إبرة الظهر ،،،،،،،،، وين المجربات !!!!!!!

انا ما جربت
بس اللي جربوا يقولون ارتاحوا
اهم شي عند مستشفى ثقة

ماجربتها !!

ان شالله البنات يفيدوننج !

انا بسألج اذا تعرفين

الابرة يقزونها ويشيلونها ولا تظل بالظهر لما تولدين ؟؟؟ وصج اذا تحركت الوحده يصير فيها شلل اسم الله عليج وعلينا ؟؟

الله يسهل عليج

حبيبتي الله يسهل علييج وتقومين بالسلامه انتي والبيبي ان شاءالله

الحمدالله بولاداتي الثنتيين خذيتها وووايد ارتحت وماشفت لها اي اعراض جانبيه لحد الان ..

اخت زبده:
انا حطوا الابره بظهري ماشالوها وكل نص ساعه تنزل جرعه الدوا بمقدار معين عشان تسكن الالم…
اما سؤالج الثاني مادري بالضبط بس انا خذيتها قبل الولاده بفتره يعني بولادتي الاولي خذيتها الصبح ووولادة بالليل فكان عادي اني اتقلب مره علي جنبي اليمين ومره اليسار

انا ماجربتها الحمدلله ما احتجت

بس اللي مجربين كل وحدة تجربتها غير عن الثانية

حاولي بالولادةتتحملين كثر ما تقدرين وشفتي نفسج مو قادرة طلبيها
و هم نصيحة دام انج على ويه ولادة صلي استخارة على موضوع الابرة و اكيد الله راح يكتبلج اللي فيه الخير

انا سالت دكتور تي عنها وقالت يفضل يعطونها للي تطول في الولادة أكثر من ٦ ساعات أما إذا انتي ولادتك ما تطولين فيها لا تاخذينها
انا ما أنصحك فيها أخذي مسكن وكمام ولا تنسين الدعاء اقري سورة الزلزلة وقولي هـ الدعاء اللهم يا مخرج النفس من النفس بالحق اخرج النفس من النفس بالحق
استخيري قبل أي خطوة عسا ربي يكتب لك الي فيه الخير

دكتورتي تنصح فيها للبجر لان ولادة البجر طويلة.. وانا سويت تحاليل لابرة الظهر

انا اخذتها توني والده وبجر اهي يقزونها بس واللي يبقى بظهرج مثلك السلك يوصل المخدر لجسمج مو ابره لحد يقص عليج سلك خفيف حيل يتحكمون بدرجه المخدر من خلاله يعني مثل الدرب وعادي تتقلبين يمين ويسار بس الافضل على ظهرج عشان لايروح المخدر بصوب اكثر من الثاني ووقت يعطونج الابرة ينطرون تروح الطلقه وبثواني يقزونها وخلاص فليش تتحركين اذا الطلقه راحت !
قرقت بس حبيت افيدج وعسى ربي يهون عليج وتبشرينا

اغلب اللي من عايلتنا خذوها وكلهم يقولون نعمه من ربي وماحسينا بشي وراحه وكلهم لمن جربوها يحملون ومايحاتون الولاده والحمدلله ما اشوف صار فيهم شي اسم الله عليهم

حبيبتي مشكوورة فدتيني وايد كنت ماعرف عنها شي ويخرعوني الناس منها

يقولون اقل حركة تنشلين اسم الله علينا قلت شدعوة يعني بقعد صنم وانا اولد هههههه

الله يقومنا بالسلامه

انا خذتها بولادتي الاولى لاني ولدت بطلق صناعي وطولت

وقعدت يومين ووسعوني وبطوا ماي الراس

مع كل هالسوالف منو تتحمل كل هذا عشان جذي لازم تاخذينها بهالحاله

بس بولادتي الثانيه كان طلقي طبيعي وسريع

ماحتجتها وتحملت شوي بالكمام وولدت الحمدلله

يعني انصحج فيها للضرورة القصوى

وبالنسبة لي ماشجع عليها اذا ولادتج سريعه

لانج ماتحسين بشي فممكن يشفطون البيبي وماتقدرين تسوين بوش

لانج ماتحسين بشي

وهي عموما ماتخوف نفس مايقولون والحمدلله ماكان لها اثار جانبيه معاي

واير نفس الدريب يركبونه بالظهر وتتحركين عادي

وماتسبب شلل ولا شي

اتمنى اكون افدتج

وفهمتي قصدي والله يسهل عليج

ياااارب سهل علينا

انا جربتها بولادتي الاولى عجيييبببه وانصح فيها وناويه اخذها الحين بعد ان شاء الله