|
السلام عليكم ورحمة الله وبركاته
بنات باركولي واخيرا كسرت خاطلار زوجي
ورضا يشتريلي بعدين بنروح سوق الحمام
بس ابي اسعار الهمستر مع اغراضهم والقفص كله جم يطلع وكرة الهامستر القاها ولالا
والقى اكلهم اهناك بالمحلات ولا وين
شكلي بشتري السوري او القزم احسهم احلى
اهناك افكر
بسوق الحمام ..
سعر الهامستر الروسي 3 والزوج بــ 6 ,, تقدرين تكاسرينه ويسويهم الزوج ب 2.5 بس ما يسوى ..
القفص تتراوح اسعارهم على حسب الحجم والشكل .. في عندج شبك حديد مثل طريقة قفص الطيور هذيلا في بـ 3 و في بـ 5
بس الاقفاص البلاستك .. واهوه الاحسن .. دور واحد بـ 6 .. ودورين بـ 10 وهم قوليله ينزل .. يسويه 9 .. بو دورين وايد احلى و شكله كيووت .. كشخه حقهم ككككككككك
و الكرة الخشب حق اسنانه انا مالقيتها خذيت بدالها >> كلس >> كالسيوم شكله مثل اسطوانه عريضه .. يعضها بين فتره وفتره هم يعوضه عن نقص الملح بالجسم وهم تكون مثل براده للأسنان .. لان اسنانه ما يوقف نموهم .. هم موجوده عنده ..
واخذيله اكل + نشاره ( النشاره اهيه نشارة الخشب الي تفرشينها بالقفص ) قوليله اهوه يعرف .. سعرهم اثنينهم مع بعض 2.5
وشنو بعد تبين !! اذا تبين الكره الي تخلينه فيها يتمشى بالصاله هاذي سعرها >> دينارين الصغيره والكبيره بـ 3 .. اذا تبين روسي القزم اخذي الصغيره ..
وكل شي حبيبتي تلقينه بسوق الحمام بمحل رضا اشكناني >> الي حسن الايراني يشتغل عنده .. تلاقينه بالجبره الاولى .. انا اغراضي كلها خذيتها منه ..
بس حرصي تاخذين الهامستر بعمر صغير . يعني يكون عمره يتراوح بين 3 اسابيع الى 5 .. لان اساسا عمر الهامستر قصير من بين سنتين الى سنتين ونص للروسي .. فأفضل لج تربينه واهوه صغير هم يظل عندج فتره طويله .. وهم يتعود عليج لان الصغير سهل بسرعه يتعود على الي يربيه ..
وسامحيني اذا قصرت
مشكوره حبيبتي عادي اروح الحين ولا
0بعدين
روحي بليل احسن لان نشاط الهامستر يكون بليل والصبح تكون فتره نومه
لما يكون بليل احسن عشان تنقين الهامستر النشيط الحركي .. و لا تنسين تجيكين على عيونه و فروه و كل شي فيه .. لا تاخذين واحد مريض .. لما تدشين الرابط راح تلقين داخله روابط وايد .. دشي على المواقع الي مكتوب فوقها ( قبل شراء الهامستر ) و ( عند شراء الهامستر ) راح تلقين وايد معلومات تفيدج في اختيار الهامستر
وموفقه انشالله وان احتجتي اي شي انا بالخدمـــــــــــــــه
وبعد نسيت اقولج .. حسن تييله دفعة هامسترات يديده يوم الخميس بليل أو اليمعه الصبح .. فا انصحج تروحين بهالاوقات ولا تاخذين الحين >> طياح السوق @@
انزين بنات قالولي ان في حولي بارك يبيعون هامستر
زينين اللي هناك ؟ مالي خلق اروح سوق اليمعه ://
والاسعار نفسها والا تفرق
الي داخل الشعب الي يم مكتبة جرير .. هذا يدوبل السعر انا كنت رايحتله بشتري ارنب ..!! الارنب الواحد بـ 3 مادري 3 ونص !
روحو سوق الحمام والله انا اشوفه احسن شي خاصه ان الكويت مافيها وايد محلات خاصه !! عندج السعودية في وايد محلات خاصه يهبلووون انا رحتلهم بس مالقيت الروسي @@
وخذيت هامستراتي من اهني من سوق الحمام ونفس المحل الي قلته لصاحبة الموضوع ..
انزين انا وايد قاعده افكر بسالفة انهم ينحاشون ://
كلهم نفس الشي ينحاشون ؟ وماكو طريقة اضمن انهم مايطلعون من القفص؟؟؟
ادري اذيتج معاي بالاسئله و خربت موضوع قطوه ورديه ^_^
اهو ازين رضا لوووووول
امواج الله يبارك فيج
انا بروح سوق الحمام لان بفتر فيه وبشوف الحيوانات والطيور من زمان مو شايفتهم
بس مادري عن حولي بارك انشالله البنات يفيدونج
وبالنسبه حق اذا انحاش والله مادري
البلاستر ماينفع لوووووول
يوصلهم لج مع اغراضهم على ماعتقد
عندي رقم بو عبدالرحمن صج ذكرتيني فيه
حبيبتي مشكووووره على الرد
انزين انا وايد قاعده افكر بسالفة انهم ينحاشون :// كلهم نفس الشي ينحاشون ؟ وماكو طريقة اضمن انهم مايطلعون من القفص؟؟؟ ادري اذيتج معاي بالاسئله و خربت موضوع قطوه ورديه ^_^ |
العفو حياج الله وبالنسبه لينحاشون .. ربطي الباب وبس تنحل المشكله او حطي سيم عشان يسهل فتحه لان راح تفتحينه مليون مره باليوم هههههههههه و عادي سئلي الي تبينه كلنا لبعض و اذا تبين .. هم عالخاص كيفج
دلوعه ماقدر اصبر
اهو ازين رضا لوووووول امواج الله يبارك فيج |
ههههه كيفج روحي بس يمكن ما تلقين لان انا كذا مره رايحه ايام الاسبوع وما لقيت و طقيت صحبه مع هذا حسن وخذيت رقمه .. لما ياب دفعه دق علي > كان يوم الخميس بليل .. واذا تبين تروحين هالايام وتوصينه على زوج روسي .. اييبلج ويدق عليج ماكو مشكله .. وحولي بارك قلت عنه قبل شوي ..
امواج شكو لاخربتي موضوعي ولا شي
وبالنسبه حق اذا انحاش والله مادري |
هههههههههه اهم شي البلااااااااستر .. حرام اللزاق اذا قصدج .. يخرب حديد القفص في انواع من اللزاق اذا شلتيه يظل اثر على الحديد ..
صج نسيت اقولج اذا مالج خلق بوعبدالرحمن يبيع
يوصلهم لج مع اغراضهم على ماعتقد |
على حسب ما سمعت من البنات ان بو عبدالرحمن ما يبيع الا النوع السوري ودقيت عليه كذا مره يقولي لا يمكنه استقبال المكالمات …
هههههههههههه ام شي البلاستر
عندي رقم بو عبدالرحمن صج ذكرتيني فيه |
اذا الرقم الي عندج نفس الي عندي ماكو فايده .. مثل ما قتلها انا كله ادق عليه و يطلعلي لا يمكنه استقبال المكالمات .. انا انصحكم تروحون سوق الحمام هم أأمن و تنقين القفص الي تبينه واللون الي تبينه وهم عشان تفحصين الهامستر بنفسج
لان صج صج مالي خلق اروح سوق الحمام >_<
وصج صج مشكووووووره
اذا شريت هامستر نثيه بسميه دلوعه ههههههههههههههههههه
اخاف الارقام اللي عندكم غلط
بنات شريت
انثى وذكر صغار يهبلون ماشالله عليهم
بس الذكر شيطون
والانثى اهدى اشوي
وانشالله بنزلكم صوره
انا بغيت اوكلهم من ايدي مو راضين ليلحين
ماتعودو
والذكر من اشوي طاح وقلبي عورني عليه فقلت ماراح اطلعه لانه مو مؤدب
لووووووووول