اخوي بيتزوج مو كويتيه والاهل رافضين

شوفي حياتي

حلات الثوب رقعته منه وفيه بس وانا اختج اخوي ماخذ لبنانيه والله ثم والله مدللته دلال والحمدلله مرتاح معاها

يقول كل شي تسوي له من تنظيف وغسال وطباخ ولا تبي خدامه واهيا بنت خير مو الي طمعانه عشان نقول ميته فيه لانه كويتي

وخذاها لانه يحبها ,,

والله يوفق اخوج ويحنن قلب امج ياقلبي

لو مقتنع فيها الف بـ % كان نآقش او اعترض ..
بس حبيبتي هو شكله مو ماخذ الموضوع جد ..
نصيحتي لا تدخلين ..!

ربي يوفق اخوج بس يمكن امج تبي تختار له وحده من الديره
وتكون تعرف عوايدنا

حبيبتي ان له نصيب بوحده من اخر الدنيا بياخذها لو العالم كله رفض والله يكتبله بنت الحلال كويتيه ولا لبنانية ودعيله بالخير وايسرله دربه وان شينه يبعد شرها عنه

الله يسمع منكم يارب

الجادل الصعب .. اهو مسكين ياي مستانس يعني احسه ناطر هالشي من زمان على كلام الوالده تقول يعرفها من ايام دراسته
يعني تقدرين تقولين ناطر يتوظف علشان يتزوجها والله اعلم

اهي مو سالفه يجادل ولا يناقش , اهو حيل طيب ما يحب يزعل الوالده بكلمه فا سكت وقال خلاص ماني متزوج غيرها وسكر عالموضوع
اهو على نياته وما يحب عوار الراس اخوي واعرفه مايحب المشاكل والدندره

مادري ليش البعض يقول طمع شدعوه خوو الخير بس عند الكويتيين امبييه يعني شنو ترى كلنا بشر مثل ما احنا شايفين خير هم الناس شايفه خير

حدي مقهووره مادري ليش هالنظره ماحب التفرقه .. سوري بنات بس والله يا ان في كويتيات اهم اللي يطمعون وتطلع حق الولد قرون

مادري احس جذي لان طلباتهم ما تخلص .. من اللي شفته من رفيجاتي اللي متزوجين والله احس بس يبون ياخذون اللهم يا كافي
وتلاقينها لما كانت عند اهلها ماكله هوا وتزوجت وقامت تفلسف والله اعرف جم وحده جذي استغفرالله ياربي

ناطره باجي الخوات ومشكورين حبايبي عالكومنتات

قعدي معاه وساليه وفهمي البنت شنو وضعها
وعلى قولتج حيل قديمه فكره انهم طمعانين فيه لانه كويتي
والله يكتب له الي فيه الخير

و الله يآ حبيبتي من رآيي تقنعين أمج و اتحآوليـن فيهآ

و قوليلهآ بنسأل عن أخلآق البنت ،

و ييبلهآ امثلة من الصحآبه و و ،

ترى و الله كلنـآ بشر

و الإنسـآن أبسط حقوقه يختآر شريك حيآته بنفسه

بغض النظر عن جنسيته أو شكله أو لونه ،

،

ان شـآءالله أمج اتوآفق

روحي حق أخوج و قوليله إنج وآقفه ويـآه و بتحآولين تقنعين الوآلده

و اذآ بغيتي ، حآولي اتصآدقين البنيه و اتشوفين أخلآقهآ و دينهآ . .

قولي حق امج تقعدون مع البنت و اهلها قبل لاتحكم
و سالوا الجيران و الحارس عنها

الله يوفقه ويكتب له كل خير يارب ياكريم
ماعرف شقول لج حبيبتي

بس الله يرزقه باللي له خير بحياته

ماعليه مافيها شي كلميه وأخذي بخاطره وقولي له أنه يحاول يكلم أمج مره ثانيه يمكن ترضى ,,
وانتي بعد أسأليها ليش ماتبي تخطب له البنت وقولي لها كل ديره فيها الزين وفيها الشين
وانه يمكن لي خذا وحده كويتية مايرتاح معاها ,, يمكنها تقتنع وتالي أسألوا عن البنت وأهلها
الله يكتب اللي فيه الخير

الله يكتب الي فيه الخير انشالله

مشكورين وماقصرتو

مادري شقول لكم بس كسر خاطري اخوي ومالقيت احد اتكلم معاه فا قلت مالي الا انتو

مشكورين وايد

صاجه بتبوتا حلات الثوب رقعته منه وفي

والله حبيبتي اذا البنت زينه ومتربيه عدل ليش لاء
حاولي تقنعين امج وقولي لها باجر اذا زوجتيه على مزاجج وما ارتاح مع زوجته
بلومج طول العمر عالاقل هذي اختياره باجر ان صار ما صار ما راح يلوم احد