|
|
آنا جد والله متضايقه بخصوص تحاليل الوراثه ..
خل اقولكم شنو اللي مضايقني ؟
أول شي صار معاي اجهاضين من قبل تقريبا بالشهر الاول ..
يوقف نمو البيبي وبعدين ينزل ..
وسويت تحاليل كلها سليمه ، بس في تحليل حق الدم للجنين ناطرته .
المشكله وين ؟
المشكله ان حملت واجهضت وعقبها بشهر حملت علا طول واجهضت بعد 
والحين صارلي تقريبا 8 شهور وأحآول وماكو حمل !!
المهم فكرت اسوي تحليل الوراثه وقالولي راح نتطابق انا وزوجي راح يصير ايجابي ..
بس مو هذا اللي مضايقني ؟
آللي مضايقني ان في عايلتنا امراض وراثيه وفي عايلته امراض وراثيه .
ورحنا للدكتوره كلمناها عن كل شي قالت راح اسويلكم تحاليل دقيقه حيل وتحاليل عن الامراض اللي في عايلتكم !!!
والله آنا خايفه انها تدخلنا بمتاهات وامراض وسوالف ثانيه /
ألحين السؤال اذا قالت لنا انا وزوجي فيكم امراض وانتوا حاملين المرض الفلاني !!
ساعتها شنو العلاج ؟؟
امانه شنو العلاج ؟؟
اتوقع زوجي راح يمشي ويطنشني وتوصل السالفه للانفصال ..
حيل خايفه وتررددت حيل وقلت لزوجي ماراح اروح ..
بس اانتي ياللي تقرين موضوعي ؟؟
هل في علاج سويتيه من قبل عشان تمنعون المرض الفلاني ؟؟
وادعولي ان الله يرزقني بالذريه الصالحه المعافاة يارب العالمين وعسى الله يرزقكم ويقر عيونكم فيهم .
وراح استخير عالسالفه بس محتاجه خبراتكم 
اذا اعتقد ماكو خوف ان شاءالله
بروح انام دخت بآجر ادش
مشكوره حبيبتي
وبجم
و يكلف التحليل يمكن يوصل لي 400 يعني حسب المرض الي اتحللون له
حبيبتي انتي تسالين اذا في علاج حق اي مرض وراثي يطلعلج
بقيت اقولج ان في علاج الحمدلله بس طبعا اطفال الانابيب
انشالله اكون فدتج
لا تسبقين الاحداث
انا عندي اجهاضات ومثلج كلهم بالاشهر الاولي
وريلي ولد عمتي سويته بالصباح
اول شي حللي الاجسام المضاده
,,,
ويرزقنا بالذرية الصالحة يارب
انا مثلكم اجهضت 3 مرات وزوجي يصيرلي ومستشفى الصباح عطونا تحاليل انا وزوجي
نسويها انا سويت كل تحاليلي بس زوجي رافض يسوي لانه مايحب المستشفى ولايحب الابر
ويدوخ وتلوع جبده منها
وانا ميت من الحره يعني احنا الحريم نتحمل كل شي ومستعدين لكل شي ليش الرياييل انانيين
ومايفكرون الا بنفسهم
عطوني حل شسويله موراضي يحلل دم يخاف
انا نفسكم اجهاض بس زوجي مايصير لي
بنآت كلمت دكتورتي تقول اذا طلع بالنتيجه أن هناك سبب وراثي خلاني اجهض فـ مآله علاج ،
يعني اي شي وراثي ماله علاج مانقدر نتحاشى الامراض الوراثيه
عفيآ بنآت ادعو بالذريه الصالحه المعافاه يآرب