اكسبرشن

بنات درست في معهد اكسبرشن جدا تعيس ما عجبني
حطوني مستوى ثالث الجرامر مال يهال حسيته
كله شغلج مع اللاب تسمعين فيه الدروس بعدين تقابلين المدرس تاخذين ديتوريال وطبعا إذا إنتي مو محضرة الدرس ما تستفيدين شي من درس الديتوريال يعني الموضوع كله يعتمد علي، وبعدين الدروس حدها سهلة يعني الدرس الواحد أطلع منه بكلمة وحدة ما عرفها أو كلمتين مو دسم أو ثري بالمواد والمعلومات هذا رايي غير ان المدرسين عرب
دروس المحادثة كل درس أطب فيه يتكلمون عن السفر مليت تعبت نفس الكلام تقريبا في كل درس محادثة طيب وبعدين ليش جذي ، علموا أساتذتكم ياخذون موضوع بشكل عام ويخلون الطلبة يناقشونه كله وين سافرتوا وشنو شفتوا
طبعا هذا غير حجز الصفوف أون لاين هذا حدث ولا حرج
بنات في أحد ماخذ فيه واستفاد أبي أسمع آرائكم
أنا الصراحة درست فيه قبل 10 سنين بس ما كان جذيه كان دروس ممتازة والمدرسين كنديين وساعتين في اليوم لمدة 5 أيام صج تعلمت منهم الكثير بس من عدم الممارسة نسيت وقررت التحق بنفس المعهد عبالي نفس الشي بس انصدمت