|
|
بنات لحقوني
انا حدي متضايقه وبموت من القهر .gif "Eh S(11)")
قبل جم يوم تهاوشت مع زوجي … يا بنات زوجي هاملني وايد من ابتدا رمضان ومايقعد معاي اصلا مانسولف كل وقته بالدوانيه ولما يرجع الساعه 3 ويتسمر جدام النت …
وكل شى ممنوع وحارمني من صديقاتي لا غبقات ولا عزايم كل شي لا …
والمشكله انه اهوه بنفسه يقول لى صديقاتج ماشفت منهم الا كل خير ….
يعنى مع اهله عادي طلعى ورجعي لى الفير ومع صديقاتي عنده عيب !!! وماقلت شى مع انه غير علاقتي فيهم .
الحين المشكله من جم يوم …
تنرفزت قاعده اكلمه عن موضوع خاص مطنشني وتنرفزت منه حيل احسه ديكتاتوري بس يبي يمشي كلامه على !!! وانا ابتديت اكتأب من الحكره !!
يبيني بس اطلع واجابل اهله حتى يوم قلت له تذكر وين رحت وطلعت برمضان بشي يخصني فكر شوبه وقال لى اى صح انتى مارحتي مكان !!!
واي شى ابيه سوق والا شى يقول لى روحي مع امي وخواتى ؟؟؟؟ ياربي ما ابيهم مو غصب
المهم تهاوشت معاه وطلبت الطلاق ورحت بيت اهلى وماانكر طولت لساني حيل عليه لاني بايعته …
شالحل بنات ؟؟؟
العموم برمضان يلهون عن حريمهم .. ما منعج من الطلعه خير شر انتي تقولين مع اهلي و اهله ما يقول شي غيرج ما يرضى مرته تتحرك بدونه!
انتي مكبره الموضوع ترا و كبرتيه لما طولتي لسانج عليه
انا مانعني عن رفيجاتي عادي الحياه ماشيه لاهيه بشغلي ودوامي اشوفهم هناك بس زوارات ممنوووع
قولي الحمدلله غيرج زوجها اللي يطق واللي وصخ مو نظيف واللي يشرب واللي يزني ….
اغلب الرياييل لاهين برمضان عن حريمهم اكيد كلنا سهرانين لين يأذن الفجر احنا بالبيت وهم بالدواوين برا
شوفي ترا الرجال اذا زنيتي عليه بموضوع رفيجاتج بيصر على عناده وياج سوي نفسج انج عادي مستانسه مع طلعات
ويا اهلج او اهله وطيري اهله فوق بلسما وصدقيني شوي شوي بيفج عنج الحكره وبيخليج تطلعين مع رفيجاتج
لان يقول ماشفت منهم الا كل خير يااختي طلبج للطلاق ماله اي داعي الله يهداج بس في وحده تطلب الطلاق عشان الحكره
حطي في بالج مو كل نبيه نحصله واذا حاول انه يراضيج ارضي وردي بيتج والله يهدي سركم ان شاءالله
بس شنو مو مانعني من رفيجاتي بس سوق مع اهله معنه كله من الشعبي ولا النقره يشترون
اتوهق
وانا متعوده الرايه ولا الافنيوز تخيلي
ما اقدر اشتري معاهم واهو الااا معاهم ولا ماكو
قمت شسوي اخليهم يروحون معاي الافنيوز والرايه
واشتري اللي ابيه ولما يطالعون السعر احسهم تطلع عينهم !!
تخيلي انا دايما اشتري من برا غالبا بريطانيا
واهم غيييير ماادري شلون اوصف*
أهل مكة أدرى بشعابها..وإنتي يا حبيبتي أدري بنفسيتج و حالتج..المحبة و المودة والألفة بين الزوجين تصير من الله مو بالغصب.. قعدي مع نفسج و شوفي وضعج..وانتي اللي تقررين تستمرين أو لأ..
ولي بخيل ولي وسخ ولي موصاحي فيه مرض نفسي ولي حمولتها مورينها الويل وفوق هذا اغلبهم ماقالو نفكر بلطلاق
قالو شلون اسنع زوجي واكسبه انتي فكري شلون تسنعين زوجج
ريلج لاهي عنج
بس معاملته لج ما هي قاسية
واذا على رفيجاتج خليهم
لا تخربين بيتج عشانهم
كل وحدة لها بيت و مرتاحة
حتى لو تطلقتي محد راح يهتم فيج و بوخرون عنج
اخذى منه موقف ترا مايصح انه يحبسك كنه مايبى انك تشوفينه بمكان او كنه يبى
يعقم تفكيرك ويخلك 24 ساعهب البيت ترا الزواج مو كذا
اوكى مو كل يوم خروج بس مو اما خروج مع اهله او مايصيير
كلمى ابوكى يشد عليه
صبوووره
| يا بنات زوجي هاملني وايد من ابتدا رمضان |
بس برمضاااان متغيّر
بتطلبين الطلااااق
تأخرتي جان طلبتي من ثاني اسبوع من رمضان
********************
حبيبيي
معظم الرجال باول سنتين زواج ما يعطي الخيط والمخيط الزوجه
يعتمد على اهله واهلها في مشاويرها
ولكن
بعد العيال والعشره
يعطيك صك الهياته
ووقتها تكتبين موضوع هني
زوجي ما يغار عليي
يا ماما تعلموا طوله البال والصبر
تعلموا احتواء الزوج …..والذكاء الاجتماعي
فوفو
والله يهديكم انشالله
من صجج على أتفه الاسباب تطلبين الطلاق ؟؟؟ , انزين سايسيه قولي له بدلع مآبي أبي اطلع معك من زمان ماطلعنا
وانتي فهميه الموضوع وفهميه ان يمكن اهله يتضايقون من هالشيي, ترى كل شي وله حل لا تتسرعين فدييتج فالعجله ندامه p: