ابي حل لتبييض المنطقه الحساسه وابي حل لمشكله ثانيه

ابي حل لتبييض المنطقه الحساسه لان لون جسمي زين بس المشكله في المنطقه ابي كريم ما اتحمل خلطات وابي حل لمشكله ثانيه

واهيا انبي ابي تحاميل تنظف بعد الدوره الشهريه او تضيق اشوي

لازم تراجعين طبيبة جلدية لان تغير اللون بسبب التهابات ولازم تسويلج تحليل علشان تعرف السبب وبعدين تكتب لج على كريم مناسب مه غسول وتكتب لج على تحاميل اذا في افرازات غير مستحبة
ونصيحة من مجربة لا تستخدمين وصفة لوحدة ثانية لانه يمكن ما تناسب حالتج لأن في التهابات سببها فطريات والتهابات سببها بكتيريا وكل نوع له علاج مختلف

آنا من راي أختي مس باريس روحي للدكتورة وبالنسبة للسواد هالمنطقة لازم تكون أغمج شوي من باقي مناطق الجسم بالنسبة للمرا والريال
مع التحية………

انا على راي ميس باريس راجعي الطبيب احسن لج لاني مثلج خذيت وصفات من ناس وصار فيني حكه والتهاب فأحسن روحي الطبيب

تحاميل لا تحطين نصييييحه

اول شي تنشفج بعدين تخربين لا هديتيها

وكريم المنطقه الحساسه روحي الصيدليه وقولي للدكتورة هناك وتعطيج

روحي الصيدليه واخذي:
سودو كريم وغسول سيتل للمنطقه الحساسه
واخذي تحاميل بيتادين وغسول بيتادين "دش مهبلي"
واهتمي بأن المنطقه تكون ناشفه دايما
واستخدمي السودو كريم بعد الشور يوميا
وهذا دواج وعلي الله شفاج

حبوبة

الحلاوة تسود المنطقة الحساسة

عليج بالمكينة مال نتف الشعروعلشان الألم حطي كريم أملا المخدر قبل الاستعمال

ومن عقبها ما بتفكرين ترجعين للحلاوة

شيء ثاني إذا متينة سوي ريجيم لأن المتن يسبب سواااد

والنصيحة الأهم البسي شورتات قطن خصوصا بالصيف يشيل السواد ويمنع التزلغ في ذيج الأماكن

وحطي سنفرة مرتين بالأسبوووع

وكريم تبييض

وبتكونين أحسن

شلونج اختي حبيت اعرف شنو الاله الي نتف الشعر؟؟ وشنو كريم املا؟؟ لانه فعلا انا لاحظت انه الشيره تسبب السواد وترهل بعدياليت تردين علي برساله او اهني؟

لاوالله ياريت الرد يكون هني عشان كلنا نستفيد

حبوباتي وحدة من البنات راسلتني ع الخاص وتسأل نفس الأسئلة

اسمحولي بس علشان الوقت وااايد متأخر عندنا قلت بنقل ردي عليها وبحطه هنيه

…………
غناتي

أنا شريتها ع 350 درهم ( ما أعرف كم بالدينار بس أعتقد 30 دينار ) … اللي هي براون سيلك اللي وياها كيس للتبريد

بس فيه أنواع أكيد أحسن ما أدري شوفي البنات أنا عموما ارتحت ويا هذي

شوفي أول الأيام كنت واااايد متخوفة والصراحة بديت فيها بعد الحلاوة بعشر أيام تعرفين المكان الحساس هذاك يطلع الشعر فيه بسرعة .. المهم أول مرة نظفت شوي وحسيت بالألم (شوي بس أقوى عن الحلاوة ) المهم حطيت كيس التبريد خمس دقايق وشليت عقب طلعت الوضع أخف بالألم

بعدين حبوبة أنا نصحت أختي بكريم اسمه أملا 5% هو جذيه اسمه ( ما يقرب لدهن أملا بس نصيبه إن سمووه نفس الاسم ) ..للتخدير ووايد ارتاحت عليه

انطباعي عنها إنها أحسن وأسرع بالشيل من الحلاوة

عيوبها إنج لو شوي ما ركزتي بتجرحين عمرج

الشعر بعدها يطلع أنعم

وأنا أسويها كل 10 أيام تقريبا لأني أشيل الشعر أول ما يطلع شوي وهو متنثر أحسن من إني أنتظر إنه يطول ويزيد وبعدين بيزيد التعب

بالنسبة لتحت الباااط واااايد روعة المكينة وما فيها ألم وااايد

ومع الوقت تحسين الباط يبيض وترتاحين من الحلاوة

الشعره عادة تطلع من الضربة الأولى بس لو هي شوي أطول ع اللازم أو إن مكانها غلج شوي ممكن تحتاج ضربتين أو ثلاث

أنا أستخدم الماكينة من ست شهور الحين والله الاباط صاير زبدة

خاصة مع العناية وشريت كريم تفتح وااايد ناسبني والحمد لله وايد أهون من بلاوي قبل

وفي النهاية غناتي اسألي حد غيري وشوفي كم راي غير رايي وعقب قررري

اي عاد العذوب من وين شاريته الكريم أملا و شسم الكريم تفتح هذا

حبوبة أنا من الامارات

كريم أملا من الصيدلية

وكريم التفتيح ماركة سيكرت واسمه اندر آرم وايتنينق

وسعر الاملا 80 درهم وكريم التفتيح 35 درهم

كريم املا المخدر ينباع بالصيدليات بس لازم وصفه طبيه
وسعره اربع دنانير التيوب الصغير ويكفي حق كذا استخدام
وطريقه استخدامه اول حطي طبقه رقيقه ونطري نص ساعه بعدين حطي طبقه ثانيه ونطري فتره بعدين عاد كفيج

وفي كريم ثاني ، مو كريم جيل ، الصراحه ناسيه اسمه فيه حرف الاكس ، بشوفه لكم
يخدر والجيل افضل من الكريم لان هالمنطقه حساسه والشعيرات الدمويه وايد فيها فيصير الامتصاص اسرع والنتيجه افضل ، والجيل يمتص اسرع من الكريم ،ومايترك اثر مثل الكرييم، الجيل خذيته من مستشفي مبارك

توني ادري ان سودو كريم يفتح بس هم الليمون يلعب دور بالتفتيح
مع التحية…………..