استفسار عن اجازة الأمومه .

السلام عليكم ….

بنات بغيت اسألكم جم مدتها اجازة الأمومه وجم يخصمون من المعاش؟؟؟

وصج اللي تاخذ اجازة امومه ينقلونها اجباري من مدرستها ؟؟!!!

وفي ساعات تخفبف العمل للمرضع؟؟؟

ماعرف ياقلبي

انشاءالله البنات يفيدونج

1/ الأمومة تقدمينها مع أجازة الوضع وبعدها ما تقبل أبدا ( وانتي للحين بإجازة الوضع )
2/ إجازة الأمومة بنصف راتب ( أقل من النص لأنها لا تشمل البدلات ولا الزيادات ) يعني نص الراتب الأساسي .
3/ يمكن قطع إجازة الأمومة بأي وقت ويرجع راتبج يمشي عادي
4/ بعد إجازة الأمومة نقل إجباري بقرار الوزيرة العام الماضي .
5/ ساعات الرضاعة حق لكل مرضع أما أول الدوام أو نهايته لكن تحتاج توقيع ناظرتج وهي وضميرها عاد .
6/ تخفيف ساعات العمل ماله علاقه بالوضع والرضاعه هذا موضوع ثاني ياخذونه كل اللي عندهم حاله مرضية و يكون مصدق من المجلس الطبي ومعتمد من الوزارة وهو عبارة ساعتين وتخصم قيمتهم من الراتب اليومي للمعلم .

اتمنى أكون أفدتج

رحولة

النقل اجباااااااااااااري من زمان و هذا قرار من الوزارة مو على كيف الناظره

يعني شر لا بد منه

و ساعات الرضاعه الغوها من جم سنة بس اذا ناظرتج حبوبه ممكن تتفاهمين معاها و تخليج تطلعين

اوكي متى اقدم اجازه الوضع ؟ واذا ولدت فجاه منو ابلغ ؟ وجم مده اجازه الوضع ؟

اجازة الوضع ما يبي لها تقديم بس اذا ولدتي اتدقون عالمدرسة اتبلغونهم ومن يومها يبدي ينحسب لج اجازة الوضع ومدتها 60 يوم يعني شهرين براتب كامل

ثانكيووووو مبدعه عالرد

في تغيب جزئي من الدوام مدته 3 ساعات .. ساعة ونص اول الدوام وساعة ونص اخره
ويخصم من المعاش بحسب الساعات المتغيبة فيها

حبايبي منو قالكم النقل اجباري انا خذيت امومة شهرين ورديت لمدرستي وكل شي تمام مايقدرون ينقلونج بدون سبب هذا حقج انج تاخذين امومة انا اقولج انا خذيت امومة بس قالتلي اذا خذيتي امومة مالااح اعطيج امتياز واللة فرطت بالمتياز هالسنة عشان خاطر بنيتي مااقدر اقطها عالخدامة توها صغيرة
والخصم يخصمونج نص الراتب اللي انتي تستلمينة مع علاواتج وكل شي وهذا الكلام متاكدة منة

مبدعة منو قالج مايبيلها تقديم ياقلبي اجازة الوضع ماتنحسبلج الا اذا وديتي ورقة المستشفى انج ولدتي وبالتاريخ المحدد وفي اوراق بعدين يطلبونها من الزوج لزم يوديها والا تحسبلج انقطاع عن العمل
حبيبتي لاتصدقين هالكلام دقي عالمنطقة التعليمية اللي انتي تابعة لها قسم الاجازات واستفسري عن كل شي

صاجة وافية .. اجازة الوضع تخبرين المدرسة من تاريخ ولادتج ولازم ورقة تثبت من المستشفى اللي انتي والدة فيها تودينها المدرسة ويطرشونها المنطقة .

تنصحون آخذ اجازه الامومه ولا لأ ؟
وبعدين انا ما صدقت على الله اتوظف من الملل و ادري البيبي راح يلهيني ( فديته ) بس متردده

ثانكيو وافيه عالمعلومه

يعطيكم العافيه بنات على الشرح والتوضيح

بنات انزين اذا تم النقل انتي تختارين ولا اهم يحددون مدرسه تنقلين لها ؟؟؟؟