|
|
ياليت تفيدوني
حابه اسوي استقبالي بالبيت مته انسب وقت ؟
وجم نوع حلو قهوه احط ؟ وعلى جم يوم اسويه ؟
وهل يحتاج احط شي غير حلو القهوه ؟
واوزع شاي اول شي وعند البوفيه القهوه ؟
وهل احط كاكاو توزيع والا كاكاو عادي مغلف ؟
وشنو بعد طافني ياليت تفيدوني
انا سويت استقبال بلمستشفى .. وعقب بلبيت للي ما يوا المستشفى
سويته قبل اربعيني بيومين .. وكان يومين
وطلبت الخدمه من مركز جونيتا اللي بلفروانية
اول شي يفترون الفلبيبنيات بالعصير الفريش
وعقبه الحلو والقهوة وعقب الماي
وقبل لايطلعون,, يروحون على البوفيه
كنت طالبه بلبوفيه خفايف: معجنات وكبب وفطاير الصغار وورق عنب ومسخن
واهم قاعدين ياكلون .. يفترون عليهم بالشاي العادي والزعتر وعقب الماي
والكمية على حسب اضيوفج انتي اتحددين الكمية
انا اضيوفي كانوا تقريبا 50 مرة
الحلو كان ماعونين كبار .. كل ماعون فيه نوعين ومن كل نوع كيلو
والله كفى وزاد كان وايد
والككاو كنت امسوية توزيعات .. شوفي اصورها ابتوقيعي اللي فيها حوض سمج
انا المزهرية العنابية هذي كانت توزيعات استقبال المستشفى
واي استفسار انا حاضرة
وننطر باجي البنات ان شاءالله يفيدونا
بالنسبة لاستقبال البيت
انا في الولادة الأولى ما سويت استقبال بالمستشفى لأن ولادتي يت فجأة وأنا ماكنت مستعدة بالكامل ولدت بالثامن فسويت استقبالي في بيت أهلي في اليوم ال 50
انا قعدت 50 يوم عند أهلي ليش طلعتي من الاربعين كانت في العشر الأواخر من رمضان جان امدد الإقامة عند أمي إلى ما بعد العيد و سويت استقبالي بنفس اليوم اللي رحت فيه بيتي ، و كان عبارة :
1- عصاير طبيعية أول شي
2- شاي و معجنات تقديم يدورون فيها السيرفس
3- قهوة عربيه + حلو قهوة
4- البوفيه الأساسي ( بوفيه عشاء مو استقبال ) + البارد
و قبل لا يمشون وزعت كاكاو البيبي + توزيعة ثانية ( عبارة عن دهن عود – ورد طائفي)
اما بولادتي الثانية فسويت استقبالي بالمستشفى و ماشالله الكل ياني بهاليومين بس جم وحدة من بنات الدوام اللي ماقدروا ايون لي في المستشفى يمعتهم بيوم طلعتي من الاربعين و يبتلهم بوفيه خفايف من وحدة ( بنت الحمدان جان سمعتوا عنها ) و أمي سوت لي بعد جم طبق . و يبت خدمة عصاير طبيعية و شاي بأنواعه و كابتشينو و قهوة عربية . وبس والله الحمدلله كان كل شي زين وحلو
و كنت مفصلتلي بدلة و سويت مكياجي و شعري عند حنان دشتي فطلعت جني عروووس
انشاء الله البنات يفيدونج
انا ودي أسوي استقبال بالمستشفى اذا الله احيانا بس اخاف محد يجي
فهالمره بسوي بالبيت ماسويت بالمستشفى بس مابي احط عشى ولا معجنات بس حلو قهوه واوزع شاي مع معجنات صغيره بالاستكانه شرايكم عادي
انا رحت كذا استقبال بالبيت كله جذي
شلون اعطي الناس خبر ان هذا استقبالنا خلاص؟؟؟
ووحدة قالت لي طلعتج من الاربعين سوي الاستقبال ( في بيت زوجي لان عندهم صالات وامي تقول نحجز صالة مجكنمة) بس شلون اذا دقوا الناس قالوا بنيي مو معقوله نقول بنسوي استقبال جنة طلعوا برة؟؟؟؟؟؟؟
شرايكم بنات؟؟؟
شوفي الاهل عادي خليهم اييون بس معارفكم والاهل البعاد لي سالوا مافيها شي قولولهم ان شاءالله بنسوي استقبال بس ترتفع