|
|
السلام عليكم ابلاتنا العزيزات
باخذ رايكم بفكرة مسابقة للطابور نسويها في بوم الاسرة وابي رايكم فيها واذا عندكم تعديلات او اضافات
فكرت بالابلات الي عيالهم عندنا بالمدرسة نسالهم من قبل جم سؤال بعدين بالطابور نسال امهاتهم نفس الاسئله ونقارن بين الاجوبة وتكون النتيجه منو اكثر ام عارفه ذوق ولدها واكثر ام فاهمه ولدها؟؟؟ شرايكم
ابي رايكم
بس احب اذكركم ان فيه طالبات ما عندهم امهات فلازم تراعون شعورهم
شكرا عزيزتي
واحتمال ابوقها
بس عطينا الاسئلة
لانه مالي خلق افكر خخخخ
الله يوفقج
حلـوة الفكـرة ..
ومناسبـه
احنا سويناهـا السنـه اللي طافــت ..
وكان في تفاعل كبيــر ..
هلا حبوبـه ..
احنا نادينـا الامهـات …
وقلنا لهـم يجابون على اسئلة معينـه طبعا بالطابور ..
يعني جدامنـا .. عساس يصير اكشـن ..
طبعا ما اذكر الاسئلة بالضبط .. بس اللي أذكره ..
شنو الأكله المفضله لـه .. شنو المادة المفضله أو الأبله اللي يحب حصتهـا ..
وعقبها ننادي الطلبـه ..
ونسألهم هالاسئلة .. جدام الامهـات ..
طبعا تكوون حلووة وفيها تفاعل ..
انا اقول روحي سئلي الاخصائية عن الحالات هذي قبل اذا مو موجودة احتفلو ع راحتكم
اذا موجودين فحرااااااااااااااام تكسرون بخاطر اليتيمات
احنا عندنا وحدة امها توفت العام
والبنت مكسوووووووووووورة يا حرام والناظرة امنعت هالاحتفال عندناانا اقول لو تحولونها على طريقة بر الوالدين عموما احسن او حب المعلمة كأم ثانية لج واختاري المعلمة المحبوبة اكثر بالمدرسة وسوي مسابقة لها مع طالباتها اللي يحبونها او اي شي ثاني بس انتبهو ع اليتيمات