|
|
بصراحه كثييير ترددت في كتابة هالموضوع
خاصه انه عن انسانه عزيزه علي والي يخليني اتردد كل مره هو حبي ليها اقول في خاطري ان مو حلو بحقها بس خلاص اىحس جبدي فاضت مو قادره اتحمل شي
امي بصراحه اسلوبها مادري كيف ! دائماً أحس انها تفرق بيني وبين خواتي ولو اسوي شي تافه قالت عنه الف شي ادري ان كل بيت وفيه مشاكل وكل ام يتهاوشون معها عيالها بس انا امي هواشها معي غييير من يوم وانا صغيره دائماً تهزئني بطريقه بششعه الي اشوفه منها من وانا صغيره شي ثاني ودايم اقول بنفسي مااحس انها امي مع انه الي اسويه انا مو زايد عن خواتي بس هيه تشوفني بطريقه ثانيه ليش؟ لان انا تفكيري مختلف عنهم اعطيكم مثال ولو انه يفشل بس ماعليه مثلا انا وحده مااحب اطلع كلام الي يقولونه لي الناس يقولو لي انتي تسوي حالج متدينه انتي الشيخ الفلاني احس انه يعايروني اذا فكرت بهذي الطريقه
وتبيني اقتنع بكل الي تقوله ودايم تحسب انه الي تقوله عدل وماتخطأ بشي وخلني اقول لها مو كذا السالفه تعصب
والمصيبه الأعظم اذا صارت مشكله بيني وبينها تقلب السالفه كلهااااااااااااااااا بطريقه فضيعه تخليني انا اصدقها
وتغير الكلام وربي تعبت مادري وش الحل ؟
دايم ابي رضاها واحاول ارضيها بأي شكل واحاول احسسها بحبي بس القى ردت فعلها العكس وطبعا هي تحسب انه اذا تعاملت كذا انه احسن في التربيه تكون قاسيه عشان على قولتها تركبنا مانركبها مع اني ماأشوف الا الاحترام وهي بعظمة لسانها تقول انه احنا لو تقول لنا شي مانردها فيه
احترت معاها مادري وش اسوي ؟ دائماً تقول لي كلام يحبطني ويجرجني ياما بكيت منها تخيلو انها اذا شافتني ابكي تجي تقول لي احسن تحسبي قلبي بيعورني عليش بطقاق الي يطقك
وانا اخ اتقطع الم واموت حره
كلامها جاررررررررررررررررررررح اشوف خالتي تعامل بنتها غير تقول انا ماقدر على دموع بنتي وبالمقابل اشوف امي تفتخر لانها تعاملني كذا
لو شنو ماسويت مايملي عيونها بجد ابي حل لاتقولو صبري بليز انا مابي اصبر انا حتى ودي بالموت بسبايبها""
طبعا اذا قالت شي بصراخ وطبرقه مو حلوه اقولها يمه ماله داعي تصرخي اذا ماتبي اسوي هالشي خلاص طبعا تزعل وتسهل الموضوع وبكل سهوله تجي تسأل اي احد شوفو هالمغروره انا ماقلت لها شي كل الي قلته كذا وكذا وكذا وطبعا وهي توصف لشخص الي قالته تقوله بهدوووووء والي تشتكي له يقولها كلامك مافيه شي
هو حتى انا اذا سمعته وهي تشكي لهم اقول اي صح مافيه شي كلامها بس كان بصراخ والوجه مقلوب والاسلوب غيييير لييييه تقول كذا وتغير الاسلوب طبعا تحط اللوم علي عند الي تشتكي عنده انا في النهايه انسانه وعندي احساس مااحب احد يصارخ علي شنو فيها لو كلمتني بأسلوب نفس الاسلوب الي تشتكي فيه مني ياربي تعببببببببببببت
بنتظار حل يطلعني من الي انا فيه =(
انا حطيته هنا لانه الاقساام الثانيه لازم موافقه واني ضروري تساعدوني امبي
ولو انهاااا بنت الجيران لازم تتفاهمي معهاااا
بعدين انتي امي حملتيني على بطنك تسعععه اشهر على شاااان ايش عشان تخاصميني
وحذري ان تغظبيهــــــــــــا او تكلميهاااا وتخاصميهاااا ترى تزعل منك
ولا تكلميها وانتي معصبه ومتنرفزة
حبيبتــي آنتي بنظرج شنو الحــل ؟
هذي امج مهما كان أسلوبها معاج لازم تحملينها شــوفي الاشياء اللي تضايقها وابتعدي عنها
وحاولي انج تكسبينها بالكلام الحلو والهدايا وكل ماتشوفينهااا حبي راسها صدقيني مهما كان قلبها قاسي راح يلين
الله يسخر لج امج ويحنن قلبها عليج
احمدي ربج اعرف وحدة مريضة سكر وتعرفين مريض السكر اعصابة مو ملكه
وامها واختها يعادونها
وسبحان الله كل الناس مبتلين بشي والبيوووت اسرررارر
وتذكري دايم انا الدنيا دار امتحان وابتلاء
ادعي دايم اللهم اجعل ماتفعله لي امي بردا وسلام علي
اسأل الله يهديلج اممج ويسخرها لج ويسخرج لها ويفتح بينج وبينها فتح مبينا بأسمه الفتاح
اوصيج بسورة البقرة وكثرة الا ستغفار فأنه يفتح الا قفال
قلبي معاج
اللهم صل وسلم وبارك ع نبينا محمد