استفسار عمليه الخشم عند الصبيح

قوه بنات

اختي مسويه عمليه عند خالد الصبيح

صار لها يومين

وتحاتي

شلون تنشاااال الجبيره الجبس الي ينحط بعد العمليه بأسبوع

يعور ولالا

والغرز لمه تنشال ؟ في عوار ولالا

الاحد هذا عندها موعد عشان ينشالون فخاااايفه حيل

والمسكن تستخدم بندول مال العضاام كل 6 ساعات

ابي مسكن زين لها وماياثر ع المعده

اخر سوال

شلون تنظف ويهها ؟؟
عفيه بنات ردووو علي والي ماعندها معلومات تسويلي اب

مشكورين وايد

شدعوه 10 طلووو ع الموضوع

لا اب

ولا رد

حمدلله على سلامتها واجر وعافيه ان شالله لاتحاتي ياقلبي سهالات الموضوع انا مسويتها 3 مرات ولا مره حسيت بألم لا من جبيره ولافتايل الموضوع جدا بسيط ولاتحاتي الحين تخترعين تقولين شدعوه 3 مرات ادري هههه بس الله يغربل ابليس من لعبوا بخشمي سووني تجارب لهم بس الحمدلله الاخيره رحت ايران وعدلوا اللي يقدرون عليه عقب التشويه ) عقبال اختج تستانس بالنتيجه ان شالله مثل ماكانت تتمنى وبالنسبه للجبيره شلون تنشال اهو راح يشيلها بطريقته ومافي اي الم عادي يعني جنج شايله لزقه سهالات ان شالله طمنيها ولاتحاتي وايد الموضوع والمسكن مفروض الدكتور يكون كاتبلها مسكن ومضاد بعد بس البندول زين يعني انا صرفولي بايران مسكن خفيف ماادري شسمه بس مااعتقد موجود بالكويت لانه صناعه ايرانيه واخر شي شلون تنظف ويهها قوليلها لاتقرب صوب الخشم هالاسبوعين انا كنت انظف باجي ويهي باسكينول وقطنه بس لايقرب الماي صوب الجبيره لين يشيلها الدكتور احسن لها وسلامتكم حبايبي تحياتي لكم

انا مسوية عند دكتور خالد و لما شالي الجبس ما كان يعور حتى الغرز كلش ما راح اتحس بشي بس اذا شاف ان خشمها وارم احتمال يحطلها جبس ثاني و بالنسبة للمسكن ما ادري انا الادوية الي عطاني الدكتور اخذتهم اما تنظيف الويه اهم شي الماي لايحوش اللزقتين الي تحت العين انا ما كنت انظف ويهي بس اشوي احط ماي بس بدون ما احوش الجبس و اللزقات و عيوني امسحها بقطنة و الف الحمد الله على سلامتها

الله يسسلمكم حباايبي

ماتقصروووون

اهيا حدها خايفه عشان جذي سالتكم
مشكورين

مته يبين الخشم عدل
بعد مايشيل الجبس!!!

الحمد لله على سلامة اختج

انا اللي اعرفه انه الخشم شكله يتغير لمدة 6 اشهر

و اذا شالت الجبس راح يكون وارم شوي..يعني ماراح تبين النتيجه النهائيه
**********
انا انشالله عمليتي عند خالد الصبيح بعطلة 15

بس طمنيني شلووون النتيجه عشاان ارتااح نفسياً

و راح اتابع موضووعج

والله اختي بعد ما اخذت موعـد عنده دشت الصبح مستشفى السلام ..
الساعه 8 عشان العمليه سولها فحوصااات
والساعه 2 دشت العمليه طلعت من العمليه 4
وحطوها بالافاقه ساعه ..

بعدها يابوها الجناح الساعه 5
كانت ماتتنفس من خشمها حاطين لها فتايل وماشالو الفتايل الا الساعه 9 ..

ماكانت تحس بولا شي
تقول عبالي بحلـم

رجعنا البيت ثاني يوم ياها عوار تاكل كل 6 ساعات بندولتين ..

ماخذت مسكن غير البندول

ثالث يوم ياها عوار يروح ويرجـع

اليوم رابع الحمدلله اشوه بس متفخ ويهها

ان شاءالله بقولج عن كل شي يديد

ولا تحاتين ان شااءالله بتسوينها والله يتمم عليج ان شاءالله

شيخة كويتية انا اول مرة لما شال الجبس كان ضعيف حيل بس لما يحط ايده على خشمي كان يعورني فقال لان هذا وارم فحطلي الجبس مرة ثانية بس ثاني مرة لما شاله كان صج وارم و يبين بعدين بدا يصغر يعني شهرين و يبين شكلة و بعدين يستمر يصغر و يخف الورم بس بشكل بسيط

اي الحمدلله

الله يسهل عليها يارب

و تسلمين بعد عمري والله

ماسوينا شي
منوره حبيبتي

تسلمين حبيبتي

الله يشافيها
شلون خشمها والعوار اليوم
فيه خياط من برااا الخشم ؟؟

اشلون النتيجه ؟؟ وجم كلفتها العمليه ؟؟

صارلي يومين ادق عالعياده ابي موعد يقولون سكرتيرته موموجوده حطي رقمج وندق عليج ولا يدقون ولا شي بطوا جبدي

بشرينا
شلون اختج

الحمدالله

اختي بخير

والخياط مايبين كلشششش

العوار اول يومين
وراح

و كلفتها2000 مع المستشفى

في داخل خياط

وفي برا تجميلي من تحت ..