|
|
مرحباااا يااا معلمات شلونكم
انا تعيين جديد لغة عربية
وللاسف حطوني بثانوية لان يقولون نقص ومحتاجين معلمات
مع اني كنت اتمنى متوسط
بس توكلت على الله وقلت يمكن خيرة وعساس بجرب الثانوي سنة وواذا ماامشيت انقل متوسط
سؤالي:
شلون تدريس الثانوي؟؟
شنو اصعب شي بالثانوية؟؟
شلوون طالبات الثانوي؟؟
وشرااايكم بثانوية برقااان ؟؟
بلييييييييييييييييييز ابي الرد واللي تدخل ترفعه لي
الله يوفقكم
واللي حطوهم ثانوي على طول يابو واسطة وانحاشوا للمتوسط مدري ليش
بس انا رفيجة أختي حطوهاا ثانوي تعيين يديد ماتمدحه كلش وخصوصا تقول أحس بغربة القسم كله وافدات وأهيا الوحيدة بس الكويتية
والله يسخر لج الخير
ولا تمشين على كلام الناس ياما قالولنا اشياء وهوايل وشفنا الفرق عالعموم جربي وشوفي يمكن ترتاحين واستخيري
ترى الكل راح ينقلج تجربته وانتي موضروري تكونين نفسها
الله يوفقج
انا حيل خااايفة لاني مجربة ميداني متوسط ووحااولت فيهم ابي متوسط بس مارضوا
فقالي ابوي جربي هالسنة بعدين ننقلج يمكن ترتاحين
واللي خايفة منه اكثر ان الثانوي يبيله خبرة وواغلب المدرسات كبار علي
بس انا حطوني بثانوية خواتي ويمدحون قسم العربي عندهم ويقولون عندهم كويتيتين والمدرسة الاولى كويتية
والله يستر ويسهلهاااا
الشغل موجود بكل المراحل خصوصا العربي اتوقع مراح تلقين فرق كبير لانها مادة اساسية
بس اذا الله كتبلج قسم متعاون وادارة متعاونه والله راح تحبين الشغل
وترا ميزة بنات الثانويه عن المتوسط انهم عارفين مصلحتهم عدل
يعني مراح تلقين قلة ادب وشطانه كثر بنات المتوسط الله يحفظهم 
اي والله انتي صااجة انا عندي الاهم القسم والمدرسة الاولى لان اهم اللي بتعامل معاهم وبقابلهم طول اليوم
وووبنات الثانوي مهتمات اكثر للدرجات خاصة بعد ماصار المعدل تراكمي
بس خاايفة من المنهج نفسه لان يبيله خبرة
كل شي بالممارسة وبعدين التعود
اذكر انا ورفيجااااتي اخذنا ميداني متوسط
ولما تعيينا انا رحت المتوسط لان مثلج كنت خايفة
واغلب رفيجاتي راحوا ثانوي
هذي هي مرت السنييين ولايفكرون بالنقل ابداااا
على حسب المدرسة والادارة والقسم انا اشوووف