|
السلام عليكم
وايد تصادفنا هالمواقف
في الجمعيات … الاسواق .. المطاعم و الكافيهات … الجامعه … الدوام
وأغلبكم صادف هالمواقف ويمكن تكلمتوا عنها
اتييج وحده وتسألج انتي من بنته او تقولج عطيني تلفون بيتكم ابي اكلم امج بعد ما تسلج متزوجة او مخطوبة
لكن سمعتوا او مرت عليكم خطبات من صورة منشورة في احد المجلات الاجتماعية ؟؟
كلكم تعرفون مجلة ليالينا … يصورون فيها ناس اشكال والوان .. من طبقات المجتمع المختلفة ومن كل مكان وزمان ومختلف المناسبات
الشي اليديد ان البعض قام يدور على زوجة من هالمجلة او غيرها من المجلات الاجتماعية
تلقون امهات يدورون حق عيالهم .. او بنات يدورون حق اخوانهم
وصارت المجلة وسيلة للخطبة و الزواج و التعارف
اشرايكم بنات بهالاسلوب ؟؟ وهل هذي الطريقة صحيحه ؟؟ وهل توافقين ان الزواج يكون بهذا الشكل ؟؟
خلونا نشوف آراءكم
يمكن لان اسماء العوايل مذكورة فاهي تكون مناسبة انه الوحده ادور وتسأل وتبحث
السؤال هذا طرحته على 35 بنت وريال التقيتهم
30 كانوا يأيدون هالشغله و 5 معارضين
نبي الآراء تأيد ولا تعارض مع ذكر السبب في الحالتين
وانصدمت اكثر لما قالت لي انه اهو شافني مصورة بالمجله وطلع اسمها الكامل ليما وصل لها
بصراحه مادري ما اثق بالهزيجه لانها بصراحه نفس الزواج عن طريق النت
اي لاتستغربون
انا رفيجتي تزوجت عن طريق النت
بس صراحه ما أيد هالشي
يسلمووووووو حبيبتي على الموضوع ^_^
الزواج عن طريق الانترنت هذا اللي محد يقبله
بس وايد ناس تبرر الزواج عن طريج المجلة انه فرصة يشوف البنية اذا عجبته سل عنها .. وراح تقدم لها اذا صار نصيب كان بها واذا ما صار الله يوفق الطرفين
وفي ناس تقول لأ … النوع هذا مو مقبول لاسباب اجتماعية
بس الغالبية تأيد لأنها بالنهاية راح تكون عن طريج الاهل … يعني لا البنت ولا الصبي واحدهم ما يعرف الثاني ولا عمره التقى فيه
نفس السؤال ينطرح لما تتقدم الام بتخطب حق ولدها من ناس ما يعرفونهم الا من خلال السؤال
ونفس الشي بالنسبة للخطابة اذا كان الزواج عن طريج خطابه
بالنهاية كل هذي الطرق تعتمد على السؤال
رفيجتي من عايلة معروفة قبل فترة كانت مسوية مع زوجها حفلة في احد المطاعم وحاطين صورهم في المجله
ياها تلفون غريب يوم ردت عليه ولا وحده تقولها ما شالله صايره حلوة بالمجلة
طبعا عقب ما عرفت عن نفسها انها من العايله الفلانية
عقب قالت لها ما عندكم من اهلكم وحده مثلج حلوة وخلوقة
ردت عليها اتصلي فيني بعد ثلاث ايام وارد عليج خبر
عقب اسبوع اتصلت ورشحت لها وحده من اهلها
وراح الصبي مع الام وخواته شافوا البنت وعجبت الصبي
وتم الزواج واليوم عندهم بنية امورة وصبي ماشالله فقلة قمر
هذا نوع من انواع الزواج عن طريج مجله ليالينا
سبحان اله كل شي توافيج
ودام احنا بالكويت … كل شي ممكن يصير
اي انا اييد بشرط السؤال
وفي النهايه الزواج قسمه ونصيب
بس الزمن تغير وكل وقت ما يستحي من وقته
قبل مثل ما قلتي زواج الاهل اللي عن طريج الام ولا زال مستمر ليومنا هذا
وطلع لنا الزواج عن طريج الخطابه
حتى الزواج عن طريج الخطابه تطور صار من خلال الاتصال بالانترنت ويشوفون بعض من خلال الكاميرا ويدور حديث بينهم خصوصا اذا كانت من خارج الكويت
وفي زواج عن حب يا اما في نفس الدوام او كان زملاء دراسة
وفي زواج الانترنت
وفي زواج عن طريج الصديقات كل وحده تخطب صديقتها حق اخوها
والحين زواج عن طريج المجلات
وكل ما تقدم الوقت تغير الاسلوب لكن بالنهاية الهدف واحد اهو جمع راسين بالحلال و التوفيج بينهم
مشكورين كلكم على اراءكم الحلوة اللي تثري النقاش و تفتح افاق في الموضوع
اولا:البنات مايحطون اساميهم كامله..و موشرط اسم العايله ينكتب
ثانيا في وايد عوائل اساميهم تتشابه
و اغلب العايلات فيها يكونون وايد..مثلا وحده حاطه اسمها(فاطمه الفلاني)..انزين العايله الفلانيه جم فاطمه فيها؟ و جم عايله بالكويت يحملون نفس الاسم؟
و بعدين في ناس مايحبون البنت اللي تحط صورها بالمجلات..مره من زمان انا حطو صورتي بمجله و امي قالت لي انه ماله داعي تحطينها و ليش و ما ليش..
بس والله انشهرت حتى مره وحده كانت معاي بالجامعه قالت لي ايي انتي حاطين صورتج بـ…….!
بس ماعتبرها وسيله ناجحه للخطبه
انا مومع هالزواج قلنا عاد المجتمع تغير بس موبهالسخافه