ابلات الرياضيات فديتكم ممكن مساعده؟,,,

صباح الخير يا ابلات جميعا,,

اولا شي الله يعطيكم العافيه على المجهود اللي تبذلونه مع عيالنا

ثانيا انا بسالكم الحين كتاب الرياضيات مو فيه بكل صفحه الادراك البصري؟ هذا احنا نحله والا انتوا تحلونه مع الاطفال؟

وخدمة ثانيه فديكم النمط شنو هو بالضبط وشنو فكرته علشان احاول اوصلها لولدي؟

وشنو تنصحوني فيه هل اسوي له تمارين واخليه يحلهم والا اخليه على شرح الابله؟

واسفه ثقلت عليكم,,اتمنى تفيدوني

هلا والله اختي

انتي تقصدين منهج اولى ابتدائي

الادراك البصري في ناس تحله وناس لا على حسب حاجة الدرس ووقت الحصة

واذا تقدرين تحلينه مع ولدج كنشاط اضافي

وفكرة النمط حيل سهله نفس فكرة الاكس والاو

تحطين له مثلا *-*- عاد هو يكمل نفسج نجمه و شرطه

او **- **- عاد يكمل نجمتين و شرطه وجذي يعني

عوديه على اكثر من نمط

دائرة ومربع او مثلثين و مستطيل و خليه يكمل النمط

وموفق ان شاء الله

مو لازم تحلين الادراك البصري ونفس ما قالتلج الامل الابيض يعني النمط هو عباره عن تكرار في الشكل واللون والترتيب مثل
ابيض – اسود – ابيض – اسود
احمر – اخضر – اصفر – احمر -اخضر- اصفر
بس لازم يعرف كلمه نمط واذا تبين اي شي انا حاظره

يااااااااااااااااافدييييييييييييييييتكم ماقصرتوا والله وطلع النمط هين

والله يعلي مراتبكم دنيا واخره