استفسار لطالبات الخالدية والخريجات

بنات عندي سؤال للي يعرفون العلوم والهندسه عدل والخريجاااات بعد ..

من متطلبات أوراق التخرج ( ورقة إخلاء الطرف )

ومطلوب فيها توقيع من ( إدارة السلامة ) بالخالدية .. هذي وين صايره بالضبط ؟

انا ما أدل الخالديه كلش ولا مره طبيتها .. ياليت ما عليكم أمر اللي تعرف وين مكان إدارة السلامه تنورني

وأي موااقف أقرب لها ووين صايره ؟؟

.
.
.

لوالو_q8

دشي موقع الجامعه

https://www.reg.kuniv.edu.kw

روحي صفحة الخريجين .. حاطين لج كل شي عن اجراءات التخرج ..

لازم تطبعين استمارة التخرج وتسجلين بيناتج وتصورين البطاقه المدنيه وجواز السفر وشهادة الجنسية مع صورتين 4×6
وتسلمينهم حق ادارة شئوون الخريجين بالشويخ .. عند الكره الارضية السودا اذا تعرفينها .. قالولي الدور الاول انا ما رحت للحين ..
و آخر يوم حق تسليم استمارة التخرج هالخميس 15-1-2008

ولما تبين تستلمين شهادتج لازم تعطينهم ورقة إخلاء طرف .. هذي موجودة بعد بنفس الموقع اللي عطيتج اياه .. طبعيها وشوفي التواقيع اللي يبونها ..

يبون إخلاء طرف من المكتبه و ادارة الرعاية الاجتماعيه بالشويخ ( عمادة شئون الطلبه )( المبنى الصغير القديم ) و إدارة السلامة بالخالديه ورئيس قسم تخصصج ..

وبس