|
|
هلا وغلا فيكم اخواتى انا صارلى يومين تعبانه من قلبى حيل وبعدين عرفت من التحليل انى فينى كلسترول ودهون بالجسم وهو مأثر على حيل ومتعبنى ورحت للدكتور بصراحه حيل ضايقنى ولا عنده اسلوب بالكلام يقولى اننى تتدلعين وقلت له طيب والتحاليل هى بعد تتدلع قالى صحيح انتى عندك الدهون عالية بس عادى سوى دايت ورياضة وطولت بالى عليه ولا عطانى لادوا ولا استفدت منه اذا عندكم طريقه لنزول الدهون او تعرفون دكتور خاص يعرف ويفهم احسن من اللى الدكتور اللى شفته
طولت عليكم اخواتى والله يسعدكم ويفرج هم كل وحده اللهم امين
حبوب صناعه ايرانيه طبيعيه ميه بالميه من الشبنت وعشبتين بعد ناسيه اسمهم و اسمها
قرص آنتوم
حبه بعد الريوق وحبه بعد العشا
وتراها تدر البول
بعد شهر حللي وشوفي نسبة الدهون وادعيلي بالخير أمانه عليج
المرميه…..والكمون..والزعتر…..وعصير الليمون بعد….@@
الصبح علي الريج اشربي..اي نوع من هالاعشاب….وان شاء الله تشوفين نتيجه مرضيه…..@@
والرياضه بعد مفيده للي فيهم كلسترول..امشي ساعه باليوم……@.@
الأناناس
الكرفس (بس إذا فيج قلب لاتكثرين منة) اكلي شدة وحدة منة باليوم
الجريبفروت
كلهم مفعولهم ساحر
و اهم شي اهم شي اهم شي الرياضة
واتمنى اني افيييدج واي استفساار انا حاظره طرشي لي على الخاااااص
بس حاااااااسبي اذا تبين تطلعين لا تشربينه ترى مرات يمشي البطن ويخليج وايد تبولين وانتي بكراااامه وكل اللي يقرون بكرامه ^^
أول شي خففت عن المقالي و الدهون .. و سويت تحليل بس ماكو فايدة و الدكتور يقولي لازم تنزلين الكلوسترول (أنا أول مره يصير عندي عالي.. كل مره لما أسوي تحليل يكون طبيعي و الدهون الثلاثية بعد)
بعدين قريت عن (بذرة الكتان) قمت أشرب كوب قبل الفطور أو قبل النوم و كنت وايد أحطحها على السلطات و الروب و الكورن فلكس
عقب شهر سويت تحليل و كانت النتيجة ان الكلوسترول و الدهون الثلاثية low أقل من المعدل الطبيعي !
سويت رجيم دشتي وصار معاي كوليسترول ودهون ثلاثيه وصارلي 4 سنين كل ماله ويزيد اللحين الكوليسترول عندي 7 وايد عالي
بس والله مالي خلق لأن الحبوب لازم طول العمر آكلها واهي تسوي هشاشه وانا رجيم دشتي اصلا سوالي هشاشه من غير شي
اختي مجربه بذرة الكتان ممتازه بس مره قريت موضوع بالمنتدى وحده تقول انها تلخبط هرمونات الجسم مع انها شي طبيعي