|
|
تفضلو هل الافكار الحلوة
اذا كانت عندكم مناسبة مثل عيدميلاد زوجج او عيد زواجكم او توج طالعة من النفاس او لتغيير الروتين و لخلق جو جديد و حلو بي فترة و فترة
اول شي غيري من نفسج مو شكلج نفسيتج لزوجج, لظروف الحياة السريعة يمكن ماتلاحظين انج تغيرتي شوي عليه, صرتي اتعصبين ما تفاهمين تبين كل شي بسرعة
بس هدي شوي ردي مثل اول ايام زواجكم الدلع و الاسلوب الحلو و الغشمرة و الضحكة الي ما تفارق الوجه الحلو (( مره وحدة انصحتني و قالتلي شي ما انساه الله يعطيها العافية – كوني لزوجج صديقتة و حبيبتة وعشيقته و امة ثم زوجة )) انتي فهمي كل وحده شنو اتسوي و شنو طبعها و حاولي اتقلدينها , و اذا ما فهمتو قولولي . صدقي هذا الى يدوم مو تغيير اللوك …..اول غيري نفسج حبيبتي
ثاني شي شكلج مهم مهم مهم في وقتنا هذا وقت الفضائيات و الكليبات مشكلة و مثل ما قالت الدكتورة فوزية الدريع ان الرجل مجلـــــــــــــــــــــوق بصـــــــــــــــــري ضروري تهتمين بنفسح الجسم الحلو المتناسق الشعر الحلو المرتب البشرة الصافية الاسنان الاظافر الريحتج كل شي اغلب الرجال تهتم بالاشياء الدقيقة الى المراة اتوقع ان الريال مايلاحظها بس هذا غلط و عندهم المراة الي تهتم بالتفاصيل الدقيقة اهي الي مهتمه بنفسها (( بعدين راح اعطيكم افكال لكل جسم و ما يناسبة من ملابس في قسم الازياء و انشاءالله تستفيدون )).
من ناحية اللبس لبسي اشياء جديدة , مثل جربي ملابس costum مثل لبس القطوة الخادمة الفرنسية الشيطان الملاك ….ومثلي على حسب لبسج مثل الخادمة تخدمة في اي شي يبيه ادلعينة و حركاتكم و انتو ما تقصرون او القطوة بدلعها و تلصقها وشطانتها و صدقيني ان كلما خصرتي بباله راح يضحك انا اعرف وحدة نقت القطوة ويوم سافر زوجها يابلها سرفونير على قطوة و قالها يوم شفتها تذكرتج . مو شي حلو و يسوى
ثالثا من ناحية ترتيب الغرفة اذا كان عيدميلاده طلبي من محل اتوقع في الصالحية اتاكد لكم اييب 100 او 50 بالونة ب20 د.ك يترسولج السقف كلة بالونات واااااااااااااو تخيلو المنظر و المفاجئة حلوة وشي غريب خاصة للرجال.
غيري الكفر ست الفراش كلة واحد جديد لو ن اول مرة اتجربينة و مع كوشيات وايد اموزعة على السرير و و في زاوية في الغرفة حطي بعض الازهار الصناعية او شجرة ووزعي عليها تريكات روحي the one اخذي منهم الشجر الكبار وايد حلويين للغرفة و تريكات الزينة هم موجودة عندهم راح تشفين الفرق في الغرفة مع الشجرة .
نثري على الارض بعض الورد المفتفت و على السرير وترسي الغرفة شمع زيدي وايد من الشمع ترى وايد زين لغرفة النوم اذا نوعج تستحين اتبطلين الليت لمن ………مع زوجج شبي شمعة وحدة بس راح اتحسين ان نور السمعة يخليج ناعمه و صافية بعد 
عطري الغرفة بعطورات اتريح الاعصاب مثل لافندر …… اشياء وايد اتحصلونها في a2z مجموعة كبيرة و حطي من العطر على المخاد شي خفيف مسحة بس وحطي على الابجورات الان اذا فتحتي الابجورة وصارت حارة راح تفوح منها الريحة فكرة صح
عطري شعرج و اطي العطر في اماكن النبض في جسمج مثل ورا الاذن خلف الكف من فوق اشوية جفسات الركبة مافي نبض بس حطي على ظهرك من تحت كلش صوب العزيزو ما احب هالكلمة ركزي على هذي الاماكن مسحه خفيفة كلش على جسمج كلة ديري بالج اذا زتي الجيلة ترى يختنق.
صبغي اظافرج ايدج و ارجولج علشان يحس بانوثتج , لبسي اكسسوارات خاصة التراجي الكبار واذا كنتي متحجبة المفروض ماتطيج التراجي من اذنج بالبيت طبعا واحلا الاكسسوارات الكرستال بنات شنو روعة اذا انتي مو حلوة سوري مافي بنت موحلوة يس كمثل اخليج اتينننننننننننننين كرستال اصلي الي عندي سوارفسكي بس شوي غالي ولكنه يتم الي الابد بس حافظي علية و لاترشين عطرعلية.
والمكياج الحلو و اللبس الاحلا وكل هذا على بعضة شنو يطلج ….. بس عرفي حق نفسح اول وشنو يحب ريلج….
وبين فترة و الثانية حجزو فندق جم ليلة و لا سافر بروحكم
وقبل لا تبلشون شي يفضل تاخذون bath مع بعض تكونين امزهبة الحوض وحاطة فيه الرغوة تكعدون اتسولفون في جو حلة وريحة حلوة .
وحبايبي نصيحتي سوي كل شي اولا على شانج انتي و وناستج انتي و بعدين لرجلج انا ما اقلل من شئنة بس في بعض الرجال مايقدرون هذا الشي ولا يعطونج ردة الفعل الي انتي تبينها و لا الي اتوقعينها لهذا سوي هذا الشي لج انتي انتي لفسيتج و لا تقولين ماكوفايدة الان في فايدة لج والريال راح يتعود عليج وراح يتقبل هذا الشي وراح يحب هالشي بس يمكن مايتكلم او مايعرف يعبر حطيله الف غذر بس من داخلة يكون في شي .
والشي هذا ان انتي الوحيدة الي اتسويله كل هالاشياء الي مو اي وحده اتسويها
اقولكم سر بنات اهتمو باللمه انج اتلمين ريلج فرحان رعلان وانتي زعلانة او يابلج شي لمية والله لو تدرون شنو فوائد اللم جان كله انتو لم في لم تبون اتعرفون الفايدة جربوا و كلمة حبيبي عمري حياتي لا تفارق لسانك لا تنادينة باسمة حتى لو جدام اهله يمكن البعض يعارض بس اذا تعوتي راح تنادينا جدام الكل لانج عودتي لسانج و اذنج وحتن اذنه اهوة.
انشاء الله يعجبكم كلامي وما مليتو من طول الكلام
واهم شي تستفيدون
بهذي صدقتي صج الاحتضان له مفعول قوي ويحسسه بالحنان والامان
ويعطيج العافية خوش موضوع
على الموضوع الحلو
تسلم ادياتج اختي
وصج التغيير واااااايد مفيد.
موضوع حلو
مشكوره