اسلوبك في معاقبه ابنائك

السلام عليكم
شو الاسلوب اللي تستخدميه في معاقبه ابنائك
هل الضرب ام التوبيخ ام الحبس او الحرمان من شي يحبه
شو الاسلوب ولماذا
انا مثلا لااستخدم الضرب ابدا ممكن توبيخ وابوه يستخدم اسلوب الحرمان او يخليهم معاقبين بغرفتهم احسها تجيب نتيجه معهم
وطبعا انا مع شعار لا للضرب ابدا
انت شو اسلوبك ولماذا

احرمهم من شي يحبونه او طلعه

او خليهم يقعدون بزاوية مده معينه وما اكلمهم

كل شي اتبعته ماكو فايده بس احس التهديد والطق اهو اللي نافعهم اكثر
بس مو طق حييل لا عالخفيف مع تهديد ان المره اليايه الطق بيكون اقوى
ومرات احرمهم من الطلعه او من اشياء يحبونها

اسلوب الطق مستحيل اتبعه لان الاطفال لا حول لهم ولا قوة ومابي يتعلمون ان الطق شي عادي فاذا انطقووو يطقوون ، دايما الي يطق عياله ماعنده اسلوب ثاني للتعامل وياه او يطلع حرته بس مو غرضه التربية علعموم انا صايرة اعاقب ولدي بلحرمان وطبعا قبلها انذره ان الي يسويه غلط واذا كرر غلطته اهني اعاقبه

ما احب الطق
الحرمان و بس

حرام تعقدون عيالكم ترى انتم بتحاسبون عليهم
الله يخليهم لنا و يهديهم يارب

ابدا لا احب استخدام اسلوب الضرب مع الطفل

بنتي حبيبتي ما اطقها ولا اعاقبها لانها توها صغيره بعد قلبي

لا ما احب الطق بس والله احيانا تتطرين
الله يهديهم ويحفظهم يارب

أنا بالأسلوب الزين أعاملهم يعني بالسياسة
مثلا أنا عندي ولد وبنت يفهمون بس ما زالوا يبقون صغار يعني أقولهم إذا ما سويتوا غلط بكافئكم
بعطيكم هدية مو أقول له إذا سويت غلط بضربك أو بحرمك
والله بعض الأحيان يرتبون لي البيت وأقولهم بعطيكم جائزة ومساكيين رتبوا ونظفوا وبالأخير عطيتهم حليب شوكولاته من الثلاجة وقلت لهم هذا مثل الاسكريم بارد
ورضو فيه
فمن الخطا اننا نستمعل العقاب قبل الثواب
ادري قرقت عليكم كثيير لكن تحمولني

خوش موضع

بنات من اي عمر تعاقبون وتوبخون

اختى من ما تحسين انه الطفل بيفهم الصح من الخطأ

اقعده بالغرفه وولدي الكلام ياثر فيه يعني اذا قتله ما راح اكلمك لان سويت هالشي

ياثر فيه ويحاول يراضيني