|
|
تحياتي للمتزوجات
الصراحه سالفه صارت لشخص قريب مني و حبيت انقلها لكم نفيد و نستفيد
متزوج صارله 20 سنه و ماعندهم اعيال الله مارزقهم . تزوج وحده بنت بيوت و محترمه و تخاف الله كشيخه و لبيسه و رشيقه و انيقه و حلوة
المهم يا بنات و باختصار
عقب الزواج المره اهملت نفسها و زوجها و كل مالها و تسمن و تسمن و تسمن لغايه ماحاشها امراض كافينا الشر من السمنه
و الدكاتره قالولها لازم تضعفين علشان تقدرين تحملين بس للاسف ماكو فايده و الريال تعب و اهو ينصح و يكلم زوجته و اهي بس همها الاكل و النوم لا تلبسله و لا تكشخله و على قولته حتى كحله بالعين ماتحط لا و يقول ماعندها مكياج اصلا
الريال لا تزوج عليها و لا طلقها بس اللى سواه ان خانها و طنشها و صارت حياته كله بره البيت نوم و سهر ووناسه لا يطلع مع زوجته و لا يسافر معاهاو لا ياكلون مع بعض اصلا يعني زواج حبر وورق بس حسب كلامها اهي
المهم المره طاحت بالمستشفي و اكتشفو ان حياتها بخطر و اذا محد اتبرع لها باكليه راح تموت
الريال انصدم صدمت عمره و صار يبجي نفس الياهل على زوجته و قرر ان يتبرع لها اهو بالكله بس لا تروح من ايده ( حس بقيمتها على قولته ) 20 سنه مو شوي
اللى صار يا بنات ان قرر يتغير و يعوضها كل شي راح و اهي بعد قررت اذا الله عطاها عمر جديد تضعف و تفكر بالاعيال و تجابل زوجها
لييييييش الواحد يوصل نفسه للوضع الخطير هذا علشان يتغير تغيري علشان نفسج صحتج مو علشان احد
سوري اذا طولت عليكم بس حابه ااقول حق الحريم اللى مهملين نفسهم الحيات الزوجيه مو بس زوج و اعيال و بيت و خلاص الحب اهم شي لا يروح لازم يتجدد بينكم و يستمر
تحياتي
الوحده لازم اتحط صحتها بالاول عشان تضعف ماعليها مت ريل ولا ناس
اهم شي صحتها
والاهمال موحلو جنه اتعاقبين نفسج وليش والله معطيني نعم لاتحصى ولاتعد
بدال مااشكره واحافظ عليها اهمل نفسي
مهم المره تهتم بشكلها
شوفوا اقرب مثال الفنانات عمرها بنص الاربعين وشكلها شكل وحده بالعشرين
حلات الوحده تجدد شبابها ورشاقتها واذا ماشتغلت ع نفسها لاتلوم الريال بعدين لين لاعت جبده وطفش خصوصا اذا كان شاريها واهي خربت على نفسها
الصحه اهم الزوج والابناء
فوفو
وتعيش الحياه على اجمل ما يكن
وغير جذي تهمل نفسها هذي مصيبه
لاتفكرين بالرجال لكن الوحده تفكر بنفسها
اذا هي حبت نفسها راح تكشخ وتتسنع
مشكورة عل هالموضوع
يالله ان شاء الله تكون هالفتره درس لها عشان ماتهمل نفسها مره ثانيه والله يمتعها بالصحه والعافيه…
وترى محد يحس بالنار غير ريول واطيها
اتوقع ان عدم قدرتها على الانجاب وصلتها لهالمرحله من اليأس .. الامومه اغلى شي عند المرآه .. اتوقع فقدنها القدره على الانجاب خلاها تهمل بكلشي لان اغلي شي مو قادره تحصله .. واتوقع بعد ان اهي كانت تبي زوجها يخونها او يتزوج عليها من ورى هالاهمال لان بداخلها احساس ان هالزوج مايبيها او مو متحملها لعدم قدرتها على الانجاب ..
لكن بعد ماتبرعلها بكليته اتوقع اعرفت ان هالانسان اشكثر يحبها بعيال وبدون عيال ..
الله يوفقهم والله يرزقهم بالذريه الصالحه يارب .. ويرزق كل محرومه ..آآميييييييييييين
وهو يحبها ولما حس انه بيفقدها خاف عليها .. لانه اساسا يحبها
واصلا مفروض سواء كنتي بنت او متزوجه تكشخين وتلبسين هالشي راحه نفسيه لج وتغيير جو
انا اذا تضايقت اروح اكشخ واحط مكياج علشان اغير نفسيتي وفعلا تتغير احس نفسي شكلي حلو ومميز
واللبس .. ما اعتقد الحين في ناس ما تعرف تلبس وتكشخ !!
بس الله يشافيها ويعافيها .. الحياه مو اكل ونوم 
لا حول و لا قوة الا بالله !!!!!
20 سنه عاد وايد وايد وايد الله يهديها ان شاء الله
المفروض من زمان .gif "Eh S(2)")
الله يشفيها يارب قصه حلوة و فيها عبره حق بعض البنات
الي من هالنوعيه
شكرا على المشاركه بهذه القصه حبيبتي .gif "Eh S(22)")