|
|
هلا وغلا اخواتي العزيزات انا حامل رحت عند الدكتوره في الاسبوع السادس و عملت سونار جالتلي مافي نبض وعطتني موعد بعد اسبوع ورحت هم جالت مافي نبض ومتوقف نمو الجنين وخيرتني جالت اعطيج حبوب تنزل ولا تبي عملية تنضيف وانا خايفه من الاثنين ما ادري اخذ الحبوب بس ما ادري متردده خايفه تتعبني وايد واذا خذيتهم لمدة كم يوم راح اضل اتالم لحد ما ينزل انا الحين في الاسبوع السابع من الحمل ارجو تطمنوني لان الامر لا ينتضر
استشيري دكتوره ثانيه عشان تتطمنين
والله يسهل امورج ويعوضج خير
ولا ســـمــح اللـــه قـــالـــت لـــج نــفـــس الــكــلام لا تــســـوي تــنــضــيــفـــااات لان الــجــنــيــن صـــغــيـــر وااايـــــد مــمــكـــن يــنـــزل مــن حـــالــــه بـــــس شـــربــي داارســيــن ورشـــاد والـــذي مـــنــه
والله يشفيج
اذا ماقالت لج انتي سويه اسمه تحليل الحمل الهرموني واهو تحليل دم يطلع جم نسبة الحمل بجسمج وانتي باي اسبوع عيديه بعد يومين واذا كان نازل معناته صح كلامها اما اذا قاعد يرتفع فلا نطري بعد اسبوع وسوي سونار وهم عيدي التحليل
واذا كان صج نازل اكلي الحبه انا كليتها اول لان كنت نفسج بس تاكلينها اليوم جم ساعه ويطيح بس طلبي حبوب مسكنه لان راح اييج الطلق ووايد يعورج وهم بتعطيج مضاد حيوي عساس لا يتسمم جسمج وان شالله يكون التبويض متأخر ويبين النبض