اسباب عدم التفات الزوج لزوجته ؟؟؟

اسباب عدم التفات الزوج لزوجته ؟؟؟

مراحب

عدنا والعود احمدوو

جيتكم بشئ حيرني …وسالت عنه ومحد جاوبني

لما الزوجه تكون متزينه بالبيت وكل يوم تغيير بلبسها

ولسانها سم وامر ومن عيوني ويا قلبي ولبيه

ومع كذا ما تلفت النظر لزوجها

لما تكون بسريرها ونايمه بشكل مغري ومع كذا يدخل الزوج وينام جنبها وبينه وبينها كذا شبر ولا كانه شايف احد على السرير

يعني ما لفتت نظره حتى على السرير بشكلها المغري

تكون الزوجه جالسه معه على سفره على قهوه على عشوه حتى بمطعم

ومع كذا ما تلفت نظره

حتى لو الزوجه جايه من كوفيره ومتزينه برضو ما يفرق بالتغييرات الي سوتها

حتى لو بتروح للزواج ومتزينه على سنقة عشره هي تسمع من زوجات ان الزوجه وقت الزواجات تهج عند اهلها عشان زوجها ما يشوفها متزينها وينيلها بستين نيله

وزوجه تتزين عند زوجها لعل وعسى تجيها كلمه بالغلط

ومع كذا ما تلفت نظره

طبعا لا تقولون انها اكيد ماهي جميله او او او

لان الي يزيد الطينه بله عندها ان الحريم الي يشوفونها ينبهرون منها وتجيها زخات كبيره من الثناء والمدح سواء من صغار بالسن او كبار

هنا سؤالي هل الزوج هنا يكون فيه شئ غير طبيعي

كمصاب بعين او مغصوب على زوجته <<<ما هقيته مغصوب او او او

يا ترى يالازواج لما ما تلفت لنظرهم زوجاتهم شنهي الاسباب عندهم

لعلنا نستفيد ؟؟

مافي اسباب بس على قول الرجال كل يوم ياكل كورن فليكس كل يوم كل يوم اكيد بيمل يصير ماله طعم حتى لو يحبه … بتقولين شمعنه النساء مايملون بقولك خلقه الله سبحانه

مو شرط انه مو عاجبته
بس يمكن طبيعه الريال جذي ما يتجى
اقولج شي انا زوجي جذي
مع انه ما كملت السنتين
بس استغرب منه ما يمدحني الا بالشهر مرة لا وتكون بالغلط بعد
بس مره كشفته على حقيقته
اخته متزوجه وساكنه برا الكويت
فمره كان يكلمها بالمسنجر
عاد اهو طلع بره يدخن جان اكلم احته الا اشوف بالمحادثه يمدحني عند اخته
يقولها اني كشخه ودايما متزقرته وطباخي حلو بساهو مايقدر يقولها (الي اهي انا يا زوجته) وانه حاس انه هالشي ماضايقها(هم يقصدني انا )
عاد اختخ تنصحه وتقوله انا البنات مايحبون جذي ترا بعدين تمل وتزهق منك
عاد انا سويت نفسي ما قريت شي وجنا عادي
واكتشفت انه اهو من النوع الي ما يتكلم بس يشوف
ويحب يتمتع بالجمال وخلق الله من غير ما يتكلم
لا بس مع الا يام تشوفينه يتغير
لان الي عندي بده بالخطوةلاولى اليوم يمدحني بالشهر مرة
باجر يمدحني بالاسبوع مرة
الي بعده كل يوم

يتجى=يتحجي
سوري عالبدليات

عادي بس يمكن اهوتعود على مرته كاشخة يعني ظامن الي عنده او ما يبي يمدحها يخاف تركب على راسة

صح كلامج انا معاج بالرد

يمكن كل يوم نفس الستايل
او يمكن اذا قالها ترد عليه برد اهو مايحبة

واغلب الرياييل مايقولون شي بس يسكتون

يمكن تكون البنت خربانه وموحاب يجرحها وهذا نسمع عنه كثير للاسف
لازم تنتبه لنفسها

ترا المكياج واللبس مووووووووووووووووووووووو كل شي

يمكن شي ثاني مكرهة فيها

شاكر تعليقك اغلب الريايل يملون بسرعه
والمره ماتمل ابد

شوفي ياان نوعيته مايحب يمدح وطبعه جذي

او يحبها تسوي شي اهي ماتسوينه او يبيها بستااايل معيييييييين

ماادري امره يحيير داااااام الكل يمدحها

حبيبتي طبيعه الرجل قليل المدح للمره كلهم تقريبا ما يمدحون الا قبل الزواج عادي كلش
وهم في شي مهم الريال يحب القلب قبل الشكل وما يحب الومره الي قاطه روحها يحب الشي الصعب شوي بس بسلاسه مو تصير ماصخه معاه ما تعطيه ويه ولا قاطه روحها جنه ماكو بالدنيا غيره خير الامور الوسط