|
|
السلام
أهم أسباب تأخر الانجاب عند بنات الكويت خاصة !!!!!!!!!
1- ضعف التبويض
2- ارتفاع هرمون الحليب ( البرولاكتين)
3- الخراب
4- ميلان الرحم عن مكانه الطبيعي
اذا انت متاخر انجابج اكيد عندج على الاقل وحدة من هالمشاكل
اذا بتعرفين تبويضج ضعيف والا لأ انسدحي على ظهرج وحطي 2 من اصابعج السبابة والوسطى على سرج( السرة) اذا حسيتي بنبض قوي ان شاء الله انج زينه بس اذا النبض ضعيف او ما في نبض ترى التبويض مو شي عندج
وهرمون الحليب حاولي تعصرين حلمات صدرج اذا طلع حليب اكيد الهرمون مرتفع
والخراب تعرفينه من الافرازات والريحة اللي مو زينه والدورة ما تكون مضبوطه وتكرمون الدم لونه اسود وقطع اتلوع الجبد او هوا تحسنه يطلع من هالمنطقة
وميلان الرحم تحسين بالم تكرمون اثناء الجماع وسببه شيل اشياء ثقيلة
وطبعا الخراب لازم تعالجينه بالطب الشعبي عند حريم لان الدكاترة ما يعالجونه بس يقولون لج التهابات ومضادات حيوية يعالجون اعراضة مو السبب الرئيسي
وحتى ميلان الرحم لازم تعالجينه بالطب الشعبي عند حريم
اذا خلصتي من هالمشكلتين الباقي علاجه عند الدكاترة
اي وبعد لازم تغذين نفسج عدل وتخلين اكل المطاعم وتاكلين اللحوم ودهن السمن الاصلي والعسل الاصلي خصوصا وقت الدورة
وتتركين اي شي حامض وقت الدورة يعني العصاير والفواكه ما تنوكل وقت الدورة تقطعها وتسبب شي يسمونه الفجرة وهو دم متجمد بالرحم
ولا تذوقين انواع البيبسي والكولا وغيرة اثناء الدورة تخرب الدورة
وارجو اني فدتكم بتجربتي
وشكرا للمتابعة
يلا باااااااااااااااي
وآسفه عالاطاله
مشكوره حبيبتي على هالموضوع
اختي نسيتي شغله مهمه اهي ضعف الحيوانات المنويه منتشر بكل دول العالم ومو بس بالكويت واهو في ازدياد والسبب اهو ان الاكل اللي قاعدين ناكله وياكلونه الرياييل غير صحي خصوصا الاطعمة المحفوظه فهي تحفظ في مادة الاسترجين الانثوي اللي بدوره يسبب ضعف عند الرجال.
بعدين آنا ما اعتقد ابدا ان الروحه للحريم اللي يعالجون لها أي فايده لأن في ناس وايد قاعدين يعالجون بالعيادات والمستشفيات وقاعدين يحملون ماشاء الله.
موضوع مفيد