|
|
السلام عليكم ورحمة الله وبركاته
اخواتي الكريمات
اكتب رسالتي وانا كلي ندم اني تجرأت وسويت خشمي
البدايه
انا عندي انحراف وجيوب انفيه ولحميه +خشمي شكله حلو
قابلت الدكتور وقال بسووويلج كل شي بس شورايج انحف لج شوي من فوق ..وقبلت لاني دافعه دافعه
والدكتور قال بتتغيرين للأجمل
توكلت على الله وسووويتها
الي صار ويهي تووورم شهر كامل 30 يوم ورم
والكدمات ماتصدقون لو اقوولكم كملت شهر و20 يوم الكدمات الي يدقق يشووفهم تحت الجلد وهالات سووداء تحت عيووني
على انه احسن دكتور في دبي واسمه شجاع ايراني الجنسيه والكل يقول شاطر
المهم ملامحي احس تغيرت ….صار ويهي اطول قبل كان دائري
وكل الي سواه قلت لكم نحل الخشم من فوق فقط ..
يعني ما لمس الارنبه ولا لمس فتحات خشمي ..
دخيلكم
حد مثلي يعني ملامحكم تغيرت ؟.
خواتي يقولوون اصلا صار ويهي طويل والي يقول لا ويهي الى الان في ورم ومنفووخ
معقوووووووووووول يعني شهر و20 يوم وهذا يطلع ورم ويطلع لسى باقي انتظر؟؟
اسألكم بالله
جاوبوووووووووووووووني وقولولي الي صار معاكم
.gif "Eh S(2)")
وشي ثاني
الارنبه عندي صارت مرتفعه ….ليش جذي …وهل تنزل …؟؟
وشفت اجنبيات نزلت الارنبه عندهم
مثال
نزل
طبيعي ان تنزل الارنبه عن تجربه لاكن بعد سنه الى سنه ونص حسب الجلد اذا كان سميك او رقيق اذاسميك ياخذ سنه الى سنه ونص واذا رقيق ست شهور الى سنه
خصوصا بعمليات الانف لاتستعيليييين ابدا يبيلها وقت
وثاني شي اذا كان بامكانك تنزلين صور لانفك قبل وبعد نزليهم لربما ارائنا ووجهة نظرنا تختلف عن اللي حوالينج
انتظري وشوفي النتيجة داري نفسج باكل الكرفس والكبدة وشرب الحليب
خوفتيني اني اريد اسوي خشمي
وان شاءالله بحاول انزل صور قبل وبعد.
وانا بشرتي على حد علمي مس سميكه لانه العروق الي بويهي تبين ،،،
انتظر بقية الاخوات
قسي وزنك وشوفي
وبالنسبه للورم احتمال للحين وجهك متورم اشربي عصير أناناس
ويمكن فيه كريمات تخفف التورمات
شكل بشرتك حساسه عشان كذا للحين فيه تورمات
والنفسية تلعب دور وتخليك تدققين بأشياء أصلا مو موجوده فيك وتكبرينها
أنصحك خذي رأي الناس اللي حولك
والأرنبه تنزل بعد فتره لا تستعجلين
ولا تندمي على شي صار وانتهى ولا تقولي ياليت لانها تفتح عمل الشيطان
واحمدي ربك لا تشوهتي او صار خطا طبي
وترا كل اللي يسوون تجميل ما يرضون بالنتائج وهذا كلام دراسات
أنتي كان عندج مشكله وهي الإنحراف
فكنتي محتاجه العمليه
ولو ماسويتيها بهل وقت .. بتسوينها بعدين
فأنتِ معذوره ..
ماكنتي تبحثين عن التجميل أو تغيير شكلج
كانت العملية علاجيــه …
وأكيد كانت صعبه
فعشان كذا ورم وجهك كل هل قــد
ويمكن كلام البنات صحيح
إنك نحفتي بعد العمليه أو عشان الأورام
طبيعي يتغيــر شكل الوجه
وأصبري بعد يمر الوقت زيادة كم شهر
وإن شاء الله كل هل كدمات تروح وتختفي تماماً
ويرجع وجهك صافي يآآرب
بالنسبة لي الورم ظل أسبوع بعدين راح
وبقت الكدمات .. للأسبوع الثاني .. ولمن مضى
اختفت
الآن بس باقي خطيـــن تحت العيون
وبقع صغيره لونها أسود أصغر من حجم الظفر
أنتظرها تروح
ويرجع شكل وجهي طبيعي ^^
ومثل ماقالوا البنات الخشم ينزل لكن يبغاله وقت
وراح تفرقيــنه بعديــن
قولي الحمد لله إنك سويتيها بصحة وعافيه
وتفائلي بالخيــر ..
لأن هذا الحزن والتفكير كله ينعكس على نفسيتك وشكل وجهك
ويتعبك .. ويخليت تتوهمين أمور مالها وجود أساساً
خليكِ إيجابيه وتفائله وسعيده ..
لأن البهجة تعطي لوجهك إشراقه وبهجه
قولي إنك حلوه وشكل أنفك حلو
وقولي الحمد لله إنك سويتيها
شوفي كم بنت تعاني من إنحراف وماعندها فلوس تسوي العمليه
وكم بنت متأثره من شكل أنفها ونفسيتها زفت
وهم بعد ضروفها ماتسمح تسوي العملية
وشوووفي كم بنت مسكينه عانت إلي عانيناه
سوت العملية .. وتورم وجهها وتعبت وعانت من الآلام
وبالنهايه شكل خشمها يفشل .. وتحتاج تعيد العمليه
خليكِ متابعه معانا بالمنتدى
ونبي نسمع منك كلمات إيجابيه .. كلها تفاؤل وأمــل
وأدعي الله إن أنفك يصير حلو ويكون مثل ماتحبين وتتمنين
هذا أنا لازلت أدعي ربي
يحفظني من الضربات والصقعات
وإن تكون النتيجه النهائيه مثل ما أحب
ولايقه على وجهــي ..
لأني ولد أختي واختي الصغيره عصبيين
ومايعرفون غير الضرب إذا عصبوا .. الله يعيني منهم
وتعدي هل أيام على خيـــر
أمس تلقيت ضربه طاح معاها قلبي
وصرت أدعي إن مايخترب خشمي ….
حتى أمي عاتبتني قالت عقب هل خساره تخربين خشمج
ابتعدي عنهم وتجنبيهم
الحمد لله يــارب على توفيقه
والله يوفق جميع البنات إلي يتمنون يسوون العمليه يارب
رفع
رفع
اللزقاات وحده بوحده حطيهاا حتى وانتي نايمه بعد وانتي بالبيت انا اربع تشهر حطيتها
|
المشاركة الأصلية كتبت بواسطة $نرجس$
 تووووووووو النااااس صاارلج شهر وعشرين يوم توووووو الناااس يبييلج ثلااث تشهر على ماينزل او ست اشهر من جسم لي جسم يفرق وصار طويل عشان ضعفتي والله يهديهم خواتج مفروض مايزدون عليييج بعد في ناس سنه ياخذ تبين اسرع حل
اللزقاات وحده بوحده حطيهاا حتى وانتي نايمه بعد وانتي بالبيت انا اربع تشهر حطيتها |
ان شاءالله بلزق خشمي كل يووووم لين اخلص على الاقل 3 شهور
انا الان بخلص شهرين باقي 5 ايام اكون خلصت شهرين بالضبط
|
المشاركة الأصلية كتبت بواسطة فاطمة 25
اهلييين فطمطم
أنتي كان عندج مشكله وهي الإنحراف فأنتِ معذوره .. وأكيد كانت صعبه ويمكن كلام البنات صحيح وأصبري بعد يمر الوقت زيادة كم شهر بالنسبة لي الورم ظل أسبوع بعدين راح الآن بس باقي خطيـــن تحت العيون ومثل ماقالوا البنات الخشم ينزل لكن يبغاله وقت قولي الحمد لله إنك سويتيها بصحة وعافيه خليكِ إيجابيه وتفائله وسعيده .. قولي إنك حلوه وشكل أنفك حلو شوفي كم بنت تعاني من إنحراف وماعندها فلوس تسوي العمليه وشوووفي كم بنت مسكينه عانت إلي عانيناه خليكِ متابعه معانا بالمنتدى وأدعي الله إن أنفك يصير حلو ويكون مثل ماتحبين وتتمنين هذا أنا لازلت أدعي ربي لأني ولد أختي واختي الصغيره عصبيين أمس تلقيت ضربه طاح معاها قلبي حتى أمي عاتبتني قالت عقب هل خساره تخربين خشمج الحمد لله يــارب على توفيقه |
الحمدالله اولا واخيرا
الحمدالله دائما وابدا
ولاحول ولاقوة الا بالله
فوضت امري الى الله
جزاك الله خير اختي
|
المشاركة الأصلية كتبت بواسطة jojo1000
انت تقولي ملامحك تغيرت ووجهك طول يمكن نحفتي لان تفكرين بهالموضوع وراحت خدودك فا تعتقدي وجهك طول
قسي وزنك وشوفي وبالنسبه للورم احتمال للحين وجهك متورم اشربي عصير أناناس ويمكن فيه كريمات تخفف التورمات شكل بشرتك حساسه عشان كذا للحين فيه تورمات والنفسية تلعب دور وتخليك تدققين بأشياء أصلا مو موجوده فيك وتكبرينها أنصحك خذي رأي الناس اللي حولك والأرنبه تنزل بعد فتره لا تستعجلين ولا تندمي على شي صار وانتهى ولا تقولي ياليت لانها تفتح عمل الشيطان واحمدي ربك لا تشوهتي او صار خطا طبي وترا كل اللي يسوون تجميل ما يرضون بالنتائج وهذا كلام دراسات |
انتي اكثر من اخت يا جوجو
تعبتج معاي برسايلي واسئلتي
يزاج الله كل خير يا قلبي
وسواس قهري مره وحده لا ياحبيبتي الحين انتي بخير الحمدلله واكيد اذا سويتي العمليه طبيعي تبين تقعدين فتره يبيلج ترتاحين ويخف الورم والكدمات والرفعه باذن الله تنزل لان كل يوم راح تحسين ان خشمج له شكل سبحان الله
وانتي الله العالم ان عمليتج علاجيه مو تجميل بالدرجه الاولى لذلك خضعتي للتجميل لان بعد العلاج لازم تجميل بأي عضو بالجسم
لا توسوسين تقربي لله سبحانه وتوكلي عليه واقري قرآن والله يفرجها عليج وتطلعين احدى من قبل وبالتوفيق
وسواس قهري مره وحده لا ياحبيبتي الحين انتي بخير الحمدلله واكيد اذا سويتي العمليه طبيعي تبين تقعدين فتره يبيلج ترتاحين ويخف الورم والكدمات والرفعه باذن الله تنزل لان كل يوم راح تحسين ان خشمج له شكل سبحان الله
وانتي الله العالم ان عمليتج علاجيه مو تجميل بالدرجه الاولى لذلك خضعتي للتجميل لان بعد العلاج لازم تجميل بأي عضو بالجسم
لا توسوسين تقربي لله سبحانه وتوكلي عليه واقري قرآن والله يفرجها عليج وتطلعين احدى من قبل وبالتوفيق