ادويه الدوره؟؟؟

هلا يا حلوات شلونكم
دايما اسمع ان اكو ناس ياخذون اشياء اذا ياتهم الدوره ….يعني مثل النفاس….بس ماني عارفه شنو بالضبط
يعني حسو و لهوم وكل شي ما يمدي…..لو سمحتوا اللي تعرف تعلمني لاني جد محتاجه…لا تبخلون علي بالمعلومه

حلبه ودارسين واهم شي دفين نفسج والنظافه الداخليه
والحسو واللهوم كلهاا ادويه حاره علي المعده فايدتهاا تخليج تدفين من داخل

حبيبتي امواج مشكوره
بس شلون يعني لهوم ولا اسويهم شاي،،، لان احنا بالنفاس ناخذ وايد اشياء غير …اذا ممكن احد يوضح لي اكثر….بلييييييييز

حبيبتي انتي مجربه النفاس
والادويه اللي تاكلينها فيه
اشلون ماتاكلين بكل دوره ….تركج لها اكبر غلط
انتي متزوجه وتعودتي عالادويه ومايصير تخلينها بوقت الدوره
لازم عالريج تاكلين تمر معجون بشوية سمن مع رشاد حب مو مطحون
والغدا عادي ………..وعقبه شاي اعشاب
والعصر تشربين حليب مع (دوا) …………انا دايم اشتريه من مره تسوي هالاشياء
وهم اللهوم لازم تاخذين ملعقه باليوم.
وطبعا تتجنبين الاكل اللزج مثل الباميا والملوخيه
والاكل اللي يحتوي على ماي مثل الرقي والكوسا
والاكل الحامض والمالح مثل الليمون والبرتقال والطماط
ولاتنسين بعد الخيار ترى موزين وقت الدوره
يعني كإنج نفاس تلبسين دلاغات وبجامات طويله عشان مايدش فيج هوا
الله يعين لويه بس نتيجتها عجيبه
بس تعبت

زينانه…..مشكوره مشكوره حبيبتي يالله اليوم اول يوم الدوره وراح ابتدي بس ما آخذ حلبه صح…لانها ترطب؟

والله انا دواي معاه حلبه بس اوقفه رابع يوم دوره
واكمل بالتمر بالرشاد مع شاي الاعشاب
وخامس يوم بالليل احط تحميله للتنظيف
عاد انتي عندج انواع وايد من التحاميل بالصيدليه طبي وتخيري