اشلون انخلي المعاش اظل لي اخر الشهررررر؟؟؟؟

يعني احاول كثر ما اقدر اني ما اصرفه اول ماينزل علطول ولا اروح السوق

احب اروح السوق نهاية الشهر

انا اول شي كنت اكتب على ورقة واقسمهم

حطيلج جدول وقسمي معاشج حق كل اسبوع

صدقيني ماراح تحسين وتنتانسين انه قرب وقت المعاش الثاني

حتى لو بتحطين كل اسبوع 100 ماتكفيج ؟؟؟؟

و100 خليها بالتوفير حق سفر او بتشتريلج ماركه تكونين عالاقل ميمعه شويه فلوس

وماتخلين شي بخاطرج

او صدفة اييبون بضاعه او سفرة يت عالسريع وقتها ماتقولين ماعندي

اول شي من اول ما ينزل الراتب اتشيلين الثلث للتوفير ، تشيلين التزاماتج بصوب قرضج هدية لفلانه و …الخ الخ

تشوفين شنو بقالج << جان زين يبقى بس المفروض انه يبقي ولو شو هالحكي ما بصير

مشترات الخلاجين تكون وقت الخصومات فقط << يالله منو فينا تصبر لين التنزيلات بس بس تراه هاذا الصح بسعر قعطه اتيبين قطعتين

ابجذي وفرتي فلوس وخذتي كل اللي خاطرج فيه

الشغله الثانية بعد حاولي تقتصدين بمعني عندج بدله حفله شاريتها بالاميات وانعزمتي على عرس غيره وهالناس ما شافوها عليج

ففرصه ليش تشترين عيدي عليها

التيلفون وعن تجربه شخصيه انا كنت كروت وبعدين حولت فواتير وحدي ماكلتها اهذر ولا احس بعمري الا لمن تيني الفاتوره اشطولها

فنصيحه تموا عالكروت ابرك عالاقل تتحكمين بصرفج وهاذا اللي برجع اسويه انا شخصيا باذن الله

الشي اللي بديت اطبقه عقب ما شفت الخساير مثلا اذا وحده والده اروح لها مره وحده بس واودي الهديه مره وحده بعد لانه قبل كنت

اروح اول مره يا ايب معاي ككاو ولا بوكيه ورد طبعاا هاذا كله مو اقل من 30 دينار فقلت خل اختصر الموضوع هديه على طول

سوالف الصالون مرات في اشياء اقدر اسويها بالبيت بس اتعيز فاروح الصالون يخلصوني لين يومكم هاذا اتعيز فحليت المشكله

باني اقلل الروحات لان بصراحه مالي خلق اسوي لعمري