|
|
عن جد ودي اصيح بكل الوزارات مابي هالوظيفه
ااي
انا الاخصائيه النفسيه
وهالمره ماابي كادر ولا ابي دورات اكاديميه ااابي استقيل ابي احول اابي اروح لمكان اخر
ياجماعه كلامهم صحيح في اغلب الاحوال الاخصائي لا يعمل
بس ليش مايعمل
انا وحده اعمل وباخلاص بعد لكن بالاخير تعبت من هالوظيفه شايقتني على جميع المستويات
مايعمل البعض لانهم مرهقون
مايعمل البعض لانهم في المكان الغير مناسب
مايعمل البعض لانهم بلا ضمير
بس شنو ذنبنا احناااااااااااااااا
نعمل ونكددددددد
وبالاخير مافي صوت حق يناشد لنا
همومنا كبيره بس والفضايح هم كثيررره
مابي اتكلم بس
ابي بس اغير مساري الوظيفي
شلون واحد سمع عن بنات حولو لجهات ثااانيه
الله يفك عنكم كل ضيقه ياااااااااااااارب
من كبر همى
معروووف شغل الاخصائيه النفسيه …كرف .. وماكو حتى تقدير ولا راتب نفس الناس .
عندنا وعندك خير
واحنا انشاالله ماراح نقصر معك ان كا بيدنا شي لو حتى نصيحة او كلمة حق..
بس شنو الفضايح اللي بهالوظيفة اللي تخليك تكرهينها؟؟
كل الوظايف فيها اللي يكرف وفيها اللي نايم على طاولته..
قولي شنو اللي قاهرك ومن منو متضايقة؟؟
انا اشوف ان هالوظيفة مريحة ومطلوبة من بنات اعرفهم بس جايز انتي وضعك غير؟؟؟
ويفرجها لج
اتعوذ من ابليس الف مليون مره
اعــــــــوذ بالله من الشيطان الرجيم
اعــــوذ بالله من الشيطــان الرجيــم
كل اللي قرا الموضوع الف شكر
وكل اللي ردو على صيحتي مليون الف شكر
اذا بتكلم عن تجربتي في سلك العمل الانساني هذا
صحيح يا ام فهد كل الدوامات فيها ناس تشتغل وناس رابده ماجبت ولا اضفتي شئ جديد
لكن للي مايعرف قيمه الاخصائي النفسي والاجتماعي وكلامي عنهم ليس كاشخاص وانما قيمه العمل والنفوس اللي تتعامل معها هاذي الشريحه
احنا شغلنا مع اولادكم وبناتكم فلذات اكبادكم
اي كلمه منا او اي عمل او تعامل مع المواقف اليوميه اللي نواجها ولو عالجناها بالشكل الخاطئ نكون عبث خراب دمار نفسي ويترتب عليه
الدمار العلمي والاجتماعي بعد
يااجماعه الفضايح والسلبيات فينا احنا قبل لا اطالب ابي كل اخصائيه تطالع بعملها وقلبها وبذمتها شلون تعاملت مع حالاتها
في احد قط سمع اخصائيه تلعب psp في الكتب اثناء الدوام عز الضغط في موسم الامتحانات غير المجلات غير الانترنت
ماعلينا من هالكلام يمكن عندها وقت راحه بس راحه طول الاربع ساعات !!!!
اتكلم عن التعامل الرائع مع الطلبه وهنا التنوع في اخصائيات يتعاملون بالضرب تخيلو اخصائيه تعطي بنت طراااااق على وجهها وبعدين تنكررر
ولمن البنت تطالب وولي امرها بالحق تضيع الحق مديره المدرسه !!!
شنو اسمي هالتصرف
ممكن نقول تهور وعادي الشر بكل مكان
لكن مو في وظيفه حساسه مثل وظيفتنا
مدرسه ابتدائيه بنين _ تستعين مدرسه بالاخصائيه علشان تتعامل مع طالب نشاط زائد – او يمكن يعاني من اهمال عاطفي في المنزل
شلون تكلمت الاخصائيه امام الطلبه مسكت الولد قالت فلااااان بعدين معاك كل يوم انت اشفيك ماتفهم اقعد يله …. الخ الخ الخ
جدام الكل المدرسه حارت الدمعه بعينها !!!
وظيفه الانسانيه
بنت تعاني من مشكلات عميقه وتمتد للبيت تعامل معها الاخصائيه النفسيه بكل برود تقول " عادي كلنا . تعودنا على المشاكل .. الخ الخ
تقوله حق مراهقه عمرها 16 سنه تبحث عن رفع المعنويات
ياجماعه الفضايح من تشهير ولا بحث عن الاضواء
فضايح انسانيه وانا اتكلم من واقع شايفته بعيوني
في مدارس متعدده
غير عن الاسلوب المثالي الغريب اللي تتعامل فيه مع اولياء الامور
عن مدارس عيالي شفت العجب اخصائيات غريبات مسوين الطالبات مركز مادي لاعمالهم
والمقايضه رحله لارض المعارض ولا المسجد الكبير شكووووو شالعلاقه بين العمل النفسي او الاجتماعي بالمسجد الكبير او ارض المعارض!!!
هذا قليل من كثير
والحال مايل يبي اعاده نفضه واحالات للتقاعد لبعض الافراد اللي مايغنون ولا يسمنون من جوع
مافيه رؤيه جديه لعمل الاخصائي حتى من اداره الخدمات النفسيه والاجتماعيه لموظفيها
كل اجتماع سنوي
يقولون اشتغلووااا علشان يشوفون انكم تشتغلووون
هذا عمل انساني والله بيعوضكم بالاخره
هل هذا كلام علمي
نبي قياده صارمه تبحث مشاكلنا
نبي فريق عمل من دكتور نفسي واخصائيين يتعاملون مع الاخصائي الاجتماعي والنفسي ويسوون دراسه لوضعهم الصحي النفسي
علشان الواحد يؤمن ويعرف ان في انسان عاقل جدي يتعامل مع عيالهم بالمدارس
ااسفه اني ضيقت خلقكم في ناس تشتغل وتثمر بس دايم الخير يخص والشر يعم
اشتغلي باللي يمليه ضميرج
وكل دوام تروحينله ترا في اللي يكرفون وفي اللي أبدا ما يشتغلون
يعني مثال في معلمه تعطي من كل قلبها بالشرح وفي لأ أهم شي تاخذ المعاش اخر الشهر ما همها اللي جدامها فهم والا نجح
وفي مهندس يشتغل بضمير وقلبه عالديره وفي نايم ببيتهم وراتبه ينزل كل شهر
والله أنا كنت أشتغل قبل فتره بمكان قبل لا أنتقل معاي وحده تييب فراش ومخده وتحط راسها وتنام لي ساعه11 بعدها تقوم تفرش أسنانها وتقعد مع رفيجتها بقسم ثاني أو تزرق لأخر الدوام وقاطه شغلها كله علي
وانا اللي أكرف لي غلطت غلطه وحده حولوني شئوت قانونيه أو كتبوني إفاده
يعني بالنهايه اهي اللي ربحانه لاإفادات بملفها ولا بطيخ
والطبيب اللي ما يعرف كوعه من بوعه وغيره وغيره يعني اهمال غيرج مو سبب يخليج تكرهين وظيفتج
والله يعينج انشالله