ابى مساعدة ضرورى ولكم الاجر انشالله

السلام عليكم خواتى

بليز بنات ابى اعرف بعد كم يوم من الولادة اقدر اربط بطنى علشان ماتترهل فى بعضهم يقولون مايصير بعد الولادة على طول وبعضهم يقولون بعد عشر ايام احسن ما ادرى انتوا شنوا رايكم واللى مجربة بعد الولادة على طول تقولى اذا حست بضرر من الربط مع العلم انى اربط بغترة ومااعتقد انها مضرة اذا الولادة انشالله طبيعية
ردووا على جزاكم الله كل خير يالغاليات

هلا اختي فرفووورة
والله الربط ماضر الاندونيسيااات وشوفي بطنهم لازق بظهووورهم وماكو اصح منهم
انا خدامتنا يابتلي مشد من عندهم امها خايطته لي ومشد حق البيبي عشاان الغازااات
وقالت لي اذا تبييين بطنج لازق بظهرج لا تفصخييينة الا حزة أكل أو سباحة أو نوووم ولبسيه 24 ساااعة
لأن حزة الاكل والنووم خطر تلبسين اي مشد يسبب تصلب الشرايين

واذكر رفيجه خالتي كانت امها تشد بطنهاا بغترة وتحط فوق البطن طابوقة مسخنتها بالنااار عشان يشد البطن وينظف الرحم وكل ناااس لهم طرقهم الخاصة بعد الولااادة عشاان يشدووون
وسلامتج

جزاج الله خير اختى الزبرجد والله يعطيج العافية والصراحة سالفة الطابوقة هاذى مالها داعى وين لى خلق انا ماصدقت اخلص من الثقل اللى فى بطنى اروح اثقل على نفسي مرة ثانية مااعتقد انى بسويها
بس انا اللى حبيت اعرفه عادى بعد الولادة على طول يعنى اذا اليوم ولدت اربط بطنى بكرة عادى ومايضر الخياط من تحت يليت اللى عندهم فكرة يفيدونا اكثر ولكم الاجر يارب بهالشهر الفضيل

لوووووووول الطابوقة بعد تبعث حرااارة وتوخر آلام الرحم اذا فيه وجنة يطرد الهوا يعني لها فوايد من وراها
على العموووم عادي انج تربطين على طووول وماله شغل بالخياااط
بس طول مانتي بالمستشفى اخذي فترة راحة لما تطلعين ربطي على طول
بس مثل ماقلت لج اذا بتاكلين ولا تنامين فصخيييه لأنه موزين

حبيبتي اذا ولادة طبيعيه عااادي من ثاني يوم ربطي انا اختي كانت تربط بطنها من ثاني يوم لما تتطلع من المستشفى وكانت تربط بطنهااا بالشماااغ وتحط داخل الشمااااغ كشكووول وتضب على بطنهااا حيل وتنام فيه وماشاالله بطنهااا ما يترهل

والله انا ما ادري كنت اتسائل نفس سؤالج لان انشاءالله ولادتي شهر 12 ومدحولي وايد المشد الاندنيسي وبشتريه انشاءالله فتسائلت من اي يوم عادي البسه

حبيبتي عادي انا مرت اخوي اول ما ولدت ربطت بطنها بشماغ وتشيله حزت النوم والسبوح بس وماشاءالله طلعت من الانفاس مالها بطن

انا دكتورتي قالت لي عقب 15 يوم لان الرحم يكون نازل ييبي يرجع لوضعة والربط ينزله بس تحسفت وايد ناس اربطو عقب اسبوع وماصار فيهم شي

احس ترهل بطني شوي