|
|
انا بالشهر السابع الله يتمم علي وعليكم ويرزق الي ماحملت ان شاءالله
قاعده افكر اخذ ابرة الظهر ولما سويت سيرج لقيت الي يمدح والي يذم
فحطيت هالموضوع ابي من تجاربكم الي جربتها متى خذتها بالضبط ؟؟ بعد شكثر من دخلت المستشفى ؟؟ وشو فوايدها وضرارها على المدى البعيد ؟؟
وياريت بنات تكون الاجابات عن تجارب مانبي سمعت او يقولون عشان الكل يستفيد
وجزاكم الله خير
لان عمتي خذتهم وبعد 5 سنين بدا معاها الم الظهر
اضرآرهـآآ
النسسسيـآآآآآآآآآآآآآن
الم الظهر
احلفهم انهم مااايوافقون عليهااا لو شنووو ،، كااافي مكانها حيل حساس واثارها للمدي البعيد احنا مو مثل
الغرب حريمهم محافظين ع روحهم بالفيتامينات والمشي والتعرض للشمس ،، احنا من نوصل للاربعين تبدا
الامراض فينا وماني ناقصه عوار ظهر عشان ابرة طلق الله يخلي الكمام اللي بس دايخه مانقومين الا ع طلعة الراس
اول مره ما مداها تشتغل لان غزوني ياها متاخر
المره الثانيه غزوني ياها من اول مارحت المستشفى والحمدالله استفدت منها وكانت ولاده بدون الم يعني صج عجيبه الابره ما حسيت بشي
فاذا انتي حابه تاخذينها لازم يغزونج اياها مبجر ولازم يكون طبيب شاطر
والله يهون عليج ان شاءالله
والحمدلله ما حسيت في ولا شي
وان شاء الله باخذها بكل ولاده
إبرة الظهر اختراع وايد حلو ومفيد…ودام فيه هالنعمة ليش ما نستفيد منها؟
كل شي له مزايا وعيوب والناس أذواق وكل واحد وتجربته
إبرة الظهر لها وقت معين…لما رحت المستشفى كان منبط الماي وبادي الطلق…
عطوني الإبرة الشرجية بعدين يفحصون إذا كان الوقت مناسب حق الإبرة ولا لأ
تقريباً خذيتها عقب ساعتين من دخولي المستشفى
فايدتها ما تحسين بالألم كلش…تريحج وتخليج بكامل قوتج وقت طلعة الياهل وتكونين مركزة مع الطبيبة
وبصراحة ماعرف شنو مضارها…كل اللي سمعته كلام ناس ومادري أذا صج ولا لأ
بس أنا الحمد لله ما أحس إنها أثرت علي…بس مكان أثرها في ظهري يبيلها سنين على ما يختفي
خذيتها في مستشفى دار الشفا…طبيبة التخدير تعطيج الإبرة…وتظل الممرضة طول فترة الولادة تتأكد إن كل شي زين
جربتها مرة وإن شاء الله راح آخذها مرة ثانية