اشرايكم بالقيصريه

كروشات بغيت استشيركم بشغله

طبعا على العوار الي حايشني هالايام جني على وشك ولاده وقاعده احاتي وايد مع اني حملت وولدت جم مره بس هالمره ما ادري ليش خايفه

بغيت اسألكم اقدر اروح المستشفى واطلب يسوولي قيصري حتى لو كنت اقدر اولد طبيعي واذا طلبت القيصريه اشلون طريقتها ابي انام وما احس بشي ابي مخدر كامل يصير ولا بس ابره ظهر واهم شي بعد الولاده شنو المضاعفات صج يقولون ما تقدرين تكحين او تعطسين بسبة الجرح الي ابطنج واشكثر ياخذ على ما يبرى الجرح ادري وايد اسأله بس شسوي حدي خايفه ومابي احس بشي

هلا حبيبتي

الله يسهل عليج يارب
حبيبتي اذا تقدرين طبيعي لا تفكرين بالقيصريه

انا ولدت قيصريه ابره ظهر نصي يعني اشوفهم لوووول شعور حلو وبنفس الوقت مرعب بس والله وناسه لمن تشوفين البيبي وانتي بكامل وعيج لا مخدره ولا بنج ولا تعبانه تشوفين البيبي وهو يطلع شعور حلو
اول 10 ايام متعب بس بعدين سهالات بخصوص الجرح متي يلتأم انا الدكتور قالي تقدرين تحملين بعد 3 شهور يلتأم وفيه دكاتره قالوا بعد 6 شهور
كل شي الدكتور قالي سوي عادي رياضه مشي بس ممنوع تشيلين شي ثقيل الا بعد 6 شهور ورياضه المعده ممنوعه بعد

الي تقول يعور اذا عطستي أو كحيتي هذي دلووووعه اشدعوه عاد لوووول
انا معني ما ابي شي يعورني وحدي نمسه بس الحمدالله ماتوقعت القيصريه جذي مثل ماسمعت
سهالات الحمدالله
اعطس واكل وامشي بس لقيت صعوبه بالنومه لمن اقلب لين عاشر يوم الحمدالله العوار اختفي
تحسين شي ثقيييييييييييييل تحت كل ماقلبتي جنه هالشي الثقيل يفتر معاج مع كل قلبه <<<< شرح مليق

بعد أذن فاقده أبوهاااااا

أبى اسألج شنو شعورج وانتى تدرين أنهم الحين قاعدين يشقون بطنج ؟؟؟؟
انا أحس بيغمى علي اذا تخيلت ههههههههه
وكنتى بروحج ولا معاج أحد؟؟؟

صج يقولون تنزفين دم واااايد حزت الولاده ؟؟؟؟

ولما طلعتى من غرفة العمليات كنت صاحيه ولا نمتى ولا شلون الوضع ؟؟؟

متى فج البنج عنج ؟؟؟

ومشكووووره

انا ولدت قيصري فقووودة

ومثل ماقالت كوكوو دام تقدرين تولدين طبيعي لاتفكرين بالقيصرية لان لها مضاعفات وجسم عن جسم يفرق

انا بعد بنج نصفي ابرة ظهر وماحسيت بشي بس بثقل وشي يهتز وهم يسوون العملية وقلتلهم ابي كمام خذيته وخدرت ويابوا رهووفتي يمي

اول 3 ايام متعبة جداااااااا ماتقدرين تعطسين بقوة او تضحكين حيل لان 7 طبقات مفتوحة وتوها العملية فبتبتسمين وتضحكين خفيف بس واذا بتقومين وتتحركين تضغطين على جرحج وخلال 6 شهور بظل في الم خفيييف مكان العملية تالي يروح عادي وتسوين رياضة ومافي نزييف مثل ماقالت اللي قبلي لاعادي اصلا ينظفونج حزة العملية وماينزل منج دم وايد شي بسيط
بس مثل ماقنلج اذا في مجال طبيعي افضل بواااااايد طبعا

حياتي طمنين علييييج وعساها تساهيل من ربج ونصيحتي استشيري دكتورج احسن لا تقررين شي الدكتور اكيد بكون ادري بمصلحتج ومصلحة البيبي واذا قال الدكتور احتمال ولادة مبكرة احتياااط اخذي ابرة الرئة حق البيبي

ولا تنسين طمنينا عليج حياتي

انا لو خيروني اتمني الطبيعي
عيالي قيصريه
خلج طبيعي لاتحاتين

اللخ يهون عليج انشالله حياتي
والله حسب ما اشوف هاليومين القيصريه صاير هبه وموديل كلن يروح ويولد قيصري
اتوقع الخاص يمكن او تطلبينها وتوقعين على مسؤوليتج يسوونها لج

الله يسهل عليج ويقومج انشاء الله بالسلامه

يعني من كلامج سهالات عادي اتحمل 10 ايام انا اوريدي الخياط يذبحني اكثر من 10 ايام اذا طبيعي نفس الشي بس على الاقل مابي اتألم حزه الولاده من كثر ما قريت قصص الولاده اهني قمت اتصروع

كلامج يضيق الخلق ايمانوووو يعني شسوي بالله مابي احس بشي انزين ابره الظهر تحسين بشي انا ابي اي طريقه اولد فيها بس من غير الم ان شاء الله اطلعه من حلجي

بالله شسوي الحين كلامكم خوفني عن القيصريه

خلي سوات الله ابرك وانا اختج
خلي الدكاتره هما يقررون الانسب
ماعليه انتي محتاجه راحه لا اكثر ولا اقل
ويروح منج الالم
وتولدين طبيعي وتيب احلي كتكوت او كتكوته

الله كريم

بس والله ام عفاف ما ادري اشفيني جنه اول ياهل اييبه هالمره غير الخوف ذابحني يمكن لان بحمالي هذا صارتلي مشاكل صحيه وكل ما اتذكر قصتج يضيق خلقي وترجع ذكرياتي بالولاده الصراخ والالم

خلج على الطبيعي والله ياقلبي
الكرشه راح تتدلي مع القيصريات
وشوفيني عمري 27 ومتخوفين من عمليتي هذي
شاكين التصاقات شديده ولو لقوا التصاقات شديده بيقولون لزوجي خلاص ماكو حمل ثاني
لاتلعبين بنفسج الطبيعي يظل طبيعي

الطبيعي افضل القيصرية تريحج من الم الطلق وتالي عابلي بعوار الجرح وكل شي عليج بالحسرة وممنوع