:::إنتي يا فيلسوــفة زمانج يالنجريه . ياللي تقلبين المواضيع هواش و طقني وأطقك .

خصوصا" بقسمنا العزيز : قسم الزوجيه,,,,,,,

هذا الموضوع حق كل وحده تحب تتفلسف و تجرح اللي جدامها و تسوي مشااكل و تحب تهاوش وتقلب المواضيع نكد وهواش و تطلع عن الموضوع نفسه وتدخل بموضوع ثااني ماله علاقهـ

هذا الموضوع حق كل وحده تدخل مواضيع البنات و ما تقرا منه الا سطر سطرين و ترد رد ماله علاقه بالموضوع

دام مالج خلق وماعندج وقت تقرين الموضوع او المشكله او القضيه….. ليش داشه؟؟

يا انج تقرين الموضوع عدل مدل و تعطين نصايح واقتراحات صحيحه و حلوه

ولا ماله داعي ردج لانه لا راح يجدم ولا يأخر

يعني تشوفون عضوه كاتبه موضوع شطووووله …… تدخل عضوه و تقرا بسرعه بسرعه سطرين و تكتب أي كلام و تعلق بس على جزء من المشكله

انزين ماشفتي باقي المشكله؟؟ ماقريتي كل الكلام؟؟

انتشرت هالظاهره واايد بمنتدانا الغالي

و الى كل وحده تحب تتفلسف و تجرح اللي جدامها و تسوي مشااكل و تحب تهاوش وتقلب المواضيع نكد وهواش و تطلع عن الموضوع نفسه وتدخل بموضوع ثااني ماله علاقهـ

اقولج

شنو تستفيدين من هالاسلوووب!!

تعتقدين جذي بتتميزين بين العضوات؟

فعلا" راح تتميزين بس بشنو؟>>>> تتميزين بالاسلوب السئ و الحوار المتدني المستوى,,,

زعلتي من كلامي؟؟

لا حبوبه لا تزعلين لان هذا الصج

مافكرتي لما تكون وحده منقهره ولا مظايقه ومهمومه وتعبانه وعندها مشكله

و من حسن ظنها ببنات المنتدى تقعد تكتب موضوع طويــــــــــــــــل عريض تفضفض

و تنطر منكم الفزعه والنصايح الحلوه والكلام اللي يجبر بخاطرها…. وتيين انتي بارده مبرده تكتبين رد يجرح و ينرفز وتقطين كلمه تظايق

و تفلسفين على البنت و تقلبين الموضوع هوشه و تزيدين الطين بلّه و تزيدين همومها و اهي مو ناقصه؟؟

ماخفتي من دعوتها عليج و اهي مظلومه ومنقهره واللي فيها مكفيها؟؟

مو كافي غيرة البنات من بعض بالواقع.. نلاقي الغيره هني بعد!!!

ليش ماتصفّيـــــن نيتج و تحاولين تكسبين العضوات بإسلوبج الرااقي الذرب…

تكسبينهم بإنتقادج البنّــــاااء الهادف….

ليش ما تكسبين العضوات خوات لج…

ليش ما تكونين صداقات معاهم؟؟

هل حركاتج دليل على وجود نقص فيج؟؟ عندج مشكله وتبين تطلعين الحره بالعضوات؟؟

كل وحده تطرح قضيه ولا مشكله بالمنتدى هذا دليل انها اعتبرتكم خوات لها و أمّنتكم على اسرارهااا

يعني ناطره محبتكم و ردودكم الراقيه ونصايحكم الحلوه… مو ناطره الاسااااءه

بليز تكفين ياللي تسوين مشاكل وتفلسفين ودايمن تحاولين تبينين انج التوب والصح و السنعه ملّــــيــنااا من الهواش والنجره والمشاكل

صرنا نخااف نحط موضوع و نعرض مشاكلنا ونفضفض لان ندري ان نهاية الموضوع هوشه أو نجره أو كلمه سيئه أو فلسفه مالها داعي..

يا اختي العزيزه اذا كان كلامج حاد و جارح فسكوتج من ذهــــــــــــــــــــــب

اتمنى موضوعي هذا يمحي الفئه هاذي من بنات المنتدى

عشان ناخذ راحتنا بطرح قضايانا و مشااكلناا

و يرجع المنتدى مثل اول و احسن

اسفه طولت عليكم

اتمنى صوتي وصل