|
|
السلام عليكم
عندي جم سؤال
شرايكم بالداوم هناك زين ولا لا؟….وين أحسن الافرع ولا الرئيسي ؟
وسالفة الدوامين شلون عليها انا تخصصي تكنولوجيا التعليم بكالريوس يعني يكون الدوام كل يوم صبح وعصر
ولا انا بكيفي ؟…
ولازم شهادة isdl ولازم اعرف لغه انجليزيه؟…..
.والدورة الي مدتها شهرين يمشون لج فيها معاش لان اخوي توه سال ويقولون اي يمشي بس مومعاش كامل ؟….
والوظيفه شنو اختار احسن بالادارة ولا خدمة العملاء ؟…
وانا ما اواطن شغل الحسابات يعني في وظيفه ماتحتاج اتعامل مع الحساب ؟….
والاجازات شلون عليها ؟…
على فكرة انا انقبلت بوزارة التربيه بس للحين ماخلصت الاجراءات لازم اطنش التربيه عشان اقدم على التمويل لان عن طريق الواسطه بعد الله ……بليييييييييييييييز ردوا علي بسرعه لان الاحد لازم اودي اوراقي
والله يوفق كل من يرد علي
انا رفيجتي بالتمويل
وحدها مستانسه اهنااك
واعتقد يحطونج على بطاقه المدنيه
وين اي فرع اقربلج
أووو وعن الدوره إلي يمشيلج معااااااي
ولما تروحين تقدمين اوراقج اهناك
راح تدخلين امتحان
مدته ساعتييين اعتقد
انجليزي ورياضيااات
لازم نسبتج حوول 70 جذي
اتوقع عادي تقولين اذا تبين دوام واحد يقل معاشك غير طبعا لما تداومين صبح وعصررر
مرحبا اختي ..
بجاوبج باختصار جدا .. لأني بروح اكمل عشاي 
اول شي الدوام هناك تعب و ماكو شي اسمة مافي حسابات .. الا اذا اشتغلتي بالموارد البشرية ..
ما ابي احبطج بس لازم تكونين بالصورة .. و انا شايفة الموظفات هناك و انا اساسا كنت اشتغل ببنك ..
الرئيسي شفت واحد و الافرع شفتين .. في بعض افرع شفت واحد بس ما تضمنين اي فرع يودونج و طبيعت الشغل هناك ان تصير تنقلات بالافرع وايد ..
مو لازم icdl و الانجليزي يسوون لج اختبار …
على الراتب .. اعتقد يمشون لج الراتب الاساسي بس .. يعني مافي بدلات ..
الادارة اريح .. و خدمة عملاء معاش احسن و تعب اكثر
ما في شي اسمة ما في حسابات هذا بنك 
.. الا اذا اشتغلتي بالموارد البشرية او سكرتارية
انا اقول وزارة التربية احسن ما دام انتي ما تحبين الحسابات و حطي في بالج الحسابات من اسهل الامور بالبنك .. اللي اهم منها اهو التسويق و معاملة العملاء و الظغط و مسؤولية الفلوس و الحسابات و القروض و هالاشياء ..
و اجازات التربية ما تتعوض ..