|
|
السلام عليكم جميعا
انا ماعندي مقدمات اقولها غير ان قلبي معورني حيل ونفسيتي تعبانه وحاسه روحي بتطلع
انا امس اجهضت وانا بدوله اجنبيه مالي لا اهلي ولا اهل زوج بروحي مع ولدي وزوجي
تعبانه تعبانه.. استغفر الله العظيم واتوب اليه يارب تلهمني صبرا جميلا .. ادعولي جزاكم الله خير ادعلي ودي اكون عند امي الحين وانام بحضنها استغفر الله يارب
انا كنت في الاسبوع ال 12 اول امس يوم الاحد مافيني الا العافيه بس قبلها باسبوع وانا ينزل معاي افرازات لونها بيج يعني لا بني ولا احمر افراز مخاطي بيج اصفر غامق
يوم الاحد المغرب جاني مغص خفيف تميت نايمه بالسرير .. والا احس بدش حمام ببول عزكم الله والا الاقي دم يصب صب دم غاامق ومعاه قطع كبار لونها اسود قمت اصرخ زوجي دش شاف منظر الدم طلب الاسعاف .. طارو فيني المستشفي وانا انزف انزف والا بالمستشفي بيحطون درب والا مادري شنو صار والا عرق ايدي يطير دممممم صرت اصب من فوق وتحت ايدي مو راضيه توقف طحت غشيانه واسمعهم يقولون We loss her والدنيا سووودة زوجي وولدي حبيبي يطالعوني ويبجون قال خلاص بتموت .. والا دخلوني انعاش .. خلوني اتم اطلق لي ثاني يوم عشان يدخلوني عمليات .. دشيت عمليات العصر وطلعو الجنين وسولي تنضيف مع بنج كلي وارتحت شفت الموت يوم كامل طلق ولا طلق الولادة ودمممم يصب .. والله عانيت والله عانيت استغفر الله قالولي بعد اسبوع تعالي استلمي الجنين عشان تدفنيه او احنا نتخلص منه قتلهم لا انا بدفنه .. هذا مسلم لازم ابوه يدفنه.. واليوم ويهي اصفر وجسمي كله يرجف وبالغصب اكل يقولون لازم اكل الجراح الدكتور قالي لازم تاكلين جسمج نزف وايد بس مو قادره والله قلبي معورني وجسمي وحاسه باحساس فظيع .. استغفرك ربي واتوب اليك الحمدالله على نعمه الصحه .. شفت الموت والله
من حبي فيكم قاعده افضفض اسفه طولت بس ابي دعواتكم لي بظهر الغيب ادعولي الله يعوضني ويريح قلبي ويخليلي وليدي المسكين مات خوف لما شافني مغرقه بالدم يقول لابوه ماما بتموت النونو بيموت ؟؟
استغفرك ربي واتوب اليك استغفرالله 
ديري بالج لعى نفسج واهتمي باكلج وان شالله مايجي الشهر الجاي الا وانتي حامل
عسى ربي يعوضج خير ويجازيج خير باللي مريتي فيه
ويعوضج بالذريه الصالحه عاجلا غير آجل
ويخلي لج ولدج وزوجج يااارب
ومن حبه الله ابتلااااه هذا ابتلاء واختبار وان شاء الله ربي يصبرج ويعوضج ياااارب
فدييييتج والله عورتي قلبي
عساها آخر احزااانج ان شاء الله
كثري دعاء واستغفار وانتي منسدحه والله لها اثر عظيييييم
الحين تغذي عدل وحيلج بالعصاائر وان شالله ترد صحتج وعافيتج والي راح ان شالله يعوضج بغيره اهم شي صحتج وحالتج النفسيه طرحتيه صغير ولا كبير
خيره لج ماتدرين ربج شنو كاتبلج
وثقي بالله انه الله لما اراد لج الاجهاض اكيد لسبب
احتمال البيبي يطلع مشوووه والله مايبيج تتعبين معاه
احمدي ربج واهتمي بنفسج الحين
انتي نفاس وديري بالج علي ولدج
مماتدرين ووين فيه الخيره (وعسى ان تحبوا شيئا وهو خيرا لكم)
جزاكم الله خير .. واللي راح يدعون بعد جزاهم اللي خير لاني صج قاعده اكتب لاغصب على اللاب جسمي كله ينفض .. سلام عليكم
لا يضيق خلقج اهم شي سلامتج و ردتج بالسلامه لبيتج و ولدج واذا عالحمال بتيبين انشالله واحد و اثنين و ثلاث انشالله
الله يعوضج يا قلبي بس هونيها و ريحي و ردي عافيتج هذا أهم شي الحين
وربي يعوضج
تغذي زين يا قلبي
اللهم اجرني في مصيبتي واخلفني خيراً منها
اللهم اجرني في مصيبتي واخلفني خيراً منها
اللهم اجرني في مصيبتي واخلفني خيرا منها
الله يعووضج ويصبر قلبج والتعب بأجره ومن المنسيات ان شاءالله
ان شاءالله انه اذى وفكج الله منه
و حمدلله علي السلامه
وربي يصبرج ويعوضج