ابر التثبيت

سلام بنات

عفيه اللي خذت ابر تثبيت خلال الفتره الاولى من حملها تقول لي شنو اسم الابره؟ و شنو كانت المشكله!! بنات ضروري وايييييييييييييد
مشكورين

ماعندي اي فكره
وانشالله البنات يفيدونج

هلا فيج

والله انا اخذ بكل حمالاتي ابر مثبت
بس والله ما اعرف اسمهم بس اهم ع قولة الدكتورة
ثقال ولما اخذها تغزها شوي شوي ع البطئ وتدلكني معاها
مكان الابره لانها عبارة عن زيت

حمالي الاول علشان كنت انزف والرحم ع طول مفتوح من بداية حمالي

وحمالي الثاني عزج الله صار معاي اسهال ومعروف ان الاسهال يفتح الرحم
ونزفت بعد واخذتهم

وحمالي هذا الله يثبته يارب اخذت ابرتين بس لان بداية الشهر الثاني نزل معاي شي بسيط
دم بني وقالت لي الدكتوره احتياط راح اعطيج ابرتين
لان الرحم مسكر والنبض زين وضعج كله زين

ااااااب

لما اشوف ان في احد رد على سؤالي استانس بس افتح و اشوف عباره ( ما عندي فكره ) يضيق خلقي

حبوب ديفستون 3 مرات باليوم تحاميل سايكوليجست مرتين باليوم وابرة بريمولوت كل 3 اسابيع هذا اللي كنت اخذه بس ربج ماقسم بالشهر الخامس اجهضت الحمدالله على كل حال اسباب الاجهاض مافي سبب نفتح الرحم وصارت ولادة البيبي كان ينبض ويتحرك والرحم كان مسكر بس حاشني عوار ظهر رحت اشيك لقو كل شي سليم الرحم مسكر بس الله ماقسم نص ساعة من بعد العوار نزل البيبي
ابرة البريمولوت ثقيلة وايد لانها زيت والسيستر واهي تغزني اتسويلي مساج حوالين الابرة علشان الدوا ثقيل وزيتي

انااكنت اخذ من الشهرالثالث واخذدفيستون من الشهرالاول عشان بداية الحمل نزل علي دم

والحين بدخل الخاامس ولاعاد اخذة بس احس بثقل موطبيعي

ويقولون من الابرررر تثقل الرحم فماادري السبب شنو

هلا حبيبتي
بالنسبه لابر التثبيت اسبابها كثير
مثل النزيف
الحمل يكون ضعيف
الرحم مفتوح
يعني كم سبب
الاسماء كثيرة
بس انا خذتها عشان عندي طلق والرحم مفتوح 2 سم في الاسبوع ال 20
والحمل نازل مرة
عطوني اياها في العضل على ثلاث جرعات
يوم ورا يوم
بس الحمد لله مرت الامور بسلام
ان شالله افيدك

انا خذيت ابر التثبيت لانه نزل معاي شوية دم والدكتور من شطارته كتبلي ابرتين مع بعض والاسبوع اللي وراه بعد ابرتين والابر قويه ومات البيبي في رحمي من قوة الابر

نصيحه اخذي تحاميل سايكوجست ثلالث مرات وابتعدي عن الابر لا ياذي البيبي والله يثبت حملج وتفرحين بالبيبي

لرفع

حبيبتي الله يثبت مافي رحمج يارب
شوفي ياقلبي من خبره اقولج اياها
حبوب الديفستون من اول حملي كنت اخذهم ثلاث مرات باليوم
وهم تحاميل السايكلوجيست ثلاث مرات باليوم
اما ابر التثبيت ما تنفع قبل الاسبوع 18 لان اذا كانت البيبي بنت راح ياثر علي عضوها الانثوي ويزيد هرمون الذكوره
ماتنفع باول الحمل و الي تقولج تاخذها وري يعض غلط غلط غلط
لانها ابرة ثقيله حاااااااارة لازم بالاسبوع مره وكل مره بمكان يختلف
بالعضل ديري بالج كثره هالابرة تسوي ارتخاء بالرحم هذيل دكاتره استشاريين قالولي هالكلام

ذكرتيني فيهم
صج يعورون

كنت اخذهم كل اسبوع
اجهاض منذر + مشيمه نازله + ربط + مزيف

تاكدي تحتاجينهم و لا لا

لان دكتورتي الاوليه حسبي الله عليها عطتني ببداية حمالي و عفستني و انا ما احتاجهم و كان اهلي و رفيجاتي كلهم يقولون لي انتي ما تحتاجين و اقولهم اكيد الدكتوره افهم و لما غيرتها و قلت لدكتورتي اليديده عن ابر التثبيت قالت لي انتي حالتج ما تحتاج ليش عطتج

يعطون الابر للوحده الي عندها اجهاض سايق او نزيف او مشاكل بالمشيمه و تاكدي بعد

في دكاتره بس يبون فلوس مع ان الابره ما اتكلف عليهم حسبي الله عليهم *

انا خذيتهم في بجر صار معاي نزيف في اخر الثالث مو وايد بس الدكتوره عاليه الفضلي وصفتهم لي لاني كنت مجهضه قبل هذا وعطتني نوعين من الابر غير الحبوب الابر وحده كل يومين والثالث اخذها و الثانيه يوم وترك بس مايتصادفون مع بعض

انا ماتجيني ولاده الرحم مايفتح كلش بعيالي كلهم يعني بجري قربت اخلص العاشر ماجاتني ولاده البيبي كبر حجمه و المشيمة تعبت وبالاخير رحت للمواساة قالتلي فرجينيا البيبي 4 كيلو والمشيمة تعبانه ولازم ولاده اليوم مو تنطرين واحتمال كبير عمليه طلعت ورحت العدان و الحمدالله ولدت طبيعي وعيالي كلهم ماتجيني ولاده الله كريم لازم اروح و يولدوني تحاميل تفتح الرحم وطلق صناعي
واحساسي يقول بسبب الابر خربطت شي فيني

انا كنت اخذ ديفستون حبيتين باليوم وجاني نزيف عطاني دكتور طوارئ ابره سعرها 40 دينار بس ما كتب الله

والحمدالله وبحمالي هذا حيل كنت ادير بالي على نفسي مااتحرك اول ثلاث شهور واجد كله بفراش اكثر الوقت او

اقعد ماتحرك لانه الحركه مو زينه عسى الله يثبت حمالتنا يارب