استفسار عن وظائف المعلمات والرواتب ضرورى

السلام عليكم
يا أحلى معلمات ارجو الرد على استفساري
ما هى الشروط التى يجب توفرها للعمل كمعلمة فى الكويت حتى للابتدائي
وكم متوسط الرواتب
ما افضل تخصص للعمل؟
ما هو اكثر تخصص مطلوب وراتبه معقول

اتمنى الرد منكم عاجلا باذن الله

ما حبيت اطلع وما ارد … اب لعيونج .. ما عندي فكره توني متخرجه ههه الخوات ينفعونج

حبيبتي

تقدرين تتابعين موضوع الاداريات في المنطقة التعليمية وتسالينهم عن كل شي

موفقة ان شاءالله

والله يوفقج

الله يسعدكم على الردود
ممكن رابط الموضوع حبيباتي؟
وجزاكم الله خيرا

اكثر شيء مطلوب التخصصات ألعلميه
راتب معلمه وافده في مدرسه غير حكوميه 200 دينار
وفي مدرسه حكوميه 350 دينار
وهو راتب ضعيف بالنسبه للسوق والمأكل

جميع التخصصات لها تفس االراتب

الاختلاف بالدرجات و الترقيات

بس افضل تخصص بالنسبة لي

علوم اسرة

حاسوب

دراسات

الضغط عليهم خفيف

وماعندهم تصحيح

فقط كنتروول

المعلم الوافد معاشه قبل الزيادة 370 وبعدها 420
وهو قليل صراحة اذا المعلمه جايه مع عايلتها اما اذا بروحها مو مشكلة لان السكن ببلاش بس جنه تدفع فلوس تأمين
المشكلة بالمواصلات ويفضل لو تسوقين وتشترين سيارة

بخصوص التخصصات
اكثر شي مطلوب المواد العلمية والعربي والانجليزي والفرنسي
اما الاسلامية والاجتماعيات لا

جزاكم الله خيرا والله
طيب اذا كنت حابة انى اشتغل بالكويت
بصراحة الحمدلله رب العالمين أنا اعشق الرياضيات واحس انى اتفنن فى تدريسها سواء بالعربي او الانجليزي
ومعى بكالريوس تجارة انجليزي يعني درست بالانجليزي
هل يتطلب شهادات معينة للتقديم
وايش فضل المدارس الحكومية ولا العالمية
انتظركم فى الرد
وهل لو متزوجة يعطونى بدل سكن.؟

الله يوفقج ماعندي خبرة بس كل اللي اقدر اقولج ليش ماتراجعين الوزاره وزاره التربية بالشويخ وتستفسرين عن كل شيء حبيبتي راح يفيدونج واذا شهادتج تنفع راح يطلبون مقابلتج والمقابلة سهله حيل حيل فيها امتخان شفوي وتحريري التحريري صعب شوي بس مومهم المهم المقابله الشفوية والاسئلة كلها عن التخصص اللي راح تختارينه يعني انتي طلبتي رياضيات راح يسألونج عن الرياضيات والاسئله راح تكون من نفس المرحله اللي تختارينها ابتدائي راجعي مناهج الابتدائي واذا مىوسط راجعي مناهج المتوسط رياضيات واذا ثانوي راح يسألونج بمناهج الثانوي

سوري حبيبتي طولت عليج بس بغيت اساعدج وموفقة ان شاء الله

صاحبة الموضوع اذا كنتي خليجية الراتب يكون اكثر من راتب الوافدة

انا اقول خليج اداريه احسن المعلمه تتعب وايد ماتسوى عليها هالبيزتين اللي زادوهم