|
|
السلام عليكم ياحلوات 
بنات انا امس كلمتني وحده بتجيني وهي اول مره بتجيني اوكي واستعديت من الى وحتى زوجي العزيز شطيته وياي ماخليت سوبر ماركت ولا مخبز مارحتله وجهزت العشاء وكل شي يعني العشاء حمست الحمسه واذا جات قلت بكمله المهم اليوم ترسلي رساله تقول يمكن تجي يمكن لااااا تخيلوا يعني شنو مافهمت رسلتلها قلتلها انتظرك ولا ردت علي مايصير وش اقول لزوجي مابقى شي ماجهزته وبالنهايه يمكن تجي او لااا 
مادري شسوي اذا جى زوجي مادري شقوله حتى لمبات الاستقبال قلتله حط لمبات الثريا ومسكين بيطلع من الدوام وبيمر ياخذ لمبات وش وجهي قدامه ولالله مادري شقوله وانا قلت مو جايه خلاص ماراح استقبلها انا مااحب النوعيه هذي وخاصه اني هالشهرين بنقل بيت جديد اذا بتجيني تجيني بيتي خلاص مو مستقبلتها في شقتي اذا كلمتني مره ثانيه بعتذر بقولها شلت الاثاث الصراحه حالتنا الماديه ماتسمح كل شوي اروح اشتري للاستقبال ويافشيلتي بزوجي والله ادعوا بنات ان شاءالله تجي منحرجه من زوجي 
واذا ييت اليووم حياها الله
واذا ما ييت
قوليهاااا انج مشغولة وانشاءالله بس امورج تستقر حياها الله ببيتج الجديد
وعساااااااه عامر بوجودج حبوبه
تقبلي مروري
كلميه وقوليله باسلوب حلو انها المسكينه صارلها ظرف طارء وماتقدر وحرام ومن هالحجي انا جذي ماحب اقول انها كشتت فيني اخاف يطنز علي ويقولي اشهالربع الي جذي
فانتي حطيلها العذر
ماحب جذيه بس يمكن حاشها ظرف طارئ
بس عن الفشلة جدام رجلج عزمي اختج ولا جارتج ولا رفيجتج الخاصة حييل
واذا ماكو احد خلي رجلج يعزم ربعه
حراام ترووح هالمخاسير
حرااام التمس لاخيك ارعيين عذر اكيد صارلها ظرف قووووي منعها
جذي
يعني لمن اتقول ان بتي لازم تيي وتكون قد الكلام
مايصير تستعدين وتهون عيب اذاا اهيا ما احترمتج لاتحترمينهاا
دزيلها مسج كتبي في يافلانا مايصير جذي انا استعديتلج وخبيت نفسي واخر شي ماييتي وقيدت نفسي وزوجي عشانج
وبس
لمن اتدق كلميها عادي بس اذا قالت بيي باجر او يوم معين قولي لا ما اقدر لان تدرين قاعدين ننقل حق بيتنااا الثاني
ومافي وقت
واذا اسئلتج زعلانا ولا لا قولي لا وبس خل تفهمها بروحها
واذا رفيجتج دقت قوليلها ما اقدر وخلاص
خلي بالج اطويل