|
|
السلام عليكم بنات عساكم بخير ………….
عندي فكره ..
..اشرايكم نفتح ملف لاستغلال المخلفات(مثل بقايا الخام ,البلاستيك,العلب,…..)
يعني الموجود في البيت وتحويلها لاعمال فنيه -او شيء نستفيد منه بطريقه اخرى-
وكل وحده تشارك بفكره او عمل مع الشرح واذا امكن صوره معاه…………
عشان كلنا نستفيد ونشغل وقت فراغنا بما يفيد…….
وراح احط روابط لمواضيعي توضح الفكره
الساعه العجيبه:
https://www.q8yat.net/showthread.php?t=89763
كوشيه من تي شيرت
https://www.q8yat.net/showthread.php?t=78586
واكسسوار من بواقي الخام
https://www.q8yat.net/showthread.php?t=107424
وموضوع الاخت FoOosHiia كيف نستفيد من علب البلاستيك
https://www.q8yat.net/showthread.php?t=104260
عاد همتكم بنات نبي المشاركه…..
فتحت الموقع ثاني يوم وما احد رد…………..
ما عليه عندي امل انكم تشاركون……
همتكم عاد؟؟؟؟؟؟؟
في كاكاو وحلاو ينباع بعلب بلاستيك كبيره ولها غطا اذا خلص الكاكاو احتفظي بالعليه وحطيها بالمطبخ ممكن تحطين فيها عدس او معكونيه صغيره
المرشات مالت عطور البيت اذا خلصت حطي فيهم كلوركس ورشي طوف الحمام وانتوا بكرامه وطوفة المطبخ وعقب دقايق اغسليهم
اذا تذكرت شي ان شاء الله بكتبه
شكرا عالموضوع
وهذي مشاركه جديده.
قفازات للفرن:
قطعه جوخ +قصاصات خام +خيش+دانتيل+قلم +جريده
خطوات العمل:
نسوي باترون::::::::::::::::>نرسم على الجريده شكل القفاز
نحط الباترون على الخيش والخام ونقصه
طبقات الخام راح تكون طبقه خام فوقها خيش فوقها خام(الجوخ)
نخيطهم…
هذي التيجه::::::::::
[IMG]
[/IMG]
[IMG]
[/IMG]
[IMG]
[/IMG]
اتمنى مزيد من المشاركات
يا كثر الالعاب عندي ……..بالذات اللي المحشيه ديباج……..
ودي اقطها……….بس حرام بعضها غالي ………..وعيالي كبروا وما يلعبون فيها………فسويت هالفكره………ان شاء الله تعجبكم……..
تصلح تكون سناده كتب او باب……..
انا سويت سناده باب بلعبه على شكل دلفين لباب غرفه عيالي……….
الادوات:
*لعبه قديمه عندج……..
*صخور حجم متوسط (تلقينها عند محاميد ابو ميه او طيور الجنه)………….
*ابره وخيط بلون اللعبه……………
نبدي الشغل:
افتحي فتحه باللعبه -تكون احسن اذا بالقاعده-………احشي الصخر باللعبه…….
بحيث يتوزع فيها ويخليها ثقيله وثابته……………..تخيطين مكان الفتحه……….
ودمتم سالمين…………..
[IMG]
[/IMG]
مشكووووووووووووووورة
مره طلبت علينا أبلة الرسم اننا نييب تبانه مالت البيبي اللي لها ايد وريل >>>ماتعرف تشرح ـخخخخخـ مانبيها ونييب قطن اللي ينباع بالجمعيات او حتى مخده قديمه تقطعينها وتاخذين قطنها
وكنا ناخذ التبانه ونحشيها بالقطن ونخيط اطرافها ونروح نيب كره ونرسم عليها ملامح الويه ونحط لها شعر من خيوط الصوف
وتطلع عندنا لعبه >>> بس جد الفكره كانت تووووونس حيل
وبعد لما كنت صغيره كنت اييب علب الجواتي وانتوا بكرامه واغلفها بتغليف الهدايا او حتى بورق الكريشه واحط عليها شرايط ساتان على شكل فيونكات واشتري ورد صناعي وازين فيها العلبه >>> والله كنت فنانه يوم كنت صغيره هع هع
ولي باك مع افكار جديدهـ ان شاء الله
الحين مره وعندها عيال -وحشيتها ديباج من مخدتي وخيطت لها راس =المهم عقب ماخلصت حطيتها على مكتبي ونمت
جت امي تشيك علينا ماوعيت الا صراخها وابوي وحوسه حسبالهم جني-ان البنيه الصغيره داشه جني وتتحرك-
المهم ابوي قطها بالزباله -وعوضني شرا لي ماكينه خياطه لعبه بس تخيط عدل.
عفوا اخت FoOosHiia,جد عجبني موضوعج…الله يعطيج العافيه.
تذكرت لما كنت صغيره خالي كان يسوي لنا شغله بعدين انا صرت اسويها لخواتي خخخخخخخ يعني صرت خبره
هي بيت للباربيات
شفتوا صندوق الموز كنت اخذه وابطل فيه جم فتحه يعني دريشه واييب خام واحطه من داخل ومن برى على الصندوق يعني يصير مايبين الكرتون وادبس الخام بدباسه وطبعا صوب الدرايش ما احط خام واييب علبه تكون طواليه شوي والاغلبيه المقالم الي من حديد القديمه اذا تذكرونهم واحط عليها من الخام الي حطيته على الصندوق يعني شرشف وبطانيه واييب علبه جبريت الصغيره واحط عليها خام ولا البسها دلاق صغير واقصصه واسويها مخده
واييب علب جبريت صغار وهم البسهم واسويهم كراسي وطبعا الزق السرير والكراسي كل شي بصور عشان مايتحرك والله كان يصير حلو ويشوق سويت لخواتي وبنات عمي هههههههههههه ياهل خبره ابيه ماتلاحظون كلنا لما يهال نتفنن واذا تذكرت بعد شي ارد اقولكم 
….التشجيع….
على العموم….عندي مشاركه جديده….وللامانه شفتها في منتدى ثاني وعجبتني الفكره…
تحويل صحن بلاستيك الى سله(تصلح تكون للهديه)
اخليكم مع الصور والطريقه….
الطريقه:
[IMG]
[/IMG]
اولا ارسمي 9 مربعات متساويه الابعاد
وقومي بقص المربعات التي على الزوايا
[IMG]
[/IMG]
قومي بعمل فتحات بواسطة الثاقب الخاص وذلك
على جميع الزوايا لكل مربع
[IMG]
[/IMG]
بواسطة شريط ملون ادخلي الشريط داخل الثقوب
من الزوايا المتقابله لكل مربع كما في الصوره
لعمل يد للسله قومي بقص قطعه مستطيله من الكرتون
ويمكنكي التحكم بالعرض او الخامه
[IMG]
[/IMG]
بواسطة المكبس ثبتي يد السله واملائيها بالشرايط
الملونه وضعي فيها ما تشائين وزيني بها غرفتك
[IMG]
[/IMG]
ودمتم سالمين…………