اذا كان الزوج شكاك

بنات بسالكم بصارحه اذا كان الزوج شكاك قبل الزواج من اتفه الاسباب وغيرته غير طبيعيه

بعد الزواج بيصير طبيعي ولا بيتطور هالشي

صج اذا صرت جدام عينه وبيته بيروح الشك منه ولا هذا مرض ماله علاج
بلييز ترا حدي تعبانه ومضايقه من الموضوع

الله اعلم

بس فيه صفتين اذا كانت موجوده بالرجل يصير لالالالالالالايطاااااااق

البخل…………. الشك

واي ما اعيش عنده

الله اعلم
بس انا مع شمس وقمر البخل والشك الواحد ما يتحمل

حبيبتي يمكن هذا الشي يصير باول الزواج
وترا رياييلنا ما ينلامون اذا خافو علينا
بس انتي لا تعاندين وتخلينه يشك غصب
سوي يلي يبيه لفتره مؤقته ولين يطيح يلي في راسه
ويثق فيج وان شاء الله ترتاحين حبيبتي

الوقت كفيل انه يعدل كل شي وانتي تحاشي الاسباب حبيبتي

صح والله الشك يدمر الحب ويزرع الكراهيه

والحل بيد رب العباد بالصبر والدعاء

الشك ما يحس فيه الا اللي جربه
اعوذ بالله يخليج تكرهين دنيتج
الحين الوسخة ما ترضى احد يقولها كلمه فما بالج باللي ماشيه بالساس ومع انه يعرف انها خلوقة

يالله سترك

والله انا زوجى علية غيرة موووووووطبيعية سوالفة ولابالخيال اول زواجى كنت اتضايق بس كنت ادارى لازم ريلة على ريلى بكل مكان
والحين مر على زواجنا خمس سنوات ومازالت الغيرة موجودة
الحلو انى قدرت اغير من اسلوبة فى الغيرة اول يصرخ ويفرض راية الحين تعلم يحترم واذا طنشت وطلعت من غير شورة بس يعاتب ويزعل اشوى
وحلو الريال اللى يغار تحسين انج حلوة هههههههههه

المره اهي بايدها اما تزيد شك الريل او تمحيه من حياتهم

اقولج شلون……

اذا تذكرين مسلسلة العائله قبل الغزو(اذا كنتي من طقتي

) كان الزوج(جمال الردهان) يشك بزوجته (هدى حسين) فقامت اهي شسوت علشان تبي تعطيه درس ما ينساه….خلته يشك فيها أكثر

يعني قامت تسوي حركات متعمده علشان يزيد الشك عنده

وهذا اكبر غلط

كل ما كانت المره واضحه مع ريلها وصريحه وماتخاف تقول الصج حتى لو بيزعل كثر ما راح يرتاحون عقب ان شاءالله

يعني اذا بغت تروح مكان تقول له بالضبط اهي وين رايحه

موتقوله رايحه مع امي الطبيب واهي رايحه مع رفيجاتها السوق

اذا نوعه ما يحب طلعاتها مع رفيجاتها خل تعزمهم ببيت اهلها مو لازم يطلعون بالاماكن العامه علشان يحس انها تبي راحة باله اهوه بعد مو بس وناستها وطلعتها

خل تكون واضحه علشان ترتاح يمكن في البدايه بيصير فيها خناق وزعل بس عقب الريال بيعرف ان زوجته ثقه وتشستاهل هالثقه

السلام عليكم اول شي اختى الشك مرض ولا بد منه انه يتعالج واذا كان شكه على غير سنع انتى بيدج تغيرينه ولا زم تتفاهمين معاه ان الي قاعد يصير مو زين على حياتكم لانه اعرف ناس وايد كانت حياتهم من البدايه شك وغيره مو طبيعيه ما استمرو مع بعض بس حاولي تصلحين حاله والله يصلح ما بينكم يهديه ويهدى كل ازواجنا ويجعلهم من عبادك الصالحين واكثرى من قراءة القران والدعاء ربي يفرج همج وهم كل مهموم يا رب الارباب

هههههههههه

بعد عمري ذكرتيني بالذي مضى يا سبائك

اما بالنسبه لصاحبه الموضوع……….كل شي مع السنين يتغير حتى احنا لاحظي نفسج قبل مده شلون تفكيرج والحين شلوووون

في مثل يقولونه… >> غير جبل..وما تقدر تغير طبيعه

والشكاك ..انسان امممم عذرا.. بس هو شايف او مسوي اشياء … ويعرف انه كما تدين..تدان…

عن نفسي ما اتزوج انسان شكاك..لاني ما اتحمل الغيره…

ثم تقولين جدام عينه او لا… مو انتي جدام عين اهلج…شلون ما يوثق فيج… مفروض يعرف انه انتي ما بتخونين عشره اهلج اللي عشتي وياهم فوق 18 سنه
عدل ولا لا…!!

مثل ما تجوفين انا موقفي سلبي بالنسبه للبنات…
صلي استخاره على اية حال… وجوفي ربي شو بيكتب لج..

طمنيني عنج يا حياتي..

الله مادري شقولج بس الشك هذا مرض اعوذبالله فكري قبل لاتجدمين علي الشغله ولازم تكون بينكم مواجهه هل انت راح تتغير ولا بتم جذي شوفي شنو الي له والي عليه عشان تحطين النقط فوق الحروف من اول شي

بصراحه الموضوع صعب حيييل حييييل .. بس ان شاء الله له حل

انا زوجي كان حيل غيوووور .. وشكاك.. ما كان يخليني اطلع ما احد..

كنت اسايره وما اطلع الا معاه ولما اطلع ما اكشخ ولا شي ..

بعدين الحين انا صرت اروح على الخفيف مع اهلي بس لازم ادق عليه كل ربع ساعه

واقوله تفاصيل الرحله هههههههه .. شر البلية ما يضحك .. وكنت لازم اقوله اذا باطلع من مجمع وبروح لمجمع ثاني حتى لو كان يمه .. يعني الحااله صعبه .. بس بصراحه على قولة المثل امشي عدل يحتار عدوك فيك .. انا اقول يحتار ريلج فيج لوووووووووووووووووول ..

وما عليج صبري وتحملي وعطيه على جوه واذا هدى كلميه قوليله انت شنو شايف علي عشان تغير جذي ..وبس قوليله ان هالشي يضايقج .. بس صدقيني ما في ريال يشك بمرته ويخليها عنده هذي غيره موجوده بكل واحد مو شك ..

والله يهديه لج ويسخره ولكل خواتنا ..ويصبرج اهم شي …

مشكلتج نفس مشكلتني وحدي محتارة

الله يكون بعوننا

بس مثل ما قالوا البنات لابد من المواجهة في البداية ونحط النقط فوق الحروف

وانشالله ربي يسهل علينا واللي فيه الخير ربي اييبه لنا