استفسار بخصوص المنطقة الحساسة

السلام عليكم

شلونكم بنات ؟

.
.

أول مرة أنزل موضوع بهالقسم

وحدي منحرجة وماعبر أكتب :/

.
.

باختصار ،،

آنا بنت مو متزوجة

وصارلي جم يوم أعاني من حكة بالمنطقة الحساسة

وهم فخوذي شابة علي :/

مادري شسوي وحدي منحرجة أكلم أحد بالموضوع

بس جد الموضوع صاير لا يطاق وايد متعب

.
.

قبل هالمرة من جم سنة ياتني الحكة

بس قلت طاف وماعطيت الموضوع اي اهتمام

تالي غمج المكان :/

والحين ردت الحكة ويلدي صار حمر

وحدي مادري شسوي

كل اللي أسويه إني ألبس اندوير قطن

والحمدلله عنايتي أوكي

بس ماقط جربت لاغسول ولا ادوا لهالمنطقة ..

.
.

قولولي شسوي بليز ؟

وايد قاعدة أعاني :/

نصيحه حبيبتى لازم اتروحين دكتورة امراض جلديه وتناسليه لا تهملين هالمنطقه انا يتنى مثل حالتج توه من فتره بسيطه
بس انا الحين متزوجه وحامل
لما رحت الدكتوره قالتلى انه اللى فينى بكتيريا وعطتنى غسول وكريم
وبس
سؤال تنزل عليج افرازات؟
اعيد واقول لاتهملين حالج وهذى منطقه حساسه

بالنسبة للحكة الي بين فخوذج حطي فازلين قبل لا اتنامين وان شاء لله يومين ولا هو رايح

الحكة هذي من احتكاك الجلد والعرق اثناء المشي

اهم شي النظافه حتى ما تصير التهاب بعدين

حاولي تحطين فازلين واذا ما نفع لاازم طبيبه

روحي الصيدليه اكو وايد ادويه حق الحكه والالتهابات واذا ما طبتي بعدين روحي دكتوره

لا حبيبتي لازم تراجعين امراض النساا هذيمنطقه حرجه ولازم تعتنين فيها

لاسمح الله يمكن التهااابات

تنقعي ابابونج مع عسل
يريح ويهدي المنطقه من الحكه

ولي خللصتي حطي بودره جونسون تلك

هذا يمكن من الحمامات العامه
او الاغلب بوزليقه دام حتى فخذج
اذا مافاد روحي الطبيب تاخذ منج مسحه يمكن ااتهاب اسم الله عليج
اوو غسول ستيال بس ديري بالج مو تستخدمينه وايد لنه يذبح البكتيريا النافعه

انا برايي تروحين دكتوره احسن شي,,, لا تهملين روحج

وانا بعد اقول روحي الطبيب احسن ولاتاخذين اي شي من الصيدليه من غير استشاره الطبيب ماتدرين راح ينفعج ولا يضرج وسلامات ماتشوفين شر

غسلي بغسول طبي من الصيدليه اسمه (سيتل)
هذا غسول خارجي عادي
وتنشفي عدل من الماي
وحطي حماية يوميه (كير فري)
وممكن تنقعين لج مره ببطل ماي ولما تذوب عدل …غسلي فيها بتحسين براحه

حبايبي مشكورين وماقصرتوا :**