكيري النهائي
صح اللي افكر فيه ولا لا؟
هل الوزاره تقبل باستقالتي اذا قدمتها بعد شهر ولا لاا قولوووولي اخاف بعدين اتوهق ويروح علي النفط
علموووني من الحين
حابة اسمع نصايحكم ورايكم ومعلوماتكم
لاتنسوني ماني عارفه شسوي
اول شي كملي شغلج بالوزاره لما النفط يدقون عليج واذا ضمنتي وظيفة النفط قدمي استقالتج من الوزاره
وعادي يقبلونها بأي وقت حتى لو بعد شهر
وبالتوفيق حبيبتي
رفع لعيونج
أذا قابلينج والا لأ
|
المشاركة الأصلية كتبت بواسطة عاشقة الكاكاو
 هلا حبيبتي
اول شي كملي شغلج بالوزاره لما النفط يدقون عليج واذا ضمنتي وظيفة النفط قدمي استقالتج من الوزاره وعادي يقبلونها بأي وقت حتى لو بعد شهر وبالتوفيق حبيبتي |
تسلمين حبيبتي الله يوفقج يارب
|
المشاركة الأصلية كتبت بواسطة قمر 777
ماعندي فكره حبيبتي وماحبيت ادش موضوعج بدون رد
رفع لعيونج |
|
المشاركة الأصلية كتبت بواسطة law love
لا تسوين شي بدون لا تسالين مليون مرة سالي بالنفط و بالوزارة و الديوان لا تاخذين كلمة من احد استفسري بكل مكان عشان مايضيع عليج شي بالتوفيج للي في الصالح
|
تسلمين والله على ردج واهتمامج موفقه حبيبتي
|
المشاركة الأصلية كتبت بواسطة شرطيه حلوه
أنا أقولج روحي سألي بالنفط
أذا قابلينج والا لأ |
ووزارتي بس باقي اعطيهم اوراق الفحص وخاشتهم عندي ماوديتهم لهم متردده اخاف يروح علي النفط ومادري شسوي واهلي يبوني اشتغل بالوزاره وما اعطل نفسي بس تدرين الوحده بعد الصبر هذا كله تبي مكان زين يناسبها وترتاح فيه
الله يوفقنا ان شاءالله مشكوره على ردج موفقه
يعني……….دقي على شئون الموظفين بوزارتك ولو تراجعينهم احسن بعد لان اكثر موظفين الوزارات مايعطون وجه بالتلفون
اساليهم يصير تباشرين عمل بعد شهر او شهرين؟ لو راحت علي الوظيفة هل الديوان ينطرني لاني رفضت ترشيحهم؟ واي شؤال ثاني في بالك لاتترددين اسالي وريحي بالك.
وروحي قسم قبول الموظفين او القسم اللي قدمتي فيه في شركة النفط واسالي بعد
متى يطلع قبول الموظفين؟ بيطولون؟ ويصير اتوظف بمكان ثاني على ماتقبلوني؟ وغيره وغيره..
البنات ماقصروا بس انا افضل الكلام الاكيد مباشرة…لان الوزارات والشركات يغيرون كلامهم وسياساتهم وقوانينهم كل دقيقة.
وبالتوفيق عزيزتي.
أنا ناوية أقدم على اعلان شركة النفط مال شهر 9 والحين بعد أسبوعين بباشر عمل في وزارتي . إذا خلصت من مقابلة النفط وانقبلت بأروح استقيل من الوزارة وخلص الموضوع !
ترا تقدرين تستقيلين من آي وزارة حتى بعد أسبوع أو بعد يوم من الدوام , هذا اللي أنا أعرفه . بس للتأكيد دقي على شؤون الموظفين وسأليهم والأفضل تروحين لهم , يعني سهلة تلاقين جواب لسؤالج ما يسوى تحاتين والله .في موضوع مثبت بهالقسم اتوقع كاتبين عن هالشي , الموضوع عن قوانين العمل.
أنا أنصحج باشري بالوزارة مني للعيد راح تكونين مشتغلة شهر وشوي ف راح تستحقين أول راتب بدال لا تقعدين بالبيت تنطرين النفط.
موفقة حبيبتي
|
المشاركة الأصلية كتبت بواسطة $$أم الفهد$$
حبوبة اسألي من المصدر الأساسي عشان تاخذين الجواب الأكيد
يعني……….دقي على شئون الموظفين بوزارتك ولو تراجعينهم احسن بعد لان اكثر موظفين الوزارات مايعطون وجه بالتلفون اساليهم يصير تباشرين عمل بعد شهر او شهرين؟ لو راحت علي الوظيفة هل الديوان ينطرني لاني رفضت ترشيحهم؟ واي شؤال ثاني في بالك لاتترددين اسالي وريحي بالك. وروحي قسم قبول الموظفين او القسم اللي قدمتي فيه في شركة النفط واسالي بعد متى يطلع قبول الموظفين؟ بيطولون؟ ويصير اتوظف بمكان ثاني على ماتقبلوني؟ وغيره وغيره.. البنات ماقصروا بس انا افضل الكلام الاكيد مباشرة…لان الوزارات والشركات يغيرون كلامهم وسياساتهم وقوانينهم كل دقيقة. وبالتوفيق عزيزتي. |
وبالنسبه للنفط القبول يطلع ورى العيد واللي اعرفه النفط عادي يقدمون عليهم ناس تشتغل ولم يقبلونهم يستقيلون من وظيفتهم الاوليه بس انا خايفه من الوزاره اللي انا فيها مايرضون استقيل الا لفتره معينه او في قانون معين مادري عنه
مشكوره حبيبتي على ردج واهتمامج موفقه والله يوفقنا جميعا
|
المشاركة الأصلية كتبت بواسطة jazzer
حبيبتي ليش مكبرة الموضوع واهو صغير!!
أنا ناوية أقدم على اعلان شركة النفط مال شهر 9 والحين بعد أسبوعين بباشر عمل في وزارتي . إذا خلصت من مقابلة النفط وانقبلت بأروح استقيل من الوزارة وخلص الموضوع ! ترا تقدرين تستقيلين من آي وزارة حتى بعد أسبوع أو بعد يوم من الدوام , هذا اللي أنا أعرفه . بس للتأكيد دقي على شؤون الموظفين وسأليهم والأفضل تروحين لهم , يعني سهلة تلاقين جواب لسؤالج ما يسوى تحاتين والله .في موضوع مثبت بهالقسم اتوقع كاتبين عن هالشي , الموضوع عن قوانين العمل. أنا أنصحج باشري بالوزارة مني للعيد راح تكونين مشتغلة شهر وشوي ف راح تستحقين أول راتب بدال لا تقعدين بالبيت تنطرين النفط. موفقة حبيبتي |
صراحه ردج يريح ويطمني ان شاءالله الله يسمع منج انه يصير عادي وتمشي امورنا بسهالة
وتسلمين على نصيحتج حبيبتي واهتمامج وردج علي الله يوفقج وان شاءالله ننقبل بالنفط ونشتغل بمكان نرتاح فيه يارب
وبروح للموضوع اللي قلتي عنه بس لاحظت صاحبه الموضوع يعطيها العافيه صارلها مده ماترد على استفسارات البنات يمكن مشغوله
بالتوفيق ان شاءالله مشكوره
والله يكتبلج اللي فيه الخير
|
المشاركة الأصلية كتبت بواسطة el-3ashqaa
حبيبتي اول شي بمجرد ما طلع اسمج بالوزاره وما سويتي اوراقج خلال 15 يوم تعتبرين رافضه الوظيفه وتروح عليج اما بالنسبه للنفط مكاااااان زين بالنسبه للراتب وبس انا كنت اشتغل بالقطاع النفطي 5 سنين وما قدرت اتحمل طوووووووووول يومي بالدوام وتعالي شوفي بالشتاء اطلع من البيت 6 الصبح بالظلمه عشان اوصل الدوام وعيالي ما كنت اشوفهم الا ساعتين باليوم ما اقدر احضر اجتماعات مدارسهم ولا حفلات تفوقهم وبالاخير قدمت استقالي وداومت بالحكومه اداوم 8 واطلع 1 وعلى راحتي والراتب يفرق 200 دينار وما همني الزم ما علي راحتي وحبيبتي دام حصلتي على وظيفه اخذيها غيرج صارله سنين ينطر واذا انتي صج خاطرج بالنفط ونادوج قدمي استقالتج وروحي بالقطاع النفطي عادي باي وقت تقدرين تقدمين استقالتج
والله يكتبلج اللي فيه الخير |
مشكووووره بس تدرين انا مره قطوني بوزاره كئيبه وقعدوني شهر وشي مو بس 15 يوم ! اكثر من شهر مقعديني معلقه ليما سوولي المقابله بعد مارحنا احنا وزفيناهم وبعدين انا ماعجبوني
ورحت رفضت بنفسي .. يعني الوزارات ماينطرون على 15 يوم مثل ماتقولين ..لازم انتي تروحين ترفضين بنفسج
هم بعد لان اسمع بنات يطنشون اللي ديوان يرشحونه لهم لانهم مايبونه وحسبالهم الديوان اهي بترفض بدالهم وتحطهم بمكان ثاني وتقعد شهر شهرين لاتسوي اوراقها ولا تراجع .. ووايد يقولون لها روحي رفضي بنفسج لازم
انا هذا اللي اعرفه بالنسبه حق اللي قلتيه 15 يوم اذا ماراجعتي معناته رفض
وبالنسبه حق القطاع النفطي انا صراحه بدايتي ابيها قويه ابي القطاع النفطي بما اني مو متزوجه ببدي بدايه حلوة وقويه وخاطري فيها
بس المشكله ياتني وزاره ثانيه بس انا مادري ماودي وزارات واهلي يبوني اتوظف دامها يتني فعشان جذي متردده
بس ريحتيني على الاستقاله اقدر اقدمها بأي وقت ان شاءالله مايوهقوني والله كريم ان شاءالله الله يكتب اللي فيه الخير
ومشكوره على ردج واهتمامج والله يوفقج ويخليج لعيالج ويخليهم لج تسلمين حبيبتي