اساعد زوجي عالقرض ؟؟ <عطوني رايكم ؟

اشلووونكم يا بنات

واخيرا لقيت القسم اللي اكتب فيه موضوعي

سلمكم الله انا متزوجه قبل سنه وعندي ولد …وراح اتوظف ان شاء الله بعد كورس

بصير مدرسة روضه

وزوجي عليه قرض كانوا اهله ماخذينه عليه حق بنيان البيت اهوا وكل اخوانه وكان القرض كل واحد 20 الف وقبل لا يتزوج اخذ قرض جديد 15 الف (شرى ب5 سياره و10 اثث الشقه)

يعني المبلغ 35 الف … بس مع الفوائد مادري كم

الزبده انه الحين وصل قرضه 27 الف … يعني سدد منه واجد ,,, لانه القسط الشهري ماخذ نص معاشه بالضبط ومايبقى من معاشه غير 400 دينار والله مو مكفينا كلش كلش وانطر بس متى اتوظف وانعدل وضعنا المادي وخاصه انه يقط للبيت 100 وخالتي وعمي كل واحد 50 هذا اذا ما طلبو اكثر احيانا

يعني والله ما يصفالنا الا 200 وشتكفي <<دايما انعيش على بدل الايجار واعانتي بالجامعه

وانتو طبعا عارفين المدرسه ماشاءالله معاشها قوي .. ومرات افكر بيني وبين نفسي اني اذا توظفت اسدد مع زوجي جزء من المبلغ عشان انخلص القرض ابسرعه

مفكره اسدد بعد 400 ثانيه

__ على فكره انا احب زوجي بس اهو قلة الحيله الله يسامحهم اهله

وحنون وايد وايد والله من تزوجنا لي اليوم مافصل دشاديش لا شتوي ولا صيفي ولا شرى غتر وحتى بدلة دوامه ما غيرها مع انها منهريه … كله عشان يلبي طلباتي اللي ما تخلص

لاني متعوده عند اهلي ما يقصرني شي مثلكم طبعا وكل طلباتي مجابه وعنده اهوا بعد اكثر والله مايعدي شهر الا كل اللي بخاطري يلبيه لي ولا مره قالي لاا