|
|
بقولكم اليوم شنو صار معاي…انا ولدت الحمدلله….وإليكم التفاصيل
التاريخ:7-10-2008
اليوم:الثلاثاء
ساعة الدخول:9:00
المكان:مستشفى السلام
ساعة الولادة:4:45
الجنس:ذكر
الإسم: محمد
الوزن:3,120كغ
الدكتورة:ليلى أبو الليل
أسابيع الحمل:37
أول شي من أمس بالليل…ماقدرت أنا….من التفكير…لأن انا رايحة الولادة بموعد من الدكتورة وبطلب مني 
تميت افكر لين الساعة1ونص…ونمت نومة مقطعة…قمت الساعة5…وحست حست بالبيت..انظف وارتب…لين صارت الساعة6ونص…قعدت بوعلاوي…."""يلا قوم قوم….ورانا درب.."""..لأن بيتي بعيد عن المستشفى واحاتي الطريق…درب لين بنيد القار بالذات ان ايام دوامات…وزحمة..وموعدي المفروض الساعة8:00….يعني طلعنا عالساعة7:10
اللي صار ان وصلنا 8:15
وخلصت بسرعة من الريسبشن وحجزت الغرفة الفي أي بي…..
دخلوني ولادة الساعة9 الصبح….أول شي درب عادي…ك مغذي…عشان انا طالبة ابرة الظهر…
والساعة9ونص….يات دكتورتي….وفحصتني…وكنت مفتوحة4سم…
وعقب مابطت جيس الماي…..حطولي الطلق الصناعي…..لين صار الساعة10:30…واي احس بالطلق…يعور
بس تحملته في البداية…لأن كان خفيف
10ونص…يات دكتورة التخدير الهندية….اللي في المستشفى…وطقتني الإبرة….حسيت بنغزات بس وعقبها الحمدلله ماقمت احس بولا شي…لين صارت 2:15 خلص مفعول الدوا المباشر وصار يمشي عقبها من المظخة
بشكل مستمر…بس كان اخف من المباشر…
وبديت احس الطلق يعورني….جان تزيده واختفى العوااار
وكل ماله ينفتح الرحم…..لين صارت الساعة3:20….كنت موصلة8سم
عالساعة4:00 بديت احس بظغط الراس…وبديت لا….احس من صج بالطلق…يعورني….لأنهم يبوني ادفع(((بوووووش))…ف ماكان التخدير وايد….يعني يتحكمون بدرجته
المهم…دكتورتي الحمدلله وصلت عالوقت اللي هي كانت متوقعة فيه الولادة….بس انا كنت وايد وايد وايد تعبانة وموصلة….لدرجة اني قمت اصرخ من العوار…
حسيت…والله..مع اني مجربة ابرة الظهر اول مرة اكانت جذي…كنت حييييييييييييل مخدرة…..اللي الطلق كان ايي ويروح وماحسيت فيه..بس هالمرة غييييييييييييييييييييييييير…حسيت بكل طلقة..وألم وعوار مابقى أحد مارعصت على ايده,,,
السستر…أمي…مرت اخوي…ريلي….امبيه لأ…مساكين
المهم من ال4ونص لين الساعة4:50 الا انا خلاص ولدت حمادي….واي بس طلع جني جذابة….تخيلو…حطوه على صدري…ويطالعني بعيونه نسيت كل التعب….
والله اصلا راح العوار…
والحمدلله..ماشقتني لا بمقص ولاموس….ومافي ولاغرزة…الحملله سهالات…..
ودعييييييييييييييييييييييييييييييييييييييييييييييي ييييييييييييييييييييييييييييييييت حق الكل…
وبنات عن تجربة…كل وحدة وهي ولد…لظة البوووووووووووش….ختنادي الله وتقول بأعلى صوتها يا الله…والله
وانا اظغط ياالـــــــــــــــــــــــــــلــــــــــــــــــ ـــــــــــــــــــــه شكبرها….الا الياهل طلع
وعقبها تميت ساعتين بالملاحظة…وبسرعة فج البنج..والحمدلله كل شي اوكي…
وانا الحين قاعدة اكتب الموضوع وانا في غرفتي…وحمودي كان عندي وتهم ماخذينه….بس في شي واحد ظيق خلقي…لما علاوي ولدي ياني….
كان ظايق خلقه…وكان زعلان…ودزني مايبي اييني…. 
بس انشالله يتعود….
والله يسهل عليكم…كلللللللللللللللللللللللللللكم
ويتربى بعزكم ان شاءالله
مبروك والحمدالله على سلامتج
مبارك عليكى الياهل وان شاء الله تشوفي بويه الخير
قولي لابوه اييبله لعبه وانتي بالخشيش عطيه كانه منج عشان ما يبرطم