اجنحه دسمان م السلام

السلام عليكم بنات شلونكم. انا حامل ولادتي شهر 10 ان شا الله فكنت بالاول حاطه في بالي اولد في رويال حياه لاني ساكنه بالجابريه بس اكتشفت ان رويال حياه مايقبلون التامين الصحي الي عندي مال شركه الخليج فحرام الصراحه لقيت مستشفي مستشفى السلام عقب ماقارنت المستشفيات برويال لقيت ان اجنحه السلام اليديده نفس مستوي رويال وفخامته. هذا رابط الاجنحه

https://sih-kw.com/images/pdf/Dasman2Final.pdf

شرايكم ؟

يعطيج العافيه ماقصرتي

روووووعه

الله يتمم عليج ويقومج بالسلامه ان شاء الله ويرزقج الذرية الصالحة يارب

حبيبتي يزاج الله خير علي هالدعوه الحلوة :******

اييي احلى من غرف رويال حياة
و اذا تبين شي احلى و ارخص شوفي الجناح الامبراطوري بدار الشفا اكبر و افخم بالنسبالي
كأنه شقه حده عجيب

حلوه دسمان

بجم دسمان ؟

انا توني والده سويت اب دسمان 8 ليله اب 900

الله يسهل عليكم

دانه وغولدين انتوا معانا بتولدون شهر 10 حياكم بتجمعنا

مع الولاده اب 900 ولا بس الغرفه؟؟

اصلا السلاااااام عجييببببببب ولااااادتي اللي طافت فيه وهم خذيت دسمان ٨
بس هالمره مضطره اولد برويال ولا السلام ماكوووو علييه انصحج فيه وبقوم طلي عالغرف احلا شي الغرفه البيضا ودسمان8

انا توني واده اب دسمان 3 اطلاله عالبحر وولاده قيصريه مع اقامه 4 ايام اب 4800 تقريبا .. جيكي على موضوع قصه ولادتي

انا كنت ناويه اولد برويال حياة بس بعد ما شفت اجنحة دسمان متردده جنه ودي اولد بالسلام

بنااات بليز الي تعرف اسعااارهم تقول لنا اكثر شي عجبني ٢ و ٧ و ٨

انا ولادتي العام بالسلام خذيت جناح دسمان 7 الليله كانت اب 900 و طبعا المستشفى يهبل عنايه و نظافه ماعليه كلام الصراحه… بس حطو ابالكم الأسعار تتغير بين فتره و فتره يعني قبل ولادتي بشهر كان سعر دسمان 7 800 دينار و وقت ولادتي صارت 900 بعدين ابفتره ردو نزولها خلوها 800 و الحين صارت 900 مره ثانيه